Fréttablaðið - 01.05.2021, Qupperneq 8

AKUREYRI „Þetta eru fyrstu skrefin
í að hefja orkuskipti í Grímsey en
eyjan er síðasti svarti blettur Akur-
eyrarbæjar enda eini staðurinn þar
sem grunnhiti er framleiddur með
olíu,“ segir Guðmundur Haukur
Sigurðarson, framkvæmdastjóri
Vistorku á Akureyri
Sótt hefur verið um að að víkka út
athafnasvæðið í Grímsey til að reisa
tvær vindmyllur til að byrja með, en
sex alls.
Vindmyllurnar verða austarlega í
eyjunni, þar sem fjarskiptamöstrin
eru staðsett og trufla því ekki f lug-
samgöngur eða fuglalíf. Erindi til
að stækka athafnasvæðið var tekið
fyrir í skipulagsráði Akureyrar í
vikunni.
„Við erum að teygja athafna-
svæðið aðeins út til að koma vind-
myllunum fyrir,“ segir Guðmundur.
Í gildandi aðalskipulagi er það 0,4
hektarar að stærð er óskað eftir að
það stækki upp í heilan hektara þar
sem sex vindmyllur komast fyrir.
Fallorka á Akureyri annast verk-
efnið í samstarfi við Vistorku og
Orkusetur, með stuðningi úr Evr-
ópuverkefninu SMARTrenew og
Orkusjóði. Orkuframleiðsla og
-notkun í Grímsey er byggð á olíu.
Heildarolíunotkun er um 400 þús-
und lítrar á ári, enda er olía bæði
notuð til raforkuframleiðslu og til
húshitunar. Ætla má að losun vegna
orkunotkunar í Grímsey sé um þús-
und tonn af koltvísýringi á ári.
Stefnt er að því að byrja að reisa
tvær sex kílóvatta vindmyllur í
sumar, en allt að sex vindmyllur til
framtíðar. Möstrin á vindmyllunum
verða níu metrar á hæð og spað-
arnir spanna um 5,6 metra. Hæsti
punktur frá jörðu verður í tæplega
12 metrum og gert er ráð fyrir að
fjarlægð á milli mastra verði á bilinu
30 til 50 metrar.
Guðmundur segir að Fallorka
muni reka vindmyllurnar þegar
þær verða komnar á sinn stað, en
þær eru á leiðinni til landsins.
Ýmislegt hefur nú þegar verið
gert í Grímsey til að draga úr orku-
notkun og þar með brennslu jarð-
efnaeldsneytis. Má nefna stuðning
við heimili til að bæta einangrun í
þaki og gluggum sem dregur úr upp-
hitunarþörf. Auk þess hefur lýsingu
í ljósastaurum verið skipt út fyrir
LED sem skilar bæði betri lýsingu
og miklum orkusparnaði.
Vindmyllurnar tvær eiga að fram-
leiða um 30.000 kílóvattstundir á
ári. Samið hefur verið við skoska
framleiðendur sem framleiða litlar
en mjög sterkar vindmyllur, enda
skiptir veðurþol miklu máli.
Einnig eru áform um að setja upp
sólarorkuver við Múla sem gæti
framleitt allt að 10.000 kílóvatt-
stundir á ári. Stefnan er að nýta
reynsluna til að þróa lausnir fyrir
íbúa sem gætu þá sett upp sólar-
sellur á og við hús sín án kostnaðar.
Þessar fyrstu aðgerðir eiga að
minnka olíunotkun um 20 þúsund
lítra og draga úr losun gróðurhúsa-
lofttegunda um 50 tonn á ári.
„Þetta eru um 10 prósent orku-
skipti með þessum tveimur vind-
myllum og ef allt gengur upp og sex
vindmyllur verða reistar erum við í
35 til 40 prósentum plús sólarsell-
urnar. Afgangurinn verður svo líf-
dísill en stefnan er að orkuskiptin
verði búin árið 2030,“ segir Guð-
mundur. benediktboas@frettabladid.is
Fyrsta vindmylluskrefið í Grímsey
Stefnt er að því að klára orkuskipti í Grímsey fyrir árið 2030. Þar eru brenndir 400 þúsund lítrar af olíu til raforkuframleiðslu og
húshitunar. Setja á upp sex vindmyllur og eru tvær á leið til landsins. Þær eru níu metrar á hæð og spaðarnir spanna 5,6 metra.
Akureyrarbær hefur sett sér markmið um að draga úr losun gróðurhúsalofttegunda. FRÉTTABLAÐIÐ/AUÐUNN
Þessar fyrstu aðgerðir
eiga að minnka olíunotkun
um 20 þúsund lítra og draga
úr losun gróðurhúsaloft-
tegunda um 50 tonn á ári.
LANDSBANKINN. IS
Við veitum Námufélögum veglega
náms styrki á framhalds- og háskóla-
stigi fyrir skólaárið 2021–2022.
Umsóknarfrestur er til og með
3. maí 2021. Sæktu um á
landsbankinn.is/namsstyrkir.
Sæktu um
námsstyrk
1 . M A Í 2 0 2 1 L A U G A R D A G U R8 F R É T T I R ∙ F R É T T A B L A Ð I Ð