Fréttablaðið - 01.05.2021, Síða 6

ára
DÝRAVERND Til stendur að stækka
friðlandið í Flóa yfir Óseyrarnes
vegna skipulagðrar eggjatínslu hett­
umávseggja.
Eggjatínslan hefur ekki verið
með leyfi landeigenda á svæðinu
og raskar ekki aðeins varpi hett­
umávs heldur annarra fuglategunda
á svæðinu. Stefnt er að því að svæðið
verði friðlýst á árinu.
Svæðið sem um ræðir er í dag­
legu tali kallað Sandgræðslan og
er mikið varpsvæði suður af frið­
landinu.
„Það fóru menn inn á þetta svæði
í tvö eða þrjú skipti í fyrra og tíndu
egg. Þeir voru ekki með nein leyfi,“
segir Jóhann Óli Hilmarsson, fugla­
fræðingur og ljósmyndari hjá Fugla­
vernd, sem er búsettur á Stokkseyri.
Fylltu mennirnir margar fötur af
eggjum.
Fuglavernd hefur sterkan grun
um að ekki sé verið að tína eggin
til eigin nota heldur til sölu. Hett­
umávsegg hafa til að mynda verið
auglýst í fiskbúðum. Jóhann segir
þetta algeran óþarfa.
„Sífellt er verið að tína egg frá
fuglum sem eru komnir á válista
til þess að viðhalda einhverjum
hefðum. Það er ekki eins og við
búum við matarskort hér á landi,“
segir hann.
„Mennirnir eyðilögðu þetta
varp,“ segir Jóhann. „Endur og máv­
fuglar sækja í að vera í kringum
hettumávinn því hann veitir vernd
rétt eins og krían.“
Rask í varpi eins fugls hefur því
áhrif á aðrar tegundir. Einnig landið
sjálft því að mávarnir bera mikinn
áburð inn á svæðið, sem er frjósamt.
Þetta er ekki í fyrsta skipti sem
Fuglavernd hefur lent í vandræðum
með óleyfistínslu á umræddu svæði.
Fyrir nokkrum árum var sótt í kríu­
egg en samkvæmt Jóhanni hætti
það þegar bannskilti var sett upp.
Nú vill Fuglavernd að svæðið verði
stækkað og friðlýst til þess að betri
friður skapist á varpsvæðinu.
Fulltrúar Fuglaverndar funduðu
með sveitarstjórn Árborgar vegna
ágangsins í fyrra og hefur bæjarráð
nú samþykkt bann við eggjatöku
í Óseyrarnesi nema með sérstöku
leyfi landeigenda. Stendur til að
setja upp skilti til að þetta komist
skýrt til skila.
Svæðið, sem er fimm ferkíló­
metrar, er ekki friðlýst en Jóhann
Óli vonast til þess að breyting verði
þar á strax á þessu ári.
„Við höfum unnið að þessu lengi
og það á aðeins eftir að stíga loka­
skrefið,“ segir Jóhann Óli.
Í friðlandinu, sem stofnað var
árið 1997, hafa sést 70 fuglategundir
og 25 verpa þar að staðaldri.
kristinnhaukur@frettabladid.is
Stækka friðland til að
hindra stuld á eggjum
Tínsla á hettumávseggjum í óleyfi hefur valdið raski nálægt friðlandinu í Flóa
og er nú stefnt að stækkun og friðlýsingu svæðisins. Fuglafræðingur hefur grun
um að eggin séu seld í stórum stíl af mönnum sem hafa tínt þau í leyfisleysi.
Sótt er í egg hettumávsins á Sandgræðslunni og hefur eggjatínsla verið bönnuð nema með leyfi. FRÉTTABLAÐIÐ/VILHELM
Það er ekki eins og
við búum við
matarskort hér á landi.
Jóhann Óli
Hilmarsson
fuglafræðingur
LÖGREGLUMÁL Samkvæmt nýrri
deiliskipulagstillögu um öryggis­
svæðið á Keflavíkurflugvelli verður
þar komið fyrir tæplega 9 hektara
velli til þess að þjálfa skotvopna­
notkun.
Mikil uppbygging er áætluð á
svæðinu enda hafa umsvif herja
Bandaríkjanna og annarra Atlants­
hafsríkja aukist hér. Samkvæmt
heimildum Fréttablaðsins er völl­
urinn þó ekki ætlaður dátum til
æfinga heldur Ríkislögreglustjóra.
Í deiliskipulagstillögunni kemur
fram að líklegt sé að nokkur hávaði
verði af skotvellinum. Sú starfsemi
sem er hvað næst vellinum sé þó
ekki viðkvæm fyrir hávaða. Völl­
urinn verði langt frá f lugstöðinni,
íbúabyggð og gistisvæði og hafi því
óveruleg áhrif á þau svæði.
Sú starfsemi sem verður næst
vellinum er eftirvinnslusvæði og
fjarskiptasvæði sem talin eru sam­
ræmast ágætlega starfsemi hans.
Engu að síður þarf að huga að
öryggi og mun þurfa að breyta
landslaginu töluvert. Einkum til að
reisa svokallaðar manir, 12 metra
háar, til að stúka svæðið af og koma
í veg fyrir að byssukúlurnar fari út
fyrir svæðið. Skotvöllurinn verður
vitaskuld lokaður almenningi.
Auk vallarins sjálfs er fyrirhugað
að reisa bæði skrifstofubyggingu
og geymsluhúsnæði á reitnum, allt
að 250 fermetra að stærð. Þá verði
heimilt að byggja hliðarbyggingar
eða aðrar smærri byggingar allt að
50 fermetrum. Einnig annan búnað,
svo sem skotmörk, í allt að 9 metra
hæð. – khg
Skotvöllur fyrir lögreglu
rís á Keflavíkurflugvelli
Völlurinn verður stúk-
aður af með allt að 12 metra
háum mönum.
Hávaði frá vellinum hefði ekki veruleg áhrif í Leifsstöð. FRÉTTABLAÐIÐ/VALLI
DÓMSTÓLAR Arnar Þór Jónsson,
héraðsdómari í Reykjavík, skrifar
grein á vef Fréttablaðsins í dag og
svarar gagnrýni sem að honum var
beint í grein Sveins Andra Sveins­
sonar hæstaréttarlögmanns sem
birtist í Fréttablaðinu síðastliðinn
fimmtudag.
„Sem dómari hef ég unnið dreng­
skaparheit að stjórnarskrá lýð­
veldisins. Á þeim grundvelli – og
innan þess ramma – tel ég raunar
að ég hafi ekki aðeins rétt, sem
borgari þessa lands, til að tjá mig
um sýn mína á stöðu mála, heldur
beina skyldu.“ Þetta segir Arnar Þór
Jónsson héraðsdómari í grein á vef
Fréttablaðsins í dag. Greinin er svar
við grein Sveins Andra Sveinssonar
hæstaréttarlögmanns sem birtist í
Fréttablaðinu á fimmtudaginn.
Í greininni fjallaði Sveinn Andri
um traust til dómstóla. Þar skipti
tveir þættir máli, annars vegar
hvernig skipað er í embætti dóm­
ara og hins vegar orð og athafnir
dómaranna sjálfra. Tekur Sveinn
Andri dómarann Arnar Þór sem
dæmi. Hann hafi sent frá sér fjöl­
margar greinar um þjóðfélagsmál,
meðal annars um Evrópumál og
rifjar Sveinn Andri upp að Lands­
réttur hafi nýverið tekið fyrir og
hafnað kröfu um að Arnar Þór viki
sæti sem dómari í dómsmáli á sviði
Evrópuréttar.
„Í ljósi mikilvægis þess að
almenningur eigi ekki að þurfa að
draga í efa óhlutdrægni dómara og
traust ríki í garð dómstóla, er vegur
dómara inn á ritvöllinn vandratað­
ur,“ segir í grein Sveins Andra. Aðili
dómsmáls gæti litið svo á að hann
njóti ekki sannmælis hjá dómara
sem hafi tjáð sig opinberlega um
pólitísk mál tengd úrlausnarefninu.
„Þá er farið að molna undan traust­
inu,“ segir í grein Sveins.
Arnar Þór vísar þessu á bug í grein
sinni. Þótt það séu engar fréttir
að dómurum beri að stíga var­
lega til jarðar í opinberri umræðu
fylgi dómsvaldi rík ábyrgð „sem
birtist ekki síst í þátttöku dómara
í umræðu um málefni sem varða
heill réttarkerfisins, réttarríkisins,
lýðræðis, valdtemprunar og fleira,“
segir Arnar Þór í grein sinni. – aá
Dómari hafnar fullyrðingum lögmanns
Tel ég raunar að ég
hafi ekki aðeins
rétt, sem borgari þessa
lands, til að tjá mig um sýn
mína á stöðu mála, heldur
beina skyldu.
Arnar Þór Jónsson,
héraðsdómari í
Reykjavík
COVID-19 Lögreglan á höfuðborgar­
svæðinu rannsakar nú sóttvarnabrot
karlmanns sem leiddi til þess að 107
einstaklingar smituðust af COVID­
19 í tengslum við leikskólann Jörfa í
Bústaðahverfi í Reykjavík.
Sævar Þór Jónsson lögmaður segir
að hafi karlmaðurinn brotið sótt­
varnalög af stórfelldu gáleysi eða af
ásetningi gætu þeir sem hafa smitast
farið í skaðabótamál.
„Ef einstaklingurinn er með­
vitaður um að hann sé smitaður
eða á að gera grein sér fyrir því af
ákveðnum ástæðum en hlítir ekki
sóttvarnareglum, getur það varðað
bæði fangelsi og sektargreiðslum en
þetta getur líka varðað þessa skaða­
bótaábyrgð gagnvart einstakling­
um,“ segir Sævar.
Um þetta er ákvæði í sóttvarna­
lögum að sögn Sævars. „Sem dæmi
kom upp mál fyrir nokkrum árum
sem snéri að einstaklingi sem vissi
að hann væri HIV­smitaður og gætti
ekki að því að upplýsa einstaklinga
um það.“
Þeir sem höfða skaðabótamál
þurfa að sýna fram á tjón. Sævar
segir að slíkt tjón geti verið marg­
víslegt. Hann útilokar ekki að það
væri einnig hægt að krefjast miska­
bóta. Nánar er fjallað um málið á
frettabladid.is. – mhj
Smitaðir á Jörfa gætu
höfðað skaðabótamál
Sævar Þór Jóns-
son lögmaður.
1 . M A Í 2 0 2 1 L A U G A R D A G U R6 F R É T T I R ∙ F R É T T A B L A Ð I Ð