Bæjarins besta - 09.04.2003, Page 7

MIÐVIKUDAGUR 9. APRÍL 2003 7Lestu nýjustu fréttir daglega á www.bb.is
Fram kom á aðalfundi
Mjólkursamlags Ísfirðinga
fyrir skömmu að umtalsverður
bati varð í rekstri þess á síðasta
ári. Rekstrartekjur voru um
208 milljónir króna og tap á
rekstrinum um 770 þúsund
krónur. Til samanburðar voru
rekstrartekjur árið 2001 um
196 milljónir króna og rekstr-
artap um 23 milljónir króna.
Tekið er fram að aðferð við
uppgjör var samræmd öðrum
fyrirtækjum í mjólkuriðnaði
á Íslandi og kemur það þess-
um samanburði milli ára í
óhag sem nemur um þremur
milljónum króna.
Á fundinum kom fram
ánægja með þá ráðstöfun
stjórnar að leita til Mjólkur-
samsölunnar í Reykjavík eftir
aðkomu að yfirstjórn fyrirtæk-
isins. Samstarfssamningur þar
að lútandi var gerður 1. sept-
ember á síðasta hausti. Frá
þeim tíma og út þetta ár að
minnsta kosti er Sigurður
Rúnar Friðjónsson mjólkur-
bússtjóri í Búðardal starfandi
sem mjólkursamlagsstjóri á
Ísafirði. Þetta er nokkurs kon-
ar fjarstýring frá Búðardal en
Halldór G. Guðlaugsson
framleiðslustjóri hefur með
höndum allan daglegan rekst-
ur samlagsins.
Nú stendur yfir markaðs-
átak fyrir próteindrykkinn
PRIMUS og telja forsvars-
menn samlagsins að viðbrögð
gefi góðar vonir með framhald
framleiðslunnar. Sósugrunnur
sem einnig er framleiddur í
samlaginu virðist halda ágæt-
lega stöðu sinni á markaði.
Í stjórn Mjólkursamlags Ís-
firðinga eru Ebba Jónsdóttir á
Hóli í Önundarfirði, Sigmund-
ur H. Sigmundsson á Látrum
í Mjóafirði, Sunna Reyr Sig-
urjónsdóttir á Ósi í Bolungar-
vík, Björn Birkisson í Botni í
Súgandafirði og Árni Bryn-
jólfsson á Vöðlum í Önundar-
firði, sem er formaður.
Verulegur bati í rekstr-
inum á síðasta ári
Aðalfundur Mjólkursamlags Ísfirðinga
Landaður afli fiskiskipa í
höfnum Ísafjarðarbæjar hefur
dregist saman um nærri 40%
á fimm ára tímabili eða úr um
46 þúsund tonnum árið 1998
í liðlega 28 þúsund tonn árið
2002. Magn landaðs afla
stendur nokkurn veginn í stað
á milli áranna 2001 og 2002.
Vöruflutningar um Ísafjarð-
arhöfn eru hins vegar svipaðir
að umfangi árið 2002 og þeir
voru árið 1998.
Samdrátturinn er hlutfalls-
lega mestur í Flateyrarhöfn
eða um 62% þar sem landaður
afli dregst saman úr tæplega
13.000 tonnum í tæplega
5.000 tonn milli áranna 1998
og 2002. Þingeyrarhöfn held-
ur sínum hlut hvað best á tíma-
bilinu. Landaður afli þar dróst
saman úr liðlega 4.200 tonn-
um í um 3.500 tonn sem jafn-
gildir liðlega 17% samdrætti.
Guðmundur Kristjánsson,
hafnarstjóri Ísafjarðarbæjar,
segir vísbendingar um að um-
fang landaðs afla í höfnunum
í bæjarfélaginu sé að ná jafn-
vægi. „Aflinn sem kemur inn
á hafnirnar hefur síðustu tvö
ár verið stöðugur í tæpum 30
þúsund tonnum. Það er lítils-
háttar samdráttur frá árinu
2000 þegar hann var um 33
þúsund tonn. Í Tilviki Flateyr-
arhafnar munar mest um skel-
ina en árið 1999 var síðasta
árið sem henni er landað“,
segir Guðmundur.
Stærsti tekjuliður hafnanna
kemur af viðskiptum við fiski-
skip. Guðmundur segir að hin
síðari ár virðist afli heima-
manna vera á svipuðu róli en
sveiflur séu í fjölda aðkomu-
báta og því magni sem þeir
landa. „Aðkomubátarnir vega
þungt á sumrin, eins og á Suð-
ureyri og Flateyri, en það eru
misgóð ár í því eins og geng-
ur.“
Samskip hættu strandflutn-
ingum til Ísafjarðar árið 2000
og fóru að leggja alla áherslu
á landflutninga. Þrátt fyrir það
eru vöruflutningar á árinu
2002 svipaðir og árin 1998
og 2000. Stærstur hluti flutn-
inganna um Ísafjarðarhöfn er
með sjávarafurðir. „Þeir dróg-
ust saman árið 2001 en eru
aftur komnir í svipað horf og
áður eða í kringum 55 þúsund
tonn á ári“, sagði Guðmundur.
Nær 40% samdráttur
á fimm ára tímabili
Landaður afli í höfnum Ísafjarðarbæjar
Landað úr Júlíusi Geirmundssyni ÍS 270 í Ísafjarðarhöfn.
14.PM5 18.4.2017, 10:527