Fréttablaðið - 10.04.2021, Side 16

Ég hef lært mikið á
þeim tíma sem ég
hef verið hjá Bayern og þeir
ætla greinilega að kenna mér
mjög margt á meðan ég verð
þar. Þá eru þjálfarar liðsins
með það á stefnuskránni að
styrkja mig mikið líkamlega
og breyta mér í þýska vél.
Karólína Lea Vilhjálmsdóttir
H
N
O
T
S
K
Ó
G
U
R
g
ra
fí
sk
h
ön
nu
n
Opnað hefur verið fyrir umsóknir í Jafnréttissjóð Íslands
Tilgangur Jafnréttissjóðs Íslands er að fjármagna eða
styrkja verkefni og rannsóknir sem miða að því að stuðla
að jafnrétti kynjanna í íslensku samfélagi og á alþjóðavísu.
Tilgreint er í fjármálaáætlun hvaða ár úthlutun eigi að fara
fram á hverju fimm ára tímabili en gert er ráð fyrir úthlutun
á tveggja ára fresti.
Jafnréttissjóður Íslands nýtur framlaga af fjárlögum.
Árið 2021 hefur sjóðurinn 30 m.kr. til ráðstöfunar.
Úthlutað verður næst úr sjóðnum 18. júní 2021.
Umsóknarfrestur rennur út 29. apríl 2021 kl. 15.00.
Umsóknum skal skila á rafrænu formi í gegnum
umsóknarkerfi Rannís (mínar síður). Ekki er tekið við
umsóknum á öðru formi.
Nánari upplýsingar er að finna á www.rannis.is
Jafnréttissjóður Íslands
Umsóknarfrestur til 29. apríl kl. 15.00
FÓTBOLTI Íslenska kvennalands­
liðið í knattspyrnu mun í dag leika
sinn fyrsta leik undir stjórn Þor­
steins H. Halldórssonar þegar liðið
mætir Ítalíu í vináttulandsleik
ytra. Liðin mætast svo á nýjan leik
á þriðjudaginn.
Ísland leikur án tveggja lykilleik­
manna í þessum tveimur leikjum
en fyrirliði liðsins, Sara Björk
Gunnarsdóttir, verður ekki með
vegna meiðsla í hásin. Þá greindist
Dagný Brynjarsdóttir með COVID
á dögunum og ferðaðist þar af leið­
andi ekki til Ítalíu.
Dagný, sem hefur komið sterk
inn í lið West Ham síðustu vikurn­
ar, hefur misst af síðustu leikjum
íslenska liðsins vegna meiðsla, en
hún er markahæsti leikmaður í
núverandi leikmannahópi liðsins
með 29 mörk.
„Æfingar hafa gengið mjög vel
og við höfum verið að koma okkar
áherslum að bæði í varnarleik og
sóknarleik. Við ætlum að reyna að
halda vel í boltann í þessum leikj­
um, spila sterkan og agaðan varnar­
leik og skapandi sóknarleik,“ segir
Þorsteinn um komandi verkefni.
„Við munum dreifa álaginu
á milli leikmanna í hópnum og
það munu til að mynda allir úti­
leikmenn spila í þessum tveimur
leikjum. Það er ekki draumastaða
að vera án Söru Bjarkar og Dag­
nýjar í þessum leikjum en svona er
staðan bara.
Ég hef engar áhyggjur af því að
aðrir leikmenn muni ekki fylla
skarð þessara tveggja leikmanna
inni á miðsvæðinu. Fjarvera þeirra
reynir hins vegar á aðra leikmenn
sem þurfa að stíga upp og sýna leið­
togahæfileika sína.
Þetta eru lið á svipuðu getustigi
en við höldum að aðalliðið þeirra
spili á þriðjudaginn en þeir leik­
menn sem hafa minna spilað í
undanförnum leikjum spili í dag,“
segir þjálfarinn enn fremur.
Karólína Lea Vilhjálmsdóttir
sem gekk til liðs við Bayern Münch­
en frá Breiðabliki fyrr á þessu er
spennt fyrir komandi leikjum.
„Það er gaman að vera komin
aftur undir stjórn Steina og þjálf­
arateymið hefur komið með ferska
vinda á æfingarnar hérna á Ítalíu.
Við höfum æft vel hérna og þjálfar­
arnir hafa kynnt okkur sína hug­
myndafræði sem ég og nokkrar
í liðinu þekkjum mjög vel,“ segir
Karólína Lea.
„Ég hef lært afar mikið á þeim
tíma sem ég hef verið hjá Bayern
bæði innan vallar og utan. Þeir
ætla greinilega að kenna mér mjög
margt á meðan ég verð þar. Þá eru
þjálfarar liðsins með það á stefnu­
skránni að styrkja mig töluvert
líkamlega og breyta mér í þýska vél.
Ég er að búa ein í fyrsta skipti
og það reynir svolítið á. Mér hefur
verið mjög vel tekið þarna og stelp­
urnar hafa hjálpað mér að aðlagast.
Ég hef nú þegar bætt mig töluvert
fótboltalega séð og þeir eru mjög
viljugir í að bæta mig enn frekar í
framhaldinu,“ segir þessi tæplega
tvítugi sóknartengiliður um fyrstu
kynni sín af München.
Leiknum sem spilaður verður á
Coverciano, æfingasvæði ítalska
landsliðsins, í Tirrenia, verður
streymt beint á YouTube­rás KSÍ.
hjorvarolafsson@frettabladid.is
Frumraun Þorsteins
verður á Ítalíu í dag
Ísland leikur fyrsta leik sinn síðan liðið tryggði sér þátttökurétt í lokakeppni
Evrópumótsins í knattspyrnu kvenna í lok nóvember þegar liðið etur kappi
við Ítalíu í dag. Íslenska liðið verður án tveggja lykilleikmanna í þessum leik.
Karólína Lea Vilhjálmsdóttir, leikmaður Bayern München, er í stóru hlutverki hjá íslenska liðinu. FRÉTTABLAÐIÐ/VALLI
COVID-19 Rætt var um það í ríkis­
stjórn Íslands í gær hvenær unnt
yrði að heimila íþróttastarf í
landinu á nýjan leik en æfinga­ og
keppnisbann hefur verið í gildi frá
25. mars síðastliðnum.
Eins og sakir standa gildir
bannið til 15. apríl næstkomandi
en menntamálaráðherra vakti von
í brjósti íþróttafólks um að það
gæti farið að æfa og keppa á ný fyrir
þann tíma í tilkynningu sem hún
sendi frá sér eftir ríkisstjórnarfund­
inn í gær.
„Það er forgangsmál hjá stjórn­
völdum að koma íþrótta­ og æsku­
lýðsstarfi af stað enda er um mikil­
vægt lýðheilsumál að ræða. Það er
brýn þörf á að virkja iðkendur og
tryggja samfellu í æfingum íþrótta­
fólks.
Nú er markmiðið að íþróttastarf
geti hafist samhliða sóttvarnaráð­
stöfunum. Fram hefur komið að
mikil þörf er á að fyrirsjáanleiki
aukist um hvernig skipulagi verði
háttað,“ segir í tilkynningu frá
menntamálaráðuneytinu.
„Mikilvægt er að samræmi sé
í takmörkunum í skólastarfi og
íþrótta­ og æskulýðsstarfi ásamt
því að tryggja að skipulag íþrótta­
starfs sé sambærilegt í alþjóðlegu
samhengi, eins og frekast er unnt.
Við í mennta­ og menningar­
málaráðuneytinu höfum í sam­
starfi við heilbrigðisráðuneytið og
sóttvarnalækni unnið að því að
undirbúa að umrædd starfsemi geti
hafist við fyrsta tækifæri,“ segir enn
fremur í tilkynningunni. – hó
Leita leiða til að hefja
íþróttastarf á nýjan leik
Bann við allri íþrótta-
iðkun hefur staðið yfir frá
25. mars.
FÓTBOLTI Knattspyrnusamband
Evrópu, UEFA, hefur krafist þess að
yfirvöld í Bilbao, Dublin, München
og Róm skili inn gögnum fyrir 19.
apríl þar sem útlistað verður hvort
borgirnar geti tekið við áhorfend­
um á EM í sumar.
Ekki hefur tekist að sýna fram á
að hægt sé að taka við áhorfendum
í þessum fjórum borgum á öruggan
hátt í aðdraganda mótsins. Aðrir
mótsstaðir eru búnar að skila inn
áætlunum þess efnis til UEFA.
„Síðustu fjórar borgirnar hafa til
19. apríl að koma með áætlanir sínar
fyrir áhorfendur. Þegar upplýsing­
arnar liggja fyrir verður ákvörðun
tekin um hvort hægt verður að
halda leiki í þessum borgum,“ segir
í yfirlýsingu á vefsíðu UEFA. Áætlað
er að mótið hefjist 11. júní og standi
yfir í einn mánuð. – kpt
UEFA gefur tíu daga frest
1 0 . A P R Í L 2 0 2 1 L A U G A R D A G U R16 S P O R T ∙ F R É T T A B L A Ð I Ð
SPORT