Morgunblaðið - 15.01.2021, Page 11

FRÉTTIR 11Innlent
MORGUNBLAÐIÐ FÖSTUDAGUR 15. JANÚAR 2021
Immortelle blómið.
Fyrir 200.000 árum síðan bjó náttúran til betri valkost en tilbúið retínól.
Nú hefur nýtt ofurseyði sem unnið er úr lífrænum Immortelle blómum verið bætt við formúlu Divine kremsins.
Það virkar jafn vel og retínól sem gefur húðinni fyllingu og sléttir hana en er jafnframt mildara fyrir húðina.
Hver þarf tilbúið innihaldsefni þegar náttúran getur gert enn betur?
K n a s 5 0 0 w a eri gl n 4-12 | . 77-7 4 | ww .loccit n .is
aeilíf !
Helgi Bjarnason
helgi@mbl.is
Offramleiðsla er á kjöti í landinu og
birgðir safnast upp. Stafar það af
minni neyslu vegna þess að færri
ferðamenn koma vegna
kórónuveirufaraldursins og ekki síst
vegna mikils innflutnings á kjöti í
kjölfar samninga sem gerðir voru
við Evrópusambandið.
Gunnar Þorgeirsson, formaður
Bændasamtaka Íslands, segir að
aukinn innflutningur hafi gríðarleg
áhrif á kjötmarkaðinn hér. Vandinn
hafi verið nægur fyrir. „Það er tals-
verð birgðasöfnun, ekki aðeins í
geymslum framleiðenda heldur líka
heima á búunum þar sem margra
mánaða bið er eftir slátrun naut-
gripa.
Langan tíma tekur að draga úr
framleiðslu vegna þess hversu fram-
leiðsluferillinn er langur, nema helst
í kjúklingarækt. Þar tekur skemmri
tíma að laga framleiðslu að markaði
en í svínarækt og nautgriparækt.
Bændasamtök Íslands hafa óskað
eftir því við ríkisstjórnina frá því
síðastliðið vor að fresta útboðum
tollkvóta vegna ástandsins, án ár-
angurs. Tollkvótar fyrir innflutning
frá Evrópusambandinu fyrir fyrstu
fjóra mánuði ársins voru auglýstir
fyrir áramót auk tollkvóta fyrir
Bretland fyrir allt árið.
„Vandinn sem við sáum síðastliðið
vor að væri fram undan er að raun-
gerast núna,“ segir Gunnar.
Nota má sömu rök
Hann bendir á að kvótinn sem
auglýstur er fyrir Bretland bætist
við tollkvóta ESB, í stað þess að
skipta tollkvóta ESB á milli Bret-
lands og ESB eftir að Bretland yf-
irgaf sambandið.
Erna Bjarnadóttir, hagfræðingur
og verkefnastjóri hjá Mjólkursam-
sölunni, benti á það í grein í Morg-
unblaðinu í vikunni að stjórnvöld
gætu nýtt sér sömu rök og ESB
notaði í Brexit-viðræðunum gagn-
vart Bretlandi, að tryggja þurfti
jafna stöðu. Misræmi hafi myndast
vegna þess að ESB hafi veitt kjöt-
framleiðendum mikla fjárhagslega
aðstoð vegna kórónuveirufaraldurs-
ins.
Engir geymslustyrkir
Gunnar tekur undir þetta, segir
að verð á kjötafurðum sé í sögulegu
lágmarki í Evrópu og mikil birgða-
söfnun. ESB greiði bændum beina
styrki vegna faraldursins og styrki
einnig afurðastöðvar til frystingar
og geymslu á kjöti. Hér hafi engir
slíkir styrkir verið veittir. Tæplega
milljarður sé á fjárlögum fyrir þetta
ár en það taki ekki á vandanum sem
er núna og sé léttvægt miðað við
vandann.
Vandinn
raungerist
 Kjötbirgðir safnast upp vegna faraldurs
og innflutnings  Kvóti til innflutnings frá
Bretlandi bætist við ESB-kvótann
Morgunblaðið/Árni Sæberg
Holdanaut Löng bið er nú eftir slátrun nautgripa. Birgðirnar eru því heima á bæjunum, alveg eins og í frysti- og
kæligeymslum sláturhúsanna. Evrópusambandið styrkir afurðastöðvar til að frysta kjöt og geyma.
Þingmaður Miðflokksins á norska
stórþinginu, Liv Signe Navarsete,
spyr viðskiptaráðherra ríkisstjórn-
arinnar hvers vegna stjórnvöld
neiti að taka þátt með Íslandi í við-
ræðum við ESB um innflutning á
landbúnaðarafurðum. Og hvort
stjórnin telji að innflutningurinn
sé í jafnvægi við útflutning á land-
búnaðarvörum til ESB.
Vísar þingmaðurinn til aðgerða
Íslendinga. Guðlaugur Þór Þórðar-
son utanríkisráðherra óskaði um
miðjan síðasta mánuð eftir því við
Evrópusambandið að tollasamn-
ingur Íslands og ESB um landbún-
aðarvörur verði endurskoðaður.
Það var gert á grundvelli úttektar
sem sýnir að forsendur samnings-
ins hafa breyst og ójafnvægi er á
milli samningsaðila, íslenskum út-
flytjendum í óhag. Norski þing-
maðurinn vísar til sams konar mis-
ræmis í viðskiptum Noregs við
Evrópusambandið.
Iselin Nybø, viðskiptaráðherra
og þingmaður Vinstriflokksins,
hefur ekki svarað fyrirspurninni.
Neita viðræðum með Íslandi
NORSKUR ÞINGMAÐUR HERJAR Á STJÓRNVÖLD
Ekki hefur enn náðst samkomulag í
viðræðum AFLs starfsgreinafélags og
Rafiðnaðarsambands Íslands við Alcoa
Fjarðaál á Reyðarfirði um endurnýjun
kjarasamninga. Kjarasamningarnir
runnu út 29. febrúar í fyrra. Var deil-
unni vísað til ríkissáttasemjara um
miðjan desember sl. eftir að slitnað
hafði upp úr viðræðunum. Síðasti
formlegi sáttafundur í deilunni var
haldinn sl. þriðjudag og vinnufundir
fóru fram en hafa ekki leitt til niður-
stöðu. Ætlar samninganefnd AFLs og
RSÍ að funda um næstu skref í dag.
„Við vorum á vinnufundum í gær og
fyrradag. Þetta er aðeins í biðstöðu
núna og við ætlum að skoða fram-
haldið á morgun og þá verður ákveðið
hvenær næst verður fundað,“ sagði
Hjördís Þóra Sigurþórsdóttir, formað-
ur AFLs, í gær. Ríkissáttasemjari fór
austur á land til að stýra fundarhöld-
unum í vikunni. Hún segir deiluna ekki
komna á það stig að farið sé að ræða
aðgerðir. Viðræður hafa staðið yfir
með hléum í langan tíma og við óvenju-
legar aðstæður vegna veirufaraldurs-
ins í gegnum fjarfundabúnað að sögn
hennar. Kjarasamningarnir ná til tæp-
lega 400 starfsmanna hjá Alcoa Fjarð-
aráli. omfr@mbl.is
Morgunblaðið/ÞÖK
Álverið Rætt er um endurnýjun
samninga fyrir um 400 starfsmenn.
Ákveða
næstu skref í
deilunni í dag
Ársæll er
Guðmundsson
Ranglega var farið með föðurnafn
Ársæls Guðmundssonar, skólameist-
ara Borgarholtsskóla, í blaðinu í gær.
Beðist er velvirðingar á mistökunum.
LEIÐRÉTT