Börn og menning - 2016, Síða 34

Börn og menning34
nokkuð löngu atriði undir lok sýningarinnar þar sem
Óður og Flexa voru farin inn í sófann og komu í heim
svartamyrkurs þar sem lýsandi furðuverur svifu um.
Útfjólublátt ljós var notað til að skapa sjónræn áhrif
og vakti lýsingin mikla furðu hjá yngri áhorfendum,
sem sumir tóku í þokkabót eftir því að eigin fatnaður
fór skyndilega að lýsa á dularfullan hátt. Það er dásam-
legt hvað hægt er að gera með lýsingu, pari af hvítum
hönskum og hugmyndaflugi! Þetta var þó eina atriðið í
sýningunni sem var heldur langt fyrir yngri áhorfendur,
sjálfsagt vegna þess að liðið var á sýninguna en einnig
vegna þess að atriðið var mun hæggengara en önnur og
aðalpersónurnar voru fjarverandi lengst af. Í örstuttu
lokaatriði sýningarinnar sáust þau Óður og Flexa síð-
an sæl og glöð með leirinn sinn í höndunum, atriðið
þjónaði þeim tilgangi að styrkja boðskap sögunnar og
sýna að ævintýri þeirra hefðu öll verið ímyndunaraflinu
að þakka.
Hugsað fyrir öllu
Óður og Flexa halda afmæli er gríðarvel hugsuð og út-
færð sýning sem greinilega hefur verið vandað mjög til.
Eitt af því sem var aðdáunarvert var jafnréttið sem birt-
ist í sýningunni. Börnin stóðu hnífjafnt að vígi meira og
minna alla söguna og vináttan milli þeirra var áþreifan-
leg og sterk. Ofurhetjan Flexa reyndist síðan vera enn
sterkari en Óður, sem átti það til að koma sér í klandur.
Annað sem gætt var að var að láta óhugnaðinn í sýn-
ingunni, sem vissulega var oft til staðar, aldrei fara úr
böndunum þannig að yngstu börnin yrðu of hrædd.
Í einni senunni voru leirverurnar til dæmis búnar að
breytast í risastórt skrímsli en þá kom Herra Glæsibux-
ur til bjargar og stýrði sögunni á ljúfari braut. Meira
að segja leikskráin var hugsuð með þarfir áhorfenda í
fyrirrúmi, þar leyndust þrautir til að leysa meðan beðið
var eftir að sýningin hæfist og eftir sýninguna fengu allir
blöðru, en marga af þeim minnstu hafði langað mjög í
blöðrurnar sem birtust undir lok sýningarinnar í sófa-
heiminum.
Fyrst og fremst var sýningin þó dásamlegasta skemmt-
un fyrir allan aldur. Undirrituð játar það skammlaust
að hafa hlegið alveg jafn mikið og innilega og minnstu
börnin í salnum og það ekki síst að prumpubröndur-
unum, sem nóg var af. Er það ekki líka besta listin sem
laðar fram barnið í okkur? Þetta var önnur sýningin
með Óð og Flexu í aðalhlutverki, sem komu fyrst fram
á ASSITEJ sviðslistahátíðinni 2014. Megi þau snúa aft-
ur sem oftast til að laða fram barnið í okkur öllum.
Höfundur er textíllistamaður og sjálfstætt
starfandi ritstjóri.
Ljósmyndir úr sýningunni eru teknar af
Jónatani Grétarssyni fyrir Íslenska dansflokkinn.