Félagstíðindi Starfsmannafélags ríkisstofnana - 15.03.1991, Síða 2
2
___________________^ Félagstíðindi SFR j__
Tillögur ályktunarnefndar
Tillögur ályktunarnefndar til trúnaðarmannaráðsfundar
20. febrúar um ályktanir fyrir aðalfund SFR 1991.
Kjaramál
Almennt er vitað að kaupmáttur launa
hefur á undanförnum árum fallið verulega
þó hann hafi ekki fallið jafnhratt á yfir-
standandi samningstímabili. Harðast hefur
þessi kaupmáttarrýrnun bitnað á þeim sem
taka laun samkvæmt föstum töxtum. Op-
inberir starfsmenn hafa farið illa út úr
þessari þróun, einkum þeir sem eru í
lægstu launaflokkunum.
Aðalfundur SFR 1991 ályktar að nú
þegar verði hafinn undirbúningur að gerð
nýrra kjarasamninga. Kröfugerð verði
lögð fyrir fund trúnaðarmannaráðs eigi
síðar en 25. apríl n.k. og síðan kynnt með
fundum sem víðast á meðal félgsmanna.
Að þeirri kynningu lokinni verði kröfu-
gerð endurskoðuð með tilliti til þess sem
fram kemur við kynningu og endanleg
kröfugerð lögð fyrir launamálaráð og
trúnaðarmannaráð eigi síðar en 15. júní
n.k.
Við undirbúning kröfugerðar verður
m.a. lögð áhersla á eftirtalin atriði:
1. Fundurinn telur að leggja beri á-
herslu á hækkun lægstu launa jafnframt
því sem kaupmáttur launa verði almennt
bættur.
2. Laun séu verðtryggð.
3. Komið verði á starfsþjálfunamám-
skeiðum fyrir ófaglært fólk sem leiddu til
launahækkunar þeim til handa samkvæmt
ákveðnu punktakerfi.
4. Fæðingarorlof verði lengt í 12 mán-
uði og foreldrar geti skipti því með sér
fyrstu þrjá mánuði á fullum launum.
5. Við samningsgerð sé unnið að ein-
földun launakerfis, endurskoðuð verði
starfsheiti í launaflokkum og innbyrðis
samræmis gætt með hliðsjón af röðun
starfsfólks sveitarfélaga og annarra opin-
berra stofnana.
6. Leitað sé samstöðu launþegahreyf-
ingarinnar um úrbætur til aðgera íbúðar-
kaup léttbærari en nú er, einnig að teknar
verði upp bætur til íbúðareigenda.
Atvinnumál
Aðalfundur SFR 1991 ályktar:
1. Þegnar þjóðfélagsins eigi kost á at-
vinnu við sitt hæfi hvar sem er á landinu.
2. Byggðastefnan verður að vera
markvissari en verið hefur. Til þess að
stöðva fólksflutninga frá landsbyggðinni
til höfuðborgarsvæðisins er lykilatriði að
auka fjölbreytni atvinnugreina úti á landi í
iðnaði og þjónustu, samhliða betri nýtingu
afurða hinna hefðbundnu atvinnuvega. Til
að slíkt megi takast verður að jafna að-
stöðu byggða með bættum samgöngum,
bættri opinberri þjonustu og jafnara orku-
verði.
Heilbrigðismál
Aðalfundur SFR 21. mars 1991 leggur
áherslu á að spamaðaraðgerðir í heilbrigð-
iskerfinu megi ekki bitna á sjúklingum eða
leiða til aukins vinnuálags á starfsfólk.
Sérstaklega mótmælir fundurinn tíma-
bundinni lokun öldrunardeilda og legu-
deilda á sjúkrahúsum enda vandséð að
slíkar ráðstafanir leiði til sparnaðar er til
lengdar lætur. Þetta hefur í för með sér fé-
lagslegar og heilsufarslegar afleiðingar
sem ganga þvert á markmið heilbrigðis-
þjónustu í landinu.
Jafnréttismál
1. Aðalfundur SFR styður frumvarp
sem flutt er á alþingi um embætti umboðs-
manns barna.
2. Tryggja þarf bömum hvar sem er í
heiminum rétt til að lifa við öryggi og frið.
3. Fundurinn varar við óréttlátri tekju-
skiptingu í þjóðfélaginu sem er að aukast
og skiptir þjóðinni í tvo hópa, þá ríku og
þá fátæku.
4. Til þess að jafnrétti ríki þarf að
styðja við velferðarsamfélagið.
Aðalfundur SFR 1991 gerir kröfu um að:
■Allir hafi jafnan rétt til náms burtséð
frá hvar á landi þeir búa.
■Allir hafi sömu laun fyrir sambærileg
störf, óháð kynferði.
■Veikindaréttur vegna veikinda bama
verði aukinn.
■Virtur sé réttur allra barna til dagvistun-
ar. Sömuleiðis sé öllum börnum tryggður
samfelldur skóladagur.
■Bótaréttur vegna atvinnuleysis verði
tryggður allt árið.
SFR beiti sér fyrir því að við úthlutun
félagslegs húsnæðis, hvort sem um kaup
eða leigu er að ræða, verði fyrst og fremst
tekið tillit til þarfa íbúðarumsækjenda.
Félagsréttur útlendinga sem vinna hér
á landi sé tryggður.
Lífeyrissjóösmál
Aðalfundur SFR 1991 beinir því til
stjómar félagsins að fylgjast náið með öllu
því er varðar lífeyrissjóð starfsmanna rík-
isins og standa fast á þeim rétti er sjóður-
inn hefur heitið meðlimum sínum. Félag-
inu er ljóst að vel komi til greina að sett
verði almenn löggjöf um lífeyrissjóði í
landinu en sú löggjöf getur engan veginn
rýrt réttindi þau sem meðlimum lífeyris-
sjóðs starfsmanna ríkisins er heitið.
Félagsmál
Aðalfundur SFR 1991 hvetur stjóm
félagsins til að vinna að stofnun deilda
innan SFR fyrir ýmsa hópa ófaglærðra fé-
laga og fleiri.
Aðalfundur SFR 1991 færir starfsfólki
þess, stjórn, trúnaðarmönnum og starfs-
nefndum þakkir fyrir störf þeirra.
Frá lífeyrisþegadeild SFR
Við viljum minna á
skemmtifundinn 14.
mars næstkomandi á
Grettisgötu 89. Fund-
urinn hefst klukkan
15.00.
A dagskránni er m.a.
upplestur þar sem Edda
Arnljótsdóttir leikari les.
Þá er spurningaþáttur -
“Já eða nei” - og eru í
boði fern bókaverðlaun.
Því næst eru kaffiveit-
ingar og leikið á hljóð-
færi á meðan kaffi-
drykkjan stendur. Loks
verður tekið í spil ef næg
þátttaka fæst.
Fyrir hönd
stjórnarinnar,
Kristinn Helgason
formaður.