Morgunblaðið - 03.02.2021, Síða 10

10 FRÉTTIRInnlent
MORGUNBLAÐIÐ MIÐVIKUDAGUR 3. FEBRÚAR 2021
TRÉSMÍÐAVÉLAR
Vélar fyrir
atvinnumenn
og
handverksfólk
Yfir 40 ára frábær
reynsla á Íslandi
Opið virka daga 9-18
laugardaga 10-16
Spónsuga 2 stærðir
Verð frá 89.800
Súluborvél DP18
Verð 95.160
Slípivél Decoflex
Verð 46.190
Súluborvél DP16
Verð 64.840
Fræsari HF50
Verð 77.350 Bandsög
Basa1
Verð 59.960
Bandsög
Basa3
Verð131.830
Borðsög TS310
Verð 95.170
Bútsög HM80L
Verð 25.520
Slípivél
OSM600
Verð 61.910
Laugavegi 29 | sími 552 4320 | verslun@brynja.is | brynja.is
Vefverslun brynja.is
Slípivél
OSM100
Verð 53.180
Iðnaðarryksuga
HA1000
Verð 33.310
Búkki
fyrir bútsagir
Verð 29.800
Bæjarstjórn Vestmannaeyja hefur
falið Helgu Hallbergsdóttur, fyrr-
verandi safnstjóra, Kára Bjarnasyni,
forstöðumanni Safnahúss Vest-
mannaeyja, og Ólafi Snorrasyni,
framkvæmdastjóra umhverfis- og
framkvæmdasviðs, að leggja mat á
muni bæjarins sem varða útgerð-
arsögu Vestmannaeyja og setja
fram hugmyndir um framtíðar-
varðveislu þeirra.
Hópnum er m.a. falið að kanna
hvort hægt sé að koma vélbátnum
Létti fyrir í húsnæði Vestmanna-
eyjahafnar á Skanssvæðinu. Léttir
var smíðaður 1934 og var lengi hafn-
sögu- og dráttarbátur. Þar verði
hann og fleiri sjóminjar varðveittar.
Einnig á að kanna möguleika á að
smíða líkan af m/b Blátindi sem yrði
til sýnis í húsinu til að varðveita
sögu skipsins.
Helga Hallbergsdóttir sagði að
vinna hópsins væri að hefjast. Hún
kvaðst telja að Vestmannaeyingar
ættu að gera því sem viðkemur sjáv-
arútvegi hærra undir höfði. „En
hvernig við gerum það sem best er
svolítið snúið mál. Það verður aldrei
öllu haldið og engu sleppt,“ sagði
Helga. Hópurinn á að skila tillögum
til bæjarstjórnar fyrir lok mars.
Meirihluti framkvæmda- og hafn-
arráðs Vestmannaeyja óskaði eftir
afstöðu Minjastofnunar til þess að
Blátindi verði fargað, en hann er
friðaður. Agnes Stefánsdóttir, sviðs-
stjóri hjá Minjastofnun, gerir ráð
fyrir að niðurstaða muni liggja fyrir
á næstu vikum. gudni@mbl.is
Morgunblaðið/Óskar Pétur Friðriksson
Blátindur VE Losnaði upp í óveðri 14. febrúar 2020 og sökk við bryggju.
Skoða varðveislu
minja um sjósókn
 Kanna með gerð líkans af Blátindi
Í nefndaráliti í lokaskýrslu rann-
sóknarnefndar samgönguslysa, sigl-
ingasviðs, kemur fram að orsök
banaslyss við köfun við Hjalteyri 3.
september 2019 hafi að öllum líkind-
um verið sú að ýtrustu öryggisregl-
um hafi ekki verið fylgt. 64 ára
Bandaríkjamaður lést í slysinu.
Of skammur tíma milli kafana
Rannsókn bendir sterklega til að
dánarorsök hafi verið köfunarveiki
vegna uppsafnaðs köfnunarefnis í
líkamanum sem rekja megi til of
skamms tíma á milli kafana og of lít-
ils tíma í fimm metra afþrýstistoppi,
segir í skýrslunni. Þessu til viðbótar
segir að í ljós hafi komið við nánari
skoðun að heilsufarsþættir hjá við-
komandi hafi aukið líkur á köfunar-
veiki.
Í sérstakri ábendingu nefndarinn-
ar er bent á mikilvægi þess að farið
sé eftir ýtrustu öryggisreglum og að
fyrirtæki í köfunarferðum árétti við
viðskiptavini sína að gefa raunsann-
ar heilsufarsupplýsingar til að
tryggja öryggi þeirra sjálfra og ann-
arra. Þá sé einnig mikilvægt að köf-
unarfyrirtæki hvetji viðskiptavini
sína til að fara vel yfir upplýsingar úr
köfunartölvum sínum og bera þær
saman við kröfur í töflum um örugg-
ar kafanir.
Köfuðu með hópnum í sjö daga
Maðurinn sem lést var hluti af sex
manna hópi áhugakafara, sem fór
með báti frá Hjalteyri á vegum fyrir-
tækisins Arctic Adventures til að
kafa og skoða með leiðsögn
neðansjávarhverastrýtur rétt fyrir
utan höfnina. Starfsfólkið hefði kaf-
að með þessum hópi í sjö daga og var
þetta síðasta köfun ferðarinnar. Í
þessari köfun voru þrír leiðbeinend-
ur, sem voru með sterk blys til að
auðvelda köfurunum að sjá þá.
Við rannsókn hjá lögreglu kom
fram að samkvæmt upplýsingum úr
köfunartölvu hafði kafarinn sem lést
kafað sjö sinnum á níu dögum. Síð-
ustu þrjár kafanir voru gerðar á
tveimur dögum og tvær af þeim á
sama degi. Við rannsókn lögreglu á
köfunartölvu hans kom fram að
þessa tvo daga voru rauð og gul við-
vörunarmerki í öllum þremur köfun-
unum sem merkti að um hættusvæði
var að ræða hvað varðar uppsafnað
köfnunarefni í líkama hans.
Við rannsókn málsins fékk RNSA
einnig sérfræðiálit frá Landhelgis-
gæslu Íslands á fyrirliggjandi köf-
unargögnum og niðurstaða þeirra
var að ekkert benti til neins óeðlilegs
nema mögulegrar þreytu viðkom-
andi kafara.
Ýtrustu öryggisreglum
trúlega ekki verið fylgt
 Talið að Bandaríkjamaður hafi látist úr köfunarveiki
Ljósmynd/Þorgeir Baldursson
Hjalteyri Vinsælt hefur verið að fara til köfunar nálægt Arnarnesstrýtum.