Lindin - 01.04.2011, Blaðsíða 9
ég líka eftir,“ og á þar við Lárus Pál Birgisson,
Salvar Geir Guðgeirsson, Friðrik Jensen
Karlsson og Pétur Ragnarsson sem voru hluti
af foringjakjarnanum í Vatnaskógi í nokkur ár
undir lok tíunda áratugarins.
Vatnaskógur algjört ævintýraland
„Þegar ég var orðinn of gamall til að fara í
Vatnaskóg undir sömu formerkjum og áður fór
ég í unglingaflokk. Það er mjög skemmtileg
þróun að geta farið í svona unglingaflokk. Á
þeim tíma var ég líka farinn að spá í hitt kynið
og þess vegna gaman að fara í blandaðan flokk.
Tíminn í Vatnaskógi var frábær og fyrir strák
eins og mig sem þarf alltaf að hafa nóg fyrir
stafni var eins og að komast í einhvers konar
ævintýraland að koma í Vatnaskóg og
alltaf meira en nóg að gera frá morgni til
kvölds. Þess fyrir utan kynntist ég fullt
af skemmtilegum strákum í Vatnaskógi.
Ég man þó að ég var alltaf orðinn örlítið
svangur þegar kom að háttatíma fyrsta
árið sem ég fór, þannig að ég tók með
mér smá nesti til að eiga seint á kvöldin
hin árin.“
Engin áhrif á boltann
Það virðist ekki hafa breytt neinu fyrir feril
Rúriks í knattspyrnunni að fara eina viku á sumri
í Vatnaskóg og taka sér hlé frá knattspyrnunni
í yngri flokkunum rétt á meðan hann dvaldi í
Skóginum, í það minnsta er Rúrik atvinnumaður
í dag og á að baki 8 A-landsleiki og hefur
skorað eitt mark, þrátt fyrir að vera aðeins 23
ára. „Það truflaði ekkert fótboltann að fara í
Vatnaskóg. Fyrstu tvö árin missti ég bara alveg
úr í fótboltanum þegar ég var í sumarbúðunum,
en síðari tvö árin sem ég fór í Vatnaskóg var ég
sóttur í leikina sem HK átti að spila,“ segir Rúrik
sem lætur hugann stundum reika í Vatnaskóg.
„Mig hefur lengi langað til að kíkja á staðinn og
koma í heimsókn. Hef bara einhvern veginn
aldrei komið því í verk þegar ég hef verið
á landinu. En það rætist vonandi samt úr
því fljótlega."
Heiður að komast á EM
Framundan hjá Rúrik eru leikir í
dönsku úrvalsdeildinni með OB,
A-landsleikir með íslandi og svo
U21 árs mótið í Danmörku í júní. „Mér finnst
rosa gott að einblína ekki bara á eitthvað eitt
verkefni, heldur gefa allt sem ég get í hvert
verkefni hverju sinni. Ég neita því þó ekki að
það er óneitanlega spennandi og mikill heiður
að spila á EM í sumar. Það komas
líka bara átta þjóðir í lokakeppnina
og það að ísland skuli vera meðal
átta bestu í þessum aldursflokki
er frábært og eitthvað sem enginn
bjóst við,“ sagði Skógarmaðurinn Rúrik
Gíslason.
tf
9