Morgunblaðið - 01.02.2021, Page 10

10 FRÉTTIRInnlent
MORGUNBLAÐIÐ MÁNUDAGUR 1. FEBRÚAR 2021
malbikstodin.is | 864 1220 | Flugumýri 26 | Mosfellsbær
VIÐ ERUMSÉRFRÆÐINGAR Í
MALBIKUN
Malbikunarframkvæmdir eru okkar sérsvið. Við tökum að
okkur malbikun á bílastæðum, stígum, götum, vegum og hvar
sem þarf að malbika. Við tryggjum fyrirtaks þjónustu sem
svarar ýtrustu gæða- og öryggiskröfum. Hafðu samband.
Sigurður Bogi Sævarsson
sbs@mbl.is
„Lögreglan er í dag skipuð fjöl-
breyttum hópi fólks sem hefur að
baki ólíka reynslu og menntun.
Slíkt er fagnaðarefni því sam-
félagið sem við þjónum verður æ
fjölbreyttara rétt eins og verkefni
lögreglunnar,“ segir Fjölnir Sæ-
mundsson, nýkjörinn formaður
Landssambands lögreglumanna.
„Sú var tíðin að karlar voru
allsráðandi í lögreglunni; margir
háir og þrekvaxnir. Allt hefur
þetta gjörbreyst. Nýjast er að nú
er fólk sem tekur lyf við AD/HD
ekki útilokað frá því að komast í
lögregluna, sem er fagnaðarefni.
Fólk tekur lyf við öllu mögulegu
og engu á að breyta hver sjúk-
dómurinn er, svo framarlega sem
fólk ræður við starfið.“
Þakklátur fyrir
góða kosningu
Formannskjör í Lands-
sambandi lögreglumanna á dög-
unum var rafrænt. Á kjörskrá
voru 705 og 519 greiddu atkvæði.
Af gildum atkvæðum fékk Fjölnir
75,3% en Snorri Magnússon sitj-
andi formaður 23,1%. Fjölnir seg-
ist þakklátur fyrir þessa góðu
kosningu og að sjónarmið hans og
málflutningur fengu hljómgrunn.
Hann sé vanur þátttöku í ýmsum
félags- og trúnaðarstörfum, og er
á þessu kjörtímabili varaþingmað-
ur VG í Suðvesturkjördæmi.
Fyrir formannskjör lagði
Fjölnir áherslu á að formaður
verði aðeins í hlutastarfi og að
Landssamband lögreglumanna
ráði sér framkvæmdastjóra sem
stýri daglegum rekstri. Formanns
sé að huga að grasrótinni og sjón-
armiðum félagsmanna. Vilji
þeirra sé alltaf sá að lögreglan sé
öflug og hafi styrk og mannafla
til þess að mæta erfiðum verk-
efnum. Meðal verkefna á hinum
félagslega vettvangi sambandsins
sé stytting vinnuvikunnar, sam-
kvæmt samningum BSRB við rík-
ið, efst á blaði. Hjá vaktavinnu-
fólki tekur breytingin gildi 1. maí
næstkomandi og meginlínan er sú
að vinnuvikan styttist úr 40
stundum í 36. Hjá vaktavinnufólki
getur vinnuvikan raunar farið al-
veg niður í 32 vinnustundir.
Vilji til að liðsinna
„Útfærsla á styttingu vinnu-
vikunnar er vandasöm. Hún þarf
að vera miðlæg og unnin í góðu
samráði við landssambandið,“
segir Fjölnir. „Mörg af litlu lög-
regluembættunum úti um land
gætu lent í vanda við að láta kap-
alinn ganga upp vegna mann-
fæðar. Sömleiðis er óljóst hvort
ríkið hafi sett næga fjármuni í
þetta verkefni. Fjölga þarf lög-
reglumönnum á landsvísu um svo
sem 100 svo styttingin gangi upp.
Auk þess getur stytting leitt til
þess að lögreglumenn lækki í
launum og til þess var leikurinn
alls ekki gerður.“
Mikilvægt er, segir Fjölnir,
að lögreglumenn komi sterkir inn
í umræðu líðandi stundar þar sem
oft halli á þeirra hlut. Ýmsu þurfi
að svara – eins og tök leyfa – því
sárt sé þegar lögreglumenn eru
sakaðir um fordóma. Útskýra
þurfi störf og verkefni lögregl-
unnar betur, því innan hennar sé
umburðarlyndi ríkjandi og al-
mennur vilji til að liðsinna fólki.
„Málin sem sinna þarf líta þó
sum hver vissulega ekki vel út,
svo sem þegar fylgja þarf úr
landi hælisleitendum sem hingað
eins fram við alla, af virðingu
þótt sýnd sé festa. En meðalveg-
urinn er vandrataður, til dæmis
ef heimilisfaðir í ofbeldishug er
fjarlægður af heimili en kemur
svo næsta dag og kvartar yfir
harðræði og að réttur hans hafi
ekki verið virtur. Að rétt sé stað-
ið að aðgerðum er fín lína sem ég
vona að flestir lögreglumenn
finni og feti,“ segir Fjölnir og að
síðustu:
Leysa málin fumlaust
„Að koma á vettvang erfiðra
mála, svo sem voveiflegra slysa,
tekur alltaf á lögreglumenn. Mik-
ilvægast er þá að ganga fumlaust
í málin og leysa þau eftir bestu
getu; svo sem þegar sinna þarf á
vettvangi fólki sem getur verið í
misjöfnu ástandi. Síðan má alltaf
velta fyrir sér hvort maður sé of
hlutlægur eða fjarlægur verkefn-
unum ellegar taki þau um of inn
á sig. Mestu skiptir að koma
heilshugar að verkefninu í byrjun
og þá kemur flest í framhaldinu
eiginlega af sjálfu sér.“
eru ólöglega komnir. Satt að
segja værum við sem samfélag
illa stödd ef lögreglumenn færu
að velja sér verkefni og láta eigin
viðhorf ráða för í störfum sínum.
Fylgja þarf reglum og koma þarf
Fjölnir Sæmundsson kjörinn formaður Landssambands lögreglumanna og tekur við í vor
Morgunblaðið/Sigurður Bogi
Löggulíf Værum illa stödd ef lögreglumenn færu að velja sér verkefni og láta eigin viðhorf ráða för í störfum sín-
um, segir Fjölnir Sæmundsson, hér með fólki sem starfar á Grafarholtsstöð lögreglunnar á höfuðborgarsvæðinu.
Heilshugar í
fjölbreyttum
verkefnum
Fjölnir Sæmundsson, sem er félagsfræðingur og kennari að mennt, hóf
störf í lögreglunni á Hvolsvelli árið 2000. Var þar fyrstu fimm árin, fór
svo til starfa á höfuðborgarsvæðinu, bæði í almennu lögreglunni og við
rannsóknir. Var síðan í nokkur ár starfandi hjá saksóknara við rannsókn
efnahagsbrota. Fór svo fyrir tveimur árum til starfa á Suðurlandi og er
nú varðstjóri á Hvolsvelli.
„Störf lögreglumanna á höfuðborgarsvæðinu og úti á landi eru í mögru
tilliti ólík. Úti á landi geturðu þurft að vera allt í senn og í sama málinu
sérsveitarmaður, huga að slösuðum, rannsaka vettvang, sinna sálgæslu
og stýra umferð frá staðnum. Í litlu samfélagi getur þetta verið áskorun
en allt byggist þetta á að komast af við fólk,“ segir Fjölnir. „Austur í
Rangárvallasýslu gerist stundum að í stað Neyðarlínunnar hringir fólk
beint í minn persónulega farsíma þegar þarf aðstoð lögreglu. Þetta er
tvíbent; en segir kannski fyrst og fremst að maður hefur traust almenn-
ings, sem er mikils virði.“
Traust sem er mikils virði
Fjölbreyttur 20 ára ferill í lögreglunni
Oddur Þórðarson
oddurth@mbl.is
Ráðgjafarstofa innflytjenda verður
opnuð á næstunni að sögn Kolbeins
Óttarssonar Proppé þingmanns
Vinstri-grænna. Ráðgjafarstofunni
er ætlað að vera vettvangur upplýs-
ingagjafar til innflytjenda þar sem
þeir geta leitað ráðgjafar um þjón-
ustu, réttindi og skyldur þeirra hér á
landi, eins og segir í greinargerð
þingsályktunartillögu. „Við getum
öll sett okkur í þau spor að þurfa að
laga sig að nýju samfélagi. Hug-
myndin er því að hafa á einum stað
ráðgjöf fyrir innflytjendur um hvað-
eina innan kerfisins sem þeir þurfa
að vita. Gildir þá einu af hvaða
ástæðum fólk flytur hingað, hvort
sem það kemur hingað til þess að
vinna, stunda nám eða vegna þess að
það er á flótta undan einhverju,“
segir Kolbeinn í samtali við Morg-
unblaðið.
Kolbeinn flutti þingsályktunar-
tillögu um stofnun ráðgjafarstofu
innflytjenda í september 2018 og var
hún síðan samþykkt í byrjun júní
2019. Þá var félags- og barnamála-
ráðherra falið að vinna áætlun um
stofnun ráðgjafarstofu. Kolbeinn
segir að ráðuneytið hafi haldið vel ut-
an um málið og samráð hafi verið
haft við alls kyns
félagasamtök
sem láta sig mál-
efni innflytjenda
varða. „Ráðherra
hafi náið samráð
við Samband ís-
lenskra sveitar-
félaga og leiðandi
sveitarfélög á
sviði innflytj-
endamála um
uppbyggingu og rekstur ráðgjafar-
stofunnar, Rauða krossinn, verka-
lýðshreyfinguna og önnur félaga-
samtök og stofnanir sem koma að
málefninu,“ segir í greinargerð.
Erlend fyrirmynd
Í fyrrnefndri greinargerð segir að
álíka þjónustustofnanir hafi verið
settar á laggirnar erlendis. Það hef-
ur þá gjarnan verið kallað first-stop-
shop og má finna slíkt í löndum á
borð við Kanada, Danmörku og
Portúgal. Mikilvægt sé að horfa til
reynslu nágrannaþjóða og sérþekk-
ingar samtaka á borð við Rauða
krossinn. Í greinargerðinni segir
einnig að óvíst sé hve mikill kostn-
aður hljótist af þessu tilraunaverk-
efni, en bent er á að árlegur kostn-
aður við ríkisstofnun með fimm
starfsmenn sé um 55 milljónir króna.
Öll upplýsingagjöf
undir sama þakinu
 Innflytjendur geti leitað á einn stað
Kolbeinn Óttarsson
Proppé