Félagstíðindi Starfsmannafélags ríkisstofnana - 24.06.1988, Blaðsíða 7

FÉLAGSTÍÐINDI
7
Alyktanir aðalfundar sfr
Framhald af bls. 6
ins. Gera verður þá kröfu að húsnæðis-
kerfið geti annað hlutverki sínu og ef svo
a að vera, verða stjórnvöld tafarlaust að
breyta stefnu sinni.
Fundurinn ítrekar fyrri kröfur um að vandi
husbyggjenda og íbúðarkaupenda, sem urðu
fyrir misgengi launa og lánskjara, verði
tafarlaust leystur.
Fundurinn fagnar nýjum leiðum í húsnæðis-
málum, s.s. kaupleiguíbúðum, en vara við
því að þær verði fjármagnaðar úr verkamanna-
bústaðakerfinu. NÚ þegar er miklu meiri
eftirspurn og þörf eftir verkamannabústöð-
um en hægt er að anna og má minna á að í
ar verður 140 íbúðum úthlutað í verkamanna-
bustöðum í Reykjavík, en umsækjendur yfir
800.
lífeyrissjóðsmál
Aðalfundur SFR 1988 leggur áherslu á að
stjórn félagsins og BSRB fylgist af at-
hygli með öllum vinnubrögðum varðandi
hugsanlega lagasetningu um starfsemi líf-
ejrrissjóðanna og gæti þess af einurð, að
^éttindi þau sem gildandi lög og reglur
veita meðlimum LÍfeyrissjóðs starfsmanna
ríkisins haldist óskert.
JAFNRÉTTISMÁL
Aðalfundur SFR 1988 undirstrikar, að lögum
samkvæmt á að greiða sömu laun fyrir sömu
vinnu og telur að mörg störf þurfi að
endurmeta, sérstaklega láglaunastörf sem
flest eru unnin af konum.
Fundurinn beinir þeirri áskorun til heil-
hrigöisráðherra að beita sér fyrir því:
að fæðingarorlof verði lengt í sex
mánuði - strax
að hægt verði að skipta fæðingarorlofi
þannig, að starfsmaður geti verið á
hálfum launum í allt að 12 mánuði
~ að miðað verði við að starfsmaður hafi
full laun í fæðingarorlofi, þó aldrei
lægri en nemur bótum frá Trygginga-
stofnun ríkisins
að sömu reglur gildi um fæðingarorlof
þegar um kjörbörn eða fósturbörn er að
ræða
~ að feður fái allt að einn mánuð í
fæðingarorlof.
Aðalfundur SFR mótmælir þeim hluta reglu-
gerðar núgildandi laga um fæðingarorlof,
þar sem segir að vinni starfsmaður í
fæðingarorlofi muni orlofið ekki lengjast
sem því nemur.
NEFNDARÁLIT UM JAFNRÉTTISMÁL HJÁ RÍKINU
Framhald af bls. S
langi vinnutími hér á
landi viðheldur meðal annars því launamis-
rétti sem viðgengst í þjóðfélaginu. Stærsti
hluti launamunar karla og kvenna er skýrður
með mun meiri yfirvinnu karla en kvenna.
Yfirvinnuálag er hátt og á sinn þátt í að
viðhalda lágu dagvinnukaupi. Nauðsynlegt
er að auka vægi dagvinnutekna í heildar-
launum. Bent hefur verið á tvær leiðir til
að draga úr mikilli yfirvinnu, annars vegar
að gera yfirvinnu svo dýra, að atvinnurek-
endur vilji ekki greiða fyrir hana, hins
vegar að gera hana svo ódýra að launafólk
vilji ekki vinna hana."
Nefndarstörf
Nefndin fjallaði um að greiðslur fyrir nefnda-
störf gætu talist til hlunnindagreiðslna,
að svo miklu leyti sem störf í nefndum eru
unnin í vinnutíma starfsmanna hjá hinu opin-
bera.
Samkvæmt skýrslu Jafnréttisráðs frá sl. ári
um könnun á þátttöku kvenna í stjórnum,
nefndum og ráðum á vegum ríkisins 1985 voru
karlar um 90% þeirra sem sitja í stjórnum,
nefndum og ráðum á vegum ríkisins sem Alþingi
kýs, 91% þeirra sem sitja í stjórnum, nefnd-
um og ráðum á vegum ríkisins sem skipaðar
eru og kjörnar skv. lögum og ályktunum
Alþingis og 88% í nefndum skipuðum af
stjórnvöldum. Mjög algengt er að starfs-
menn ráðuneyta og fleiri opinberra aðila
sitji í þessum nefndum.
Samkvæmt þessu má ætla að langstærsti hluti
þeirra greiðslna sem koma fyrir nefndarstörf
hjá opinberum starfsmönnum renni til karla.
Störf verði betur auglýst
Nefndin fjallaði um það hvernig tryggja
mætti betur aðgang kvenna að störfum hjá
hinu opinbera og þá sérstaklega hvernig
staðið væri að auglýsingu starfa.
í tillögum sínum um það efni var lögð
áhersla á eftirfarandi atriði:
1. Að ráðuneytum, stofnunum og fyrirtækjum
nkisins verði skylt að auglýsa í dagblöðum
auk Lögbirtingablaðs allar ábyrgðarstöður,
sem m.a. fela í sér mannaforráð.
2. Að tekið sé fram í starfsauglýsingum
hins opinbera að hjá hinu opinbera sé lögð
áhersla á jafnrétti og því séu konur jafnt
sem karlar hvattar til að sækja um stöðuna.
Nefndin lagði einnig til að lögð yrði
áhersla á jafnréttisáætlanir innan ráðuneyta,
stofnana og fyrirtækja ríkisins.