Börn og menning - 01.09.2000, Side 14

BÖRN 06 AAENN|N6
Þegar efnið krefst orðmeiri skýringa en svo að hægt
sé að flétta þær eðlilega saman við meginmálið er sá
háttur hafður á að birta skýringuna í klausum á gulum
fleti utan við meginmálið. Á bls. 53 er einnig dæmi um
þetta: „Þá varð Þorgrímur svo hrifinn af Þórdísi Súrs-
dóttur að hann bað hennar. Var hún þá fbstnuð honum og
haldið brúðkaup. Fékk hún með sér í heimanmund jörð-
ina Sæból og fluttist Þorgrímur þangað, en Börkur varð
eftir á Þórsnesi.“ Til hliðar við þennar texta stendur
þessi klausa á gulum fleti: „Heimanmundur var verð-
mæti sem stúlka fékk með sér úr föðurhúsum þegar hún
giffist. Gat verið um að ræða fjármuni, húsbúnað, búfén-
að eða jarðir, allt eftir efnum og ástæðum. Stúlkur sem
áttu ríka feður þóttu álitlegir kvenkostir vegna þess að
líklegt var talið að þær fengju góðan heimanmund."
Ekki leikur nokkur vafi á því að þessar skýringar auka
heilmikið fræðslugildi bókarinnar. Þó er eins og Stefán
gefi þama fræðimanninum í sér lausari tauminn og ekki
víst að yngstu lesendumir átti sig alltaf á hvað verið er að
fara en það er þó ekki til skaða þar sem þetta efni er
ekki hluti af meginmálinu.
Kort og tnyndir
Landnámsmennirnir okkar er ríkulega myndskreytt
og falleg bók. Ber þar fýrst að nefna landakort sem
teiknuð em af Önnu Cynthiu Leplar en hún sá einnig
um hönnun bókarinnar. Fremst er yfirlitskort af Norður-
Atlantshafi sem sýnir vel siglingaleiðimar lfá Noregi til
íslands. Aftast er íslandskort þar sem merktar em inn á
þær landnámsjarðir sem fjallað er um í bókinni. Loks
em í upphafi margra kafla landshlutakort af Noregi sem
sýnir staðinn sem viðkomandi landnámsmaður kom frá.
í bókinni em einnig ljölmargar ljósmyndir af ýmsu
tagi. Ljósmyndir af fomum vopnum og gripum falla
vel að efni bókarinnar og hjálpa lesendum að hverfa í
huganum aftur í aldir. Einnig em myndir frá nokkmm
stöðum í Noregi og landnámsjörðunum á Islandi sem
ekki em allar nógu góðar (t.d. myndir á bls. 15 og 37).
Örfáar aðrar myndir hefðu alveg mátt missa sín þar sem
þær stinga í stúf við aðrar myndir og bæta engu við efn-
ið. Dæmi um þetta em myndir af nauti á bls. 85 og
rjúpu á bls. 92. Þetta em þó aðeins smávægilegar gallar
á bók sem vandað hefur verið mjög vel til og er höfundi
sínum, Stefáni Aðalsteinssyni, til mikils sóma.
Guðlaug Richter
12