Morgunblaðið - 15.01.2021, Blaðsíða 6

6 MORGUNBLAÐIÐ FÖSTUDAGUR 15. JANÚAR 2021
sem við munum fara inn í nýtt hagkerfi og með yngri stjórn-
endur. Réttindi minnihlutahópa skipta mig máli og það að allir
geti haft það gott.“
Málefni kvenna eru honum hugleikin og réttindabarátta
þeirra.
„Ég veit að það hafa orðið miklar framfarir í þessum málum á
undanförnum fjörutíu árum. Það er ótrúlegt í mínum huga samt
hvað þessir hlutir taka langan tíma. Það er ótrúlegt að ekki sé
búið að ná fullu jafnrétti á þessu sviði. Það á að vera jafnrétti í
heiminum og samvinna kvenna og karla er það eina sem virkar í
mínum huga. Ég vildi að ég þyrfti ekki að nefna þetta en mig
langar að sjá þessar breytingar verða enn þá meiri og hraðari.
Því við þurfum að byggja upp framtíðina á grunni sem felur í sér
samvinnu og aðkomu allra; kvenna og karla. Ég held að þessi
hugsun sé einmitt einnig einkennandi hjá ungum stjórnendum.
Ég hef ekki lengur trú á því að peningar eigi að vera einungis
fyrir fáa útvalda og þeir sterku eigi að koma fyrst. Það er gam-
aldags hugsun sem virkar ekki lengur. Við þurfum að fylgja
hvert öðru og við þurfum nýsköpun til að finna leiðir svo að allir
hafi það sem best. Það verður ekkert aftur til fortíðarinnar held-
ur áfram til framtíðar sem á að verða vænlegur staður fyrir alla
að fara á.“
Atli segir þessa hugsun hafa orðið áberandi í kórónuveirunni.
Þar sem við fylgdumst betur með eldra fólki og hjálpuðumst
meira að sem hópur.
Vænlegt að eiga eitthvað áður en maður gefur það áfram
Áttu eitt gott ráð inn í nýja árið?
„Settu athyglina á þig svo þú getir verið til staðar fyrir aðra.
Finndu út alla hluti sem gera þér gott og gerðu mikið af þeim.
Finndu ástina og lífshamingjuna innra með þér en ekki í öðru
fólki. Þú getur aldrei breytt öðru fólki og aðlagað það þínum
þörfum. Heldur einungis breytt áliti þínu á því sem þú sérð og ef
þér líkar ekki það sem þú sérð, þá getur þú alltaf bara fært þig
til. Ég gerði það og það hefur verið einstakt.“
Atli Freyr segir heim-
speki góðan grunn
fyrir starf sitt í dag.
Ljósmynd/ Laetitia Vancon
Landsmennt
Styrkur þinn
til náms
Landsmennt er fræðslusjóður samtaka atvinnulífsins
og verkafólks á landsbyggðinni.
Sjóðurinn styrkir starfsmenntun beint til fyrirtækjanna sjálfra.
Sjóðurinn veitir styrki til einstaklinga og sjá stéttarfélögin
um afgreiðslu þeirra í umboði Landsmenntar.
Kynntu þér rétt þinn á www.landsmennt.is
Í
starfi mínu í fjármála- og efnahagsráðuneytinu snúa
verkefni mín einkum að starfsumhverfi forstöðu-
manna og innleiðingu stjórnendastefnu ríkisins.
Markmið stefnunnar er að bæta stjórnendafærni hjá
ríkinu, stuðla að auknum samfélagslegum ávinningi og
árangri í ríkisrekstri. Þetta er mjög skemmtilegt verkefni
sem unnið er í góðu samstarfi við forstöðumenn ríkisstofn-
ana sem gefandi er að vinna með. Svo get ég varla beðið
eftir að byrja aftur að kenna jóga sem ég vona að verði
hægt á næstunni, það er svo nærandi að stunda og miðla
jóga í góðum hópi.“
Guðrún Jóhanna er með BA-gráðu í félags- og atvinnu-
lífsfræði frá Háskóla Íslands. „Svo tók ég meistaranám í
mannauðsstjórnun við University of Westminster. Ég hef
líka tekið mörg námskeið og endurmenntun í fræðunum
og þessa dagana er ég að vinna að ACC-vottun í mark-
þjálfun. Svo er ég alltaf að bæta einhverju við mig í jóga-
fræðunum, það er óendanlega margt og spennandi í boði
þar.“
Guðrún er með námskeið hjá Endurmenntun sem er
ætlað fyrir stjórnendur. Um er að ræða fjögurra tíma
námskeið þar sem farið verður yfir erfið starfsmannamál.
„Stjórnendur sem koma á þetta námskeið eru einmitt
fólk sem er að eiga við erfið starfsmannamál. Það er svo
mikilvægt að stjórnendur geti stigið út af vinnustaðnum
og rætt við jafningja og fengið fræðslu um þessi mál og
sjái að þeir eru ekki einir í heiminum með þessi mál í fang-
inu, mál sem oft skapa mikla streitu og stundum vanlíðan
hjá þeim sem bera ábyrgð á að koma þeim í farveg og
leysa.
Nú er ég búin að fá vinkonu mína og fyrrverandi sam-
starfskonu, Hildi Halldórsdóttur, mannauðsstjóra Þjóð-
minjasafns Íslands, í lið með mér og ætlum við nú í janúar
að vera saman með þetta námskeið í fyrsta skipti. Ég er
búin að vera með þetta námskeið hjá Endurmenntun í um
átta ár að mig minnir og finnst mér tími til kominn að
poppa þetta aðeins upp og gaman að vinna þetta saman,
enda höfum við Hildur reynslu í því að skipuleggja og
halda námskeið og vinnustofur sem hefur verið mjög gef-
andi og gengið vel.“
Hvernig skilgreinum við erfið starfsmannamál?
„Erfið starfsmannamál eru af ýmsum toga og er mis-
jafnt eftir því hver á í hlut hvernig við skilgreinum þau. Í
raun geta öll mál sem snerta starfsmenn endað á að flokk-
ast sem erfið starfsmannamál. Þetta snýst einkum um
stjórnun og samskipti, ef ekki er tekið á málum og þau fá
að grassera þá getur það endað illa. Þessi mál eru oftast
mjög persónuleg og þá á fólk erfitt með að rísa upp og
beita rökhugsun, heldur lætur tilfinningarnar hlaupa með
sig í gönur. Þetta er allt eitthvað svo mannlegt. Vinnu-
staðamenning hefur mikil áhrif, hvernig samskipti og
upplýsingamiðlun tíðkast á vinnustöðum er svo misjafnt
og oft viðgengst meðvirkni með óheilbrigðum samskiptum
sem fólk er orðið samdauna. Þetta klassíska sem allir eru
sammála um eru annars vegar erfið samskipti og einelti
og svo hins vegar þegar fólk sér hlutina í allt öðru ljósi, til
dæmis hvað varðar frammistöðu sem endar oft í upp-
sögnum. Svo eru ótal birtingarmyndir af þessum þáttum.“
Hvað þarf mannauðsstjóri að hafa í huga um þessar
mundir?
„Það er svo ótal margt, það sem kemur fyrst upp í hug-
ann miðað við það ástand sem er í dag eru skýrar boðleið-
ir, gott upplýsingaflæði, umhyggja, traust og eftirfylgni
með árangri, allt jafn mikilvægt. Óvissan er mikil í þessu
kórónuveiruástandi og því nauðsynlegt að hafa allt uppi á
borðunum. Svo er það þetta klassíska, vanda og bæta allt
ráðningarferli og móttöku starfsfólks.“
Hvað er algengasti vandi sem mannauðsstjórar mæta
hjá starfsmönnum sínum?
„Þegar fólk sér ekki hlutina í sama ljósi, grænt er ekki
endilega grænt hjá öllum og þá getur verið nær ómögu-
legt að ná saman. Skapa heilbrigt vinnuumhverfi þar sem
sveigjanleiki ríkir í báðar áttir, finna þetta nauðsynlega
jafnvægi sem þarf að ríkja á milli árangurs annars vegar
og góðs starfsumhverfis og umbunar hins vegar. Það get-
ur verið mjög erfitt að ná þessu jafnvægi, einkum þar sem
bæði er kynslóða- og einstaklingsmunur.“
Hvers vegna valdir þú að verða sérfræðingur á þessu
sviði?
„Eins og svo oft í mínu lífi þá réð tilviljun því að ég end-
aði í þessum málaflokki. Ég er ein af þeim sem finnst
margt svo spennandi og var búin að prófa margt há-
skólanám áður en ég endaði í náminu úti í London. Ég var
í raun á leið í myndlistarþerapíu til Boston þegar ég skráði
mig í félagsfræðina, en þá var ég búin að vera í hagverk-
fræði í Vestur-Berlín, hagfræði og listasögu í Háskóla Ís-
lands svo eitthvað sé nefnt. Svo heillaðist ég af öllu sem
sneri að hvatningu, í námskeiði sem ég tók í vinnusálfræði
í Háskóla Íslands. Þar var meðal annars tekið fyrir hvað
það er sem fær mann til að tikka og bara almennt vakna á
morgnana? Enda skrifaði ég um hvatningu bæði í BA- og
MA-verkefnum mínum. Svo fann ég þetta nám úti í Lond-
on sem mér fannst spennandi, en á þeim tíma var ekki
byrjað að kenna mannauðsstjórnun hér á Íslandi. Námið
var mjög skemmtilegt og ég full bjartsýni á að geta gert
heiminn aðeins betri með því að leggja mín lóð á vog-
arskálarnar til að gera vinnuumhverfið betra og með því
væri hægt að ná auknum árangri. Svo tekur raunveruleik-
inn við og maður lærir að við erum öll svo mannleg og ólík
og því miður ekki hægt að leysa öll mál þannig að allir séu
sáttir, en maður reynir. Það eru endalausir möguleikar í
þessu fagi á að stuðla að aukinni vellíðan og ná árangri,
enda trúi ég því að allir vilji gera sitt besta, þess vegna er
ég enn í þessu, held ég.“
Mikilvægt að bera virðingu fyrir öllum
Er eitthvað sem þú hefur alltaf í huga í vinnunni sem þú
gætir gefið áfram til lesenda?
„Að koma fram af virðingu við alla það er lykilinn að
góðum samskiptum. Gera sér grein fyrir því að það eru
alltaf margar hliðar á öllum málum og mikilvægt að kynna
sér þær áður en unnið er að lausnum.“
Getur þú sagt eitthvað við þá sem langar að fara í meira
nám en skortir kjarkinn í það?
„Ég trúi því að allir geti lært, áhugi og úthald er það
sem þarf. Það er ekkert sem heitir að vera fullkominn í
einhverju, það þarf að vera smá dass af kæruleysi til að
klára nám, of mikil fullkomnunarárátta sem oft stafar af
kvíða skemmir fyrir. Nú eru til ótal leiðir til að ná stjórn á
kvíða og mörgum hefur tekist vel að yfirvinna. Það sem
hindrar okkur í að láta drauma okkar rætast erum við
sjálf í flestum tilfellum.“
Morgunblaðið/Kristinn Magnússon
Erfið starfsmannamál
geta endað illa
Guðrún Jóhanna Guðmundsdóttir hefur unnið við mannauðsmál í yfir 20 ár.
Hún er sérfræðingur í mannauðsmálum við fjármála- og efnahagsráðuneytið og
heldur námskeið fyrir stjórnendur um erfið starfsamannamál hjá Endurmenntun.
Elínrós Líndal | elinros@mbl.is
Guðrún Jóhanna Guð-
mundsdóttir er með
námskeið í erfiðum
starfsmannamálum.