Víkurfréttir - 02.06.2021, Blaðsíða 21

Sumarnámskeið 2021
Golfklúbbur Suðurnesja heldur golfleikjanámskeið í sumar
fyrir börn á aldrinum sex til þrettán ára (fædd 2008–2015)
Staðsetning: Hólmsvöllur í Leiru. Mæting er í golfskálann.
Markmið námskeiðsins: Markmið golfleikjanámskeiðanna er að kynna golfíþróttina
fyrir börnunum og ýta undir áhuga þeirra á því að leggja stund á þessa fjölskylduvænu
íþrótt. Farið verður í helstu þætti golfleiksins, allt frá púttum til upphafshögga, og eru
leiðbeiningar gjarnan í formi golfleikja ýmiss konar. Mikilvægt er að á golfnámskeiðinu
séu einnig fjölbreyttir leikir sem efla hreyfigetu barnanna en umfram allt að börnin hafi
gaman og skemmti sér.
Í lok hvers námskeiðs verður boðið upp á pylsupartí ásamt kynningu á íþróttinni fyrir
foreldra iðkenda.
Námskeiðin:
Nr. 1: 9. til 16. júní kl. 9–12.
(kennsludagar eru 9.,10.,11.,14.,15. og 16.)
Nr. 2: 9. til 16. júní kl. 13–16.
(kennsludagar eru 9.,10.,11.,14.,15. og 16.)
Nr. 3: 28. júní til 2. júlí kl. 9–12.
Nr. 4: 28. júní til 2. júlí kl. 13–16.
Nr. 5: 12. til 16. júlí kl. 9–12.
Nr. 6: 12. til 16. júlí kl. 13–16.
Skráning: Skráning á síðunni gs.felog.is og nánari upplýsingar hjá sp@gs.is
Gjald: Fimm daga námskeið kr. 13.000 | Sex daga námskeið kr. 15.500
Yfirumsjón:
Sigurpáll Sveinsson, íþróttastjóri GS, ásamt leiðbeinendum úr afreksstarfi GS.
Gott að hafa í huga:
Börnin fá nestispásu og við mælum með að þau komi með hollt og gott
nesti með sér. Einnig er mikilvægt að börn komi klædd eftir veðri og
þurfa alltaf að hafa með sér hlífðarfatnað því veðrið er oft breytilegt.
Golfsett og kylfur:
Börn mega endilega koma með sitt eigið golfsett eða kylfur en einnig
er hægt að fá lánað á meðan á námskeiðinu stendur.
Nýr maður í brúnni hjá Njarðvík
„Ég er mjög spenntur og hlakka til að keppnin hefjist“
– segir Benedikt Rúnar Guðmundsson, nýráðinn þjálfari úrvalsdeildarliðs Njarðvíkur í körfuknattleik karla.
Benedikt Rúnar Guðmunds-
son hefur verið ráðinn þjálfari
meistaraflokks karla hjá körfu-
knattleiksdeild Njarðvíkur.
Njarðvíkingar komust ekki
í úrslitakeppni Domino’s-
deildarinnar í ár og háðu auk
þess harða fallbaráttu undir
lok tímabilsins – sem er eitt-
hvað sem jafn stórt nafn og
Njarðvík er í körfuboltanum
á Íslandi getur ekki verið sátt
við. Víkurfréttir áttu gott
spjall við Benedikt, nýráð-
inn þjálfara í Ljónagryfjunni
alræmdu.
– Þessi árangur í vetur er ekki eitt-
hvað sem Njarðvíkingar eiga að
sætta sig við.
„Nei, við ætlum að gera allt sem
við getum til að búa til gott lið
fyrir næsta vetur og vera með sam-
keppnishæft lið – búa til gott lið sem
vinnur leiki og verður vonandi í efri
hlutanum á næsta ári.
Við erum að vinna í leikmanna-
málum núna, byrja á því að ræða við
þá sem eru fyrir og svo förum við í
það að skoða hvort þurfi að bæta við
og í hvaða stöður. Þetta er nú bara
á byrjunareit eins og er enda ég ný-
tekinn við. Það er allt á fullu.“
– Verður þú einn eða færðu ein-
hvern með þér í þetta?
„Ég er allavega einn núna en á eftir
að finna einhverja til að hafa mér
til halds og trausts, einhverja til að
styrkja þjálfarateymið og vinnur vel
saman. Þetta ræðst vonandi á næstu
viku eða tveimur.“
Benedikt þjálfar kvennalandslið
Íslands og verður áfram með það.
Hann segir það alveg ganga upp
enda komi landsliðsverkefnin í
skorpum. „Það á alveg að ganga upp,
það er svona meira í gluggum.“
Þjálfar einnig yngri
flokka félagsins
„Svo á ég eftir að hitta Loga [Gunn-
arsson], yfirþjálfara yngri flokka
Njarðvíkur, og við eigum eftir að sjá
hvaða yngri flokka ég kem til með að
þjálfa á næsta ári. Það er í höndum
Loga og unglingaráðs hvaða flokkar
það verða. Maður vill líka hafa
puttana í yngri flokkunum og hafa
áhrif á þá sem koma upp í félaginu.“
– Hvenær byrja svo körfuboltalið
að koma saman og æfa fyrir næsta
tímabil?
„Það er mjög misjafnt. Ég hef verið
að byrja sumaræfingar í júní en þá
hafa tímabilin verið að enda töluvert
fyrr. Kannski verður byrjað eitthvað
seinna núna af því að þetta var svo
langt tímabil og erfitt, menn þurfa
náttúrlega hvíld til að hlaða batteríin.
Ég á eftir að finna út úr því og taka
púlsinn á leikmönnum.“
Er hálfgerður Njarðvíkingur
„Ég er Vesturbæingur að upplagi,
elst upp í Vesturbænum og fell fyrir
körfuboltanum sem ungur drengur
í KR. Ég var mest í fótbolta fyrst en
svo prófaði ég körfuna og varð ást-
fanginn af körfuboltanum. Þetta er
búið að vera mitt aðalstarf núna í
töluverðan tíma.“
Benedikt þjálfaði síðast meistara-
flokk kvenna hjá KR tímabilið 2019–
2020 en hann hefur komið víða við
sem þjálfari á undanförnum árum.
„Ég tók mér frí frá meistaraflokks-
þjálfun síðasta vetur en á undan því
var ég með meistaraflokk kvenna hjá
KR í þrjú ár en ég á sögu í Njarðvík.
Ég bjó í Njarðvík frá 1995 til 2000
þegar ég flutti að heiman.“
– Hvernig stóð á því?
„Það var nú bara tilviljun. Ég ákvað
að flytja að heiman og félagi minn og
fyrrverandi formaður körfuknatt-
leiksdeildar KR, Ingólfur Jónsson,
náði sér í konu í Njarðvík og flutti
þangað. Þau bentu mér á íbúð sem
ég fór að leigja. Ég bjó í Njarðvík í
fimm ár, eignaðist marga vini og
þjálfaði hjá Njarðvík í tvö ár, frá
1998 til 2000. Á þessum tíma náði
ég mér í konu í Njarðvík til 26 ára en
við skildum á síðasta ári. Við eigum
þrjú börn saman, tvo stráka og eina
stelpu, og svo á ég gott fólk þarna
sem er hálfgerð fjölskylda mín.“
Njarðvíkingar Íslandsmeistarar í minnibolta
Um þarsíðustu helgi fór fram Íslandsmótið í minnibolta 11 ára
þar sem Njarðvíkingar stóðu uppi sem sigurvegarar
Lið Njarðvíkur, undir
stjórn Einars Árna Jó-
hannssonar, vann fjóra
af fimm leikjum helgar-
innar. Á laugardeginum
unnust þrír flottir sigrar,
gegn Hamar og gegn
feiknasterkum liðum
Fjölnis og Stjörnunnar.
Á sunnudag töpuðu
Njarðvíkingar óvænt
fyrir UMFK og því var
mikið undir í síðari leik
liðsins sem var gegn
Breiðabliki, hann unnu
Njarðvíkingar 31:35
og innsigluðu Íslands-
meistaratitilinn.
Grindavík Íslandsmeistarar í stúlknaflokki
– Sigur á Keflavík í úrslitaleik
Grindavík varð Íslandsmeistari í stúlknaflokki um helgina eftir sigur á
Keflavík í úrslitaleik. Grindavík byrjaði úrslitaleikinn mun betur og voru
komnar með tólf stiga forystu eftir fyrsta leikhluta. Keflavík náði að
komast aftur inn í leikinn en þær náðu þó aldrei að jafna hann. Að lokum
vann Grindavík með þremur stigum, 61:64.
Jenný Geirdal Kjartansdóttir var valin maður úrslitaleiksins en hún
skilaði fimmtán stigum, fjórtán fráköstum, tveimur stoðsendingum og
þremur stolnum boltum. Þá bætti Hekla Eik Nökkvadóttir við nítján
stigum, sex fráköstum, sjö stoðsendingum og þremur stolnum boltum.
Í liði Keflavíkur var Anna Lára Vignisdóttir atkvæðamest með 22 stig
og sjö fráköst.
Brenton Birmingham, varaformaður körfuknattleiksdeildar
Njarðvíkur, og Kristín Örlygsdóttir, formaður, ásamt Benedikt við
undirritun samningsins. Mynd af vef UMFN: Jón Björn – jbolafs@gmail.com
Benedikt með Jenný Lovísu,
dóttur sinni, þegar hún
varð Íslandsmeistari með
10. flokki Njarðvíkur.
Jenný Lovísa hefur fetað í
fótspor föður síns og fæst
við þjálfun hjá KR.
. . . við ætlum að gera allt
sem við getum til að búa
ti l gott l ið fyrir næsta
vetur og vera með sam-
keppnishæft l ið – búa ti l
gott l ið sem vinnur leiki
og verður vonandi í efri
hlutanum á næsta ári   . . .
víkurFrÉttir á SuðurnESjuM í 40 ár // 21