Fræðaþing landbúnaðarins - Feb 2010, Page 112

| FRæðAÞING LANdBúNAðARINS 7, 2010112
Samið var við könnunarfyrirtækið Capacent um aðgengi að viðhorfshópi þeirra.
Könnunin var því sett upp sem netkönnun, en svörun við slíkum könnunum er að
jafnaði gott, um eða yfir 60%. Fjárhagsrammi þessarar rannsóknar leyfði
úrtaksstærðina 750. Könnunin var framkvæmd í janúar 2010. Svörun var góð, 497
svör bárust sem er 66% svörun.

Sú aðferð að bjóða upp á val milli tveggja valkosta sem fylgt er eftir með auka
spurningu þar sem verði er breytt, gefur ekki beinan mælikvarða á greiðsluvilja heldur
einungis vísbendingu um á hvaða bili greiðsluviljinn gæti legið. Þessi aðferð er þó
talin betri en að spyrja beint um greiðsluvilja því neytendur eru vanari því að takast á
við val á þessum nótum. Á hinn bóginn krefst þessi aðferðafræði flóknari
matsaðferða. Skilgreina þarf bilið sem greiðsluviljinn féll á. Í boði voru 6 mismunandi
upphæðir. Hver mæling getur verið annað hvort takmörkuð að ofan, vegna þess að
lægsti verðmunurinn sem var boðinn var of lítill, takmörkuð að ofan og neðan ef
greiðsluviljinn féll milli efra og neðra boðs, eða takmörkuð að neðan, ef
greiðsluviljinn féll ofan mesta verðmunar sem boðinn var. Látum mælingar sem eru
takmarkaðar að ofan vera í mengi T1, mælingar sem eru takmarkaðar bæði að ofan og
neðan eru í mengi T2Tm1 og mælingar sem eru takmarkaðar að neðan eru í mengi Tm.
Þá er logsennileikafall gagnanna
(1) ( ) ( )
1
1
1
2
ln lnF( ) ln F( ) F( ) ln 1 F( )
 

   
      
    
−
∈ = ∈ ∈
= + − + −∑ ∑∑ ∑
þar sem  er dreififall líkindadreifingar greiðsluviljans. Líkan af þessu tagi má meta
í tölfræðiforritum s.s. PROC LIFEREG í SAS® tölfræðiforritinu. Stuðst var við
dreififall normaldreifingarinnar við mat á greiðsluviljanum (Greene 2000).

Könnunin taldi í heild 25 spurningar. Hér fara á eftir niðurstöður úr nokkrum af
bakgrunnsspurningunum sem spurt var. Niðurstöðurnar varðandi viðhorf fólks til
bænda og mjólkurframleiðslu voru mjög á einn veg. Um 95% svarenda töldu það
skipta mjög miklu eða frekar miklu máli að fólk starfaði í sveitum landsins. Sama
hlutfall var mjög jákvætt eða frekar jákvætt í garð landbúnaðar og
mjólkurframleiðslu. Tæplega 70% telja það skipta mjög miklu eða frekar miklu máli
að sjá kýr á beit þegar ferðast er um sveitir landsins. 86% hafa bragðað erlenda
nýmjólk og 80% erlendan brauðost. Af þeim sem segjast hafa smakkað erlenda
mjólkur telja 78% íslensku mjólkina betri, 18% telja engan mun á bragði en einungis
1% telja erlendu mjólkina betri. Samsvarandi tölur fyrir brauðost er 60% sem telja
þann íslenska betri, 25% sem telja engan mun og 6% sem telja erlendan brauðost
betri. Viðhorf svarenda við spurningum um hve miklu máli skiptir að hafa aðgang að
vörum úr hreinræktuðum íslenskum kúm eru sýnd á 1. mynd.