Morgunblaðið - 15.01.2021, Qupperneq 40

30-
70%
AFSLÁTTUR
G
ER
Ð
U
FR
Á
B
Æ
R
K
A
U
P
FY
R
ST
U
R
K
EM
U
R
–F
Y
R
ST
U
R
FÆ
R
G
ER
IÐ
G
Æ
Ð
A
-O
G
V
ER
Ð
SA
M
A
N
B
U
R
Ð
Allt fyrir góðan svefn
og betri heilsu
Sýningar á Gosa í leikstjórn Ágústu Skúladóttur hefjast
á ný í Borgarleikhúsinu á morgun. Sýningin var frum-
sýnd á Litla sviði leikhússins snemma á síðasta ári, en
hætta þurfti sýningum snögglega vegna samkomu-
takmarkana. Gosi var valin barnasýning ársins á
Grímunni 2020. Vegna yfirstandandi sóttvarnareglna
hefur sýningin verið færð yfir á Stóra sviðið. Önnur
breyting er að Árni Þór Lárusson hefur tekið við titil-
hlutverkinu. Árni Þór, sem lauk leikaraprófi á háskóla-
stigi frá LAMDA 2019, átti að leika í Orlando sem frum-
sýna átti á Nýja sviðinu í desember sl. en sú uppfærsla
hefur verið færð yfir á næsta leikár.
Gosi snýr aftur um helgina
FÖSTUDAGUR 15. JANÚAR 15. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Úrvalsdeild karla í körfuknattleik, Dominos-deildin, fór af
stað með látum en önnur umferð deildarinnar hófst í
gær, hundrað dögum eftir að Þór á Akureyri tók á móti
Keflavík í lokaleik fyrstu umferðar deildarinnar í Höllinni
á Akureyri. Í Vesturbæ tók KR á móti Tindastóli í leik þar
sem úrslitin réðust á lokamínútunum. Það sama var upp
á teningnum í Njarðvík þar sem Haukar voru í heimsókn.
Þá réðust úrslitin einnig á lokamínútunum þegar ÍR fékk
Val í heimsókn. Þá er Stjarnan með fullt hús stiga eftir
sigur gegn Hetti í Garðabæ. »34
Úrvalsdeild karla hófst með miklum
látum og þremur spennutryllum
ÍÞRÓTTIR MENNING
Steinþór Guðbjartsson
steinthor@mbl.is
Söngkonan og lagasmiðurinn Sigrún
Stella Haraldsdóttir sendi frá sér
nýtt lag á streymisveitum fyrir
helgi, en hún hefur vakið æ meiri at-
hygli í Kanada og á Íslandi undan-
farin misseri og ár. Á nýliðnu ári gaf
hún út lagið „Sideways“, sem hefur
fengið mikla spilun og var í fjórða
sæti á vinsældalista Bylgjunnar
2020, á eftir Helga Björns í fyrsta
sæti („Það bera sig allir vel“), Bríeti
(„Esjan“) og Ingó veðurguði („Í
kvöld er gigg“).
„Þegar ég sendi frá mér lag er ég
algerlega grunlaus um hvaða við-
tökur það fær og geri mér engar
grillur, en tónlistarferðalagið hefur
verið skemmtilegt og ég er yfir mig
þakklát fyrir undirtektirnar sem
„Sideways“ hefur fengið,“ segir Sig-
rún Stella, sem býr í Toronto í Kan-
ada. Hún segist vera sérstaklega
ánægð með spilunina á íslenskum út-
varpsstöðvum og viðtökur Íslend-
inga. „Viðtökurnar hafa farið fram
úr björtustu vonum og ég þakka öll-
um sem hafa nennt að hlusta á mig
syngja.“
Viðbrögðin í Kanada hafa ekki
verið síðri en þar er hún frekar á
heimavelli, þótt hún hafi komið
reglulega til Íslands, áður en
kórónuveirufaraldurinn hindraði för.
„Kanadíska ríkisútvarpið CBC
hefur spilað lagið frá strönd til
strandar í Kanada og ég átti ekki
von á því,“ segir Sigrún Stella. Bætir
við að lagið hafi líka fengið mikla
spilun á útvarpsstöðinni CKUA í Al-
berta og það hafi vissulega komið
sér á óvart. „Þessar stöðvar hafa líka
grafið upp eldri lög eins og „Let it
Burn“ svo ég er alsæl.“
Á eigin forsendum
Sigrún Stella bendir á að vegna
heimsfaraldursins hafi ekki verið
hægt að halda venjulega tónleika
fyrir fólk í sal í nær eitt ár og athygl-
in, sem hún hafi fengið, sé því enn at-
hyglisverðari. Tónlistarfólk þurfi á
tónleikum að halda, en ótrúlegt sé að
sjá hvað streymi á netinu og viðtöl í
fjölmiðlum hafi mikið að segja.
„Þetta er allt svo undarlegt, engir
tónleikar Toronto, sem er þekkt fyr-
ir að vera með úrval tónleika á
hverju kvöldi, en ég þarf ekki að
kvarta.“
„So Cold“ heitir nýjasta lag Sig-
rúnar Stellu og kom út síðastliðinn
föstudag. Hún segist ætla að nota
kraftinn, sem fylgi nýju ári, og gefa
út fleiri lög á næstunni. „Síðan stefni
ég á að plata með þessum lögum
komi út í vor og þá er ég að hugsa
um að vera með útgáfutónleika á
netinu.“ Hún er á mála hjá enska út-
gáfufyrirtækinu Hospital Records
og segir það mikilvægt. „Það gefur
mér tækifæri til að vinna við tónlist-
ina, taka upp og gefa út á mínum for-
sendum.“
Sigrún Stella vonar að hún geti
komið til Íslands í sumar og haust.
„Ég ætla að spila og syngja á
Bræðslunni og Iceland Airwaves ef
ástandið leyfir.“
Ljósmynd/Jen Squires
Í High Park í Toronto Söngkonan og lagasmiðurinn Sigrún Stella Haraldsdóttir sendi frá sér nýtt lag fyrir helgi.
Skemmtilegt tónlistar-
ferðalag Sigrúnar Stellu
 Söngkonan stefnir á Bræðsluna og Iceland Airwaves