Morgunblaðið - 01.02.2021, Side 2

2 FRÉTTIRInnlent
MORGUNBLAÐIÐ MÁNUDAGUR 1. FEBRÚAR 2021
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Látúnsbarkinn Bjarni Arason sneri aftur í útvarp eftir
pásu á JólaRetró nú fyrir síðustu jól. Mæltist það svo
vel fyrir að nú mun þessi ástæli söngvari og útvarps-
maður vera í loftinu á Retró 89,5 alla virka daga frá 14
til 18.
„Það var hrikalega gaman að spila öll þessi frábæru
jólalög á JólaRetró um jólin þannig að ég fagna nú á
ný að vera kominn á Retró. Þetta eru svo skemmtileg
lög frá þessum tíma og ég hlakka til að spila þau öll á
degi hverjum. Allt risasmellir sem hlustendur elska og
hvert þessara laga rifjar upp minningar þeirra sem á
hlýða.“ Þátturinn fer í loftið í dag klukkan 14.00 og
verður sendur út í samstarfi við Toyota.
„Það er mikill fengur fyrir okkur að fá Bjarna fastan
inn á síðdegið á Retró. Við erum mjög stolt af þessari
stöð, sem býður upp á frábæra blöndu af tónlist frá ’70,
’80 og ’90. Þetta eru lögin sem þú þekkir, lögin sem þú
getur smellt fingrum í takt við. Bjarni mun styrkja
stöðina enn frekar,“ segir Sigurður Þorri Gunnarsson,
dagskrár- og tónlistarstjóri K100 og Retró, og minnir
um leið á að hægt sé að hlusta á stöðina á FM 89,5 á
höfuðborgarsvæðinu, FM 101,9 á Akureyri og svo á
netinu á www.retro895.is.
Eins og áður sagði fer Bjarni í loftið í dag klukkan
14.00 og hann er spenntur. „Ég segi bara: Komdu með,
vertu með okkur á Retró, bara bestu lögin, lögin sem
þú elskar að hlusta á og syngja með.“
Bjarni Ara kominn á Retró
Látúnsbarki Bjarni Ara nýtur sín vel á Retró.
Mikill áhugi er á ljósmyndasýningu Ragnars Ax-
elssonar, RAX, sem opnuð var í Listasafni
Reykjavíkur um helgina. Hleypt er inn í 20
manna hópum og myndaðist strax röð fyrir utan.
Yfirskrift sýningarinnar er „Þar sem heimurinn
bráðnar“ og samkvæmt orðum listamannsins er
hún eins konar ferðalag sem hefst á snævi þökt-
um fjöllum, fer um byggðir með dýrum og fólki
og endar þar sem jökull og ís eru að bráðna.
Morgunblaðið/Íris Jóhannsdóttir
Biðröð á fyrsta sýningardegi RAX í Hafnarhúsinu
Helgi Bjarnason
helgi@mbl.is
Sérfræðingur í málefnum sveitar-
félaga leggur til að sveitarfélögum
sem reka saman grunnskóla verði
gert að sameinast. Það ákvæði verði
sett inn í stjórnarfrumvarp sem nú
liggur fyrir Alþingi, í stað ákvæða
um lágmarksfjölda íbúa. Telur hann
mikilvægt að gera málamiðlun þann-
ig að önnur ákvæði frumvarpsins
verði að lögum.
Fulltrúar sveitarfélaga landsins
skiptust í tvær fylkingar þegar
landsþing Sambands íslenskra sveit-
arfélaga felldi tillögu smærri sveit-
arfélaga um að sambandið hyrfi frá
stuðningi við stefnumörkun ríkis-
stjórnarinnar um að þvinga fram
sameiningu sveitarfélaga með því að
setja í lög að lágmarksfjöldi íbúa
verði 1.000 fyrir þar næstu sveitar-
stjórnarkosningar. Fulltrúar smærri
sveitarfélaganna hafa verið að fylkja
liði og eru að íhuga stöðu sína.
Fulltrúar fimm smærri sveitar-
félaga hafa óskað eftir fundi með
stjórn sambandsins um stöðu
smærri sveitarfélaga innan sam-
bandsins. Stefnt er að fundi í þessari
viku.
Myndi fækka um tólf
Óvissa er með framgang frum-
varps sveitarstjórnarráðherra þar
sem kveða á á um íbúalágmarkið
vegna andstöðu þingmanna.
Róbert Ragnarsson, fram-
kvæmdastjóri RR-ráðgjafar og fyrr-
verandi bæjarstjóri, segir að í frum-
varpinu séu önnur ákvæði sem skipti
sveitarfélögin máli, svo sem um
þjónustustefnu, stuðning við staf-
ræna stjórnsýslu og betri möguleika
um ákvarðanir á fjarfundum. Bendir
hann á að sveitarfélög eigi í víðtæku
samstarfi um ýmsa málaflokka og
leggur til að í stað íbúalágmarks
verði gert að skilyrði að sveitarfélög
sem reki saman grunnskóla samein-
ist. Það hljóti að teljast algert lág-
mark en bendir einnig á að samstarf
um skipulagsfulltrúa og um félags-
þjónustu komi einnig til greina.
Sameining sveitarfélaga eftir skóla-
hverfum myndi leiða til þess að sveit-
arfélögum fækkaði um tólf.
Íbúarnir hafi síðasta orðið
Þröstur Friðfinnsson, sveitar-
stjóri á Grenivík, segir þegar álits
hans er leitað að hægt sé að setja
ýmsar viðmiðanir í skilgreiningu á
því hvað teljist sveitarfélög. Millistór
og stærri sveitarfélög gætu átt erfitt
með að standast slíkar viðmiðanir,
eins og þau smærri. Telur hann að
íbúarnir eigi alltaf að hafa síðasta
orðið um stöðu sveitarfélags. Ef þeir
telji að það standi sig illa og íbúar fái
ekki þá þjónustu sem þeir vilja muni
þeir krefjast breytinga sem leiði til
betri þjónustu.
Aldís Hafsteinsdóttir, formaður
Sambands íslenskra sveitarfélaga,
segir að þingmenn og ráðherra þekki
hugmyndir Róberts. Það sé í hönd-
um þeirra að ákveða lágmark íbúa,
hvort sem það verði 1.000 manns,
eða eitthvað annað. Hún segir þó
undarlegt ef fallið yrði frá öllum að-
gerðum sem tryggt gætu stærri og
öflugri sveitarfélög til lengri tíma lit-
ið.
Sameinist eftir skólahverfum
 Lagt til að í stað lágmarksíbúafjölda verði sveitarfélögum sem reka saman grunnskóla gert að sam-
einast  Fulltrúar minni sveitarfélaga funda með stjórn sambandsins um stöðu sína innan samtakanna
Morgunblaðið/Sigurður Bogi
Skriðuklaustur Fljótsdalshreppur
gæti þurft að sameinast öðrum.
Bjarni Bene-
diktsson fjár-
mála- og efna-
hagsráðherra
segist ósammála
þeirri gagnrýni
að sala ríkisins á
hlutum í Íslands-
banka sé ótíma-
bær. „Mér finnst
þvert á móti að
þetta sé á margan
hátt hárréttur tími. Við erum ekki að
selja út frá neyð heldur erum við að
sjá markaðinn taka við sér á dálítið
óvæntan hátt,“ sagði Bjarni við
mbl.is í gær. Hann segist binda vonir
við að töluverður áhugi verði á útboði
ríkisins en að huga verði vel að því
hvernig verði staðið að því.
„Það er hins vegar eðlilegt, þegar
verið er að selja ríkiseignir, að fólk
sýni ákveðna tortryggni, kannski
vegna þess að bankarnir fóru á haus-
inn hér í höndum einkaaðila fyrir
rúmum áratug. En þegar betur er að
gáð höfum við einfaldlega endur-
skrifað allt regluverkið í kringum
bankana og þar með dregið úr
áhættu. Og nú er tímabært að losa
um eignarhaldið.“ jonn@mbl.is
Ósammála
gagnrýni
á söluna
Bjarni
Benediktsson
 Skilur tortryggni
um sölu ríkiseigna