Morgunblaðið - 10.02.2021, Síða 6

6 FRÉTTIRInnlent
MORGUNBLAÐIÐ MIÐVIKUDAGUR 10. FEBRÚAR 2021
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. 8-12 og 13-18, fös. 8-14
Hröð og góð þjónusta um allt land
Áratug
a
reynsla
Startar bíllinn ekki?
Við hjá Rafstillingu leysum málið
Helgi Bjarnason
helgi@mbl.is
Þótt nýr samningur Vegagerðarinn-
ar við Vestmannaeyjabæ um áfram-
haldandi rekstur bæjarins á Herjólfi
hafi í för með sér fjárhagslega
áhættu fyrir bæjarfélagið er hugs-
anlegt að á samningstímanum verði
hægt að vinna til baka hluta taps
sem varð á nýliðnu ári vegna
kórónuveirufaraldursins. Líklegt er
að tapið verði yfir 100 milljónir kr.
Njáll Ragnarsson, formaður bæj-
arráðs Vestmanneyja, kveðst
ánægður með nýjan samning um
rekstur Herjólfs. Með honum sé bú-
ið að laga marga af þeim hnökrum
sem voru á gamla samningnum.
„Samninginn tel ég góðan til þess að
tryggja áfram góða þjónustu á leið-
inni milli lands og Eyja,“ segir
Njáll.
Mikið tap varð á rekstri Herjólfs
ohf. á árinu 2020. Njáll segir að ná-
kvæm tala liggi ekki fyrir en tapið á
síðasta ári verði örugglega ekki
undir 100 milljónum króna.
„Vissulega fylgir rekstrinum fjár-
hagsleg áhætta fyrir sveitarfélagið
þar sem félagið er rekið sem B-
hlutafyrirtæki og afkoma þess kem-
ur því beint inn í ársreikning Vest-
mannaeyjabæjar. Það er mín trú að
í eðlilegu ári sé unnt að reka félagið,
með þarfir íbúa í Vestmannaeyjum
að leiðarljósi, þannig að reksturinn
verði í jafnvægi,“ segir Njáll.
Bæjarráð telur það jákvætt við
samninginn að Herjólfur ohf. fái
tækifæri til að vinna upp það tap
sem varð á rekstrinum á síðasta ári.
Njáll segir alls óvíst að reksturinn
skili hagnaði á næstu árum en ef
það gerist muni hann verða notaður
til að greiða niður tapið.
Yfir 100 milljóna kr. tap af
Herjólfi vegna faraldursins
Morgunblaðið/Sigurður Bogi
Herjólfur Ferjan siglir til hafnar í
Vestmannaeyjum í blíðuveðri.
 Möguleiki á að
vinna hluta til baka
Guðni Einarsson
gudni@mbl.is
Stofnun Hollvinasamtaka Húsavík-
urkirkju verður á dagskrá sóknar-
nefndar í næstu viku. Grein um
mikla þörf á viðgerð á kirkjunni í
Morgunblaðinu á mánudaginn var
vakti sterk viðbrögð heimamanna
og fólks sem tengist Húsavík, að
sögn Helgu Kristinsdóttur, for-
manns sóknarnefndar Húsavíkur-
sóknar.
„Húsavíkurkirkja er tákn Húsa-
víkur og fólkinu þykir vænt um
kirkjuna sína. Þessi grein var það
sem þurfti,“ sagði Helga.
Talið er að nauðsynleg viðgerð á
kirkjuturninum og fleiru, breyt-
ingar til að laga aðgengi að kirkj-
unni, lagfæring á safnaðarheimilinu
Bjarnahúsi og tengibygging muni
kosta nokkra tugi milljóna. Vilji er
til að mála safnaðarheimilið í stíl við
kirkjuna. Helga sagði að það mætti
ekki dragast lengur að laga aðgeng-
ið að kirkjunni.
Hún sagði að sótt hefði verið um
styrki til jöfnunarsjóðs sókna og
húsafriðunarsjóðs og yrði því haldið
áfram. Styrkir hafa fengist og hafa
þeir gert kleift að sinna því bráð-
nauðsynlegasta.
„Við verðum að geta bjargað
kirkjunni en viðhaldskostnaðurinn
er orðinn þvílíkur að við sjáum ekki
fram úr þessu,“ sagði Helga. Hún
sagði að áfram yrði sótt um styrki
og reynt að safna fé til fram-
kvæmdanna.
Viðhald íþyngir söfnuðum
Séra Sólveig Halla Kristjáns-
dóttir, sóknarprestur í Húsavíkur-
sókn, segir að söfnuðurinn fái sókn-
argjöld af sóknarbörnum. Þeir
peningar hafa m.a. farið til viðhalds.
Með hollvinasamtökum geti brott-
fluttir Húsvíkingar og aðrir velunn-
arar stutt kirkjuna.
„Víða eru litlir söfnuðir með
gamlar kirkjur. Rekstur margra
þeirra er þungur,“ segir séra Sól-
veig. Hún segir að viðhald kirkna sé
mörgum söfnuðum þungt í skauti og
komi niður á safnaðarstarfinu. „Við
höfum ekki efni á að ráða æskulýðs-
fulltrúa eða aðstoð til að byggja upp
innra starfið, sem mikill hugur er til
að gera,“ sagði séra Sólveig.
Húsafriðunarsjóður styrkir
Minjastofnun Íslands úthlutar
styrkjum úr húsafriðunarsjóði að
fenginni umsögn húsafriðunar-
nefndar. Nú er verið að vinna úr
umsóknum sem bárust á liðnu
hausti og má vænta niðurstöðu um
miðjan mars, samkvæmt upplýs-
ingum frá Minjastofnun. Húsavík-
urkirkja er á meðal umsækjenda.
Í fyrra voru veittar 67,2 milljónir
króna til 42 friðlýstra kirkna. Tveir
hæstu styrkirnir voru fimm millj-
ónir hvor en sá lægsti 100 þúsund
krónur. Húsavíkurkirkja fékk sam-
tals sex milljónir króna úr húsafrið-
unarsjóði á árunum 2014-2017.
Stofna holl-
vinasamtök
kirkjunnar
 Ætla að safna fyrir kostnaðarsöm-
um viðgerðum á Húsavíkurkirkju
Morgunblaðið/Hafþór Hreiðarsson
Húsavíkurkirkja Kirkjan er mikil
bæjarprýði og þekkt kennileiti.
Húsavíkurkirkja
» Húsavíkurkirkja var byggð
árið 1907.
» Kirkjuna hannaði Rögnvald-
ur Ólafsson arkitekt sem einn-
ig hannaði Bjarnahús við hlið
kirkjunnar sem nú er safnaðar-
heimili.
» Mikill fúi er í viðum í turni
kirkjunnar og þarf að skipta út
þverbitum. Allir fjórir krossar
kirkjunnar eru einnig ónýtir.
Ágúst Ingi Jónsson
aij@mbl.is
Nýr skíðaskáli verður tekinn í notk-
un á skíðasvæðinu í Tindastóli á út-
mánuðum, vonandi fyrir páska í
byrjun apríl, að sögn Sigurðar
Haukssonar, umsjónarmanns skíða-
svæðisins og starfsmanns skíða-
deildar Tindastóls. Hann segir að
það hafi lengi verið draumur for-
svarsmanna skíðadeildarinnar að
reisa skála með gistiaðstöðu og að
því hafi verið unnið hörðum höndum
til þess að bæta aðstöðu fyrir iðk-
endur innan deildarinnar.
Í skálanum verða búnings- og
fundarherbergi, veitingaaðstaða,
svefnpokapláss, sjúkraherbergi og
aðstaða fyrir starfsemi skíðadeild-
arinnar. Þar verður boðið upp á
gistingu fyrir hópa og er horft til af-
reks- og æfingahópa skíðaíþróttar-
innar, skóla og félagsmiðstöðva, en
einnig fyrirtækjahópa og annarra
hópa og klúbba. Fyrst í stað að
minnsta kosti er ekki reiknað með
fleirum en 30 í gistingu hverju sinni.
Í fyrrasumar var grafið fyrir
skálanum, skipt um jarðveg og
sökklar steyptir. Í haust var byrjað
að raða alls 27 einingum á undir-
stöðurnar og er hiti og rafmagn
komið á húsið. Undanfarið hefur
verið unnið að því að setja steinull
og gifs á milli eininga til að bruna-
verja og hljóðeinangra. Millibygg-
ing verður reist á næstunni, en þar
verður m.a. salernis- og sturtu-
aðstaða. Veitingasala verður í sam-
starfi við veitingastaði á Sauðár-
króki. Hamli veður ekki fram-
kvæmdum ættu verklok að geta
orðið eftir nokkrar vikur.
Skíðadeildin keypti einingarnar
af Landsvirkjun og segir Sigurður
deildina afar þakkláta þeim stuðn-
ingi sem Landsvirkjun hafi veitt
ungmennafélaginu, sem og öðrum
sem hafa komið að þessu verki.
Hann segir að reynt sé að halda
kostnaði í lágmarki og hefur mikil
sjálfboðavinna verið unnin í fjallinu
síðustu mánuði.
Hjólabraut í og við fjallið
Sigurður segir að þetta sé stórt
skref fyrir skíðasvæðið og áfangi að
því að geta boðið upp á starfsemi á
svæðinu allt árið. Stefnt sé að því að
gera hjólabraut í og við fjallið þar
sem börn og fjölskyldur þeirra geti
notið sín yfir sumartímann.
Sigurður segir að síðustu tvær
vikur hafi verið góðar í Tindastóli,
gott veður, mikill snjór og gott færi.
Síðustu daga hafa afrekshópar verið
við æfingar í fjallinu og með nýja
skálanum við skíðabrekkurnar verði
slíkar æfingabúðir og starfsemi
deildarinnar einfaldari en nú er. Í
Tindastóli séu flottar brekkur sem
henti bæði keppendum og fjöl-
skyldum. Sigurður segir gott veður
fram undan samkvæmt veðurspám
og góðir dagar í Tindastóli.
Ljósmyndir/Sigurður Hauksson
Sýning Skálinn í Tindastóli undir norðurljósahimni, en slíkar sýningar hafa verið algengar í fjallinu síðustu daga.
Skálagisting við skíða-
brekkur Tindastóls
 Framkvæmdir langt komnar  Stefnt að heilsársaðstöðu
Tindastóll Á góðum degi, en undanfarið hafa afrekshópar verið við æfingar.