Morgunblaðið - 24.02.2021, Síða 10

10 FRÉTTIRInnlent
MORGUNBLAÐIÐ MIÐVIKUDAGUR 24. FEBRÚAR 2021
stöðu sína og brjóta gegn skyldum
sínum með því að „beita fyrir sig
sjúklingum“.
Heilbrigðisráðuneytið svaraði
bréfi FS 7. desember 2020 og fór
yfir atriði málsins. Í lok bréfsins
sagði ráðuneytið að það teldi ekki
tilefni til að „beita yfirstjórnunar-
og eftirlitsheimilum ráðherra
vegna framangreindra atriða er
viðkoma háttsemi forstjóra SÍ“.
Viðbótarskilyrðum mótmælt
FS sendi heilbrigðisráðherra
annað bréf 1. febrúar sl. og mót-
mælti nýjum viðbótarskilyrðum í
reglugerð um endurgreiðslu kostn-
aðar vegna sjálfstætt starfandi
sjúkraþjálfara. Breytingin felur í
sér það skilyrði að sjúkraþjálfarinn
hafi starfað í a.m.k. tvö ár sem
sjúkraþjálfari í a.m.k. 80% starfs-
hlutfalli eftir löggildingu. FS segir
þessa breytingu vera í andstöðu
við lög og stjórnarskrá. Þá kom
fram í bréfinu að FS hefði á und-
anförnum tveimur árum reynt að
eiga samstarf og samtal með SÍ og
Guðni Einarsson
gudni@mbl.is
Sveitarfélög og félög sérfræðinga
hafa kvartað til Sjúkratrygginga
Íslands (SÍ) og heilbrigðisráðu-
neytisins vegna óánægju með sam-
skiptin við SÍ.
Það vakti mikla athygli þegar
fjögur sveitarfélög; Akureyri,
Vestmannaeyjabær, Höfn og
Fjarðabyggð, sögðu upp samn-
ingum við ríkið um rekstur hjúkr-
unarheimila. Ástæðan var viðvar-
andi halli á rekstrinum og að
sveitarfélögunum þótti daufheyrst
við ákalli þeirra um úrbætur og
hærri greiðslur.
Ásthildur Sturludóttir, bæjar-
stjóri á Akureyri, gagnrýndi
vinnubrögð SÍ harðlega við um-
ræðu um rekstur hjúkrunarheimila
í bæjarstjórn Akureyrar eins og
fréttavefurinn akureyri.net greindi
frá 17. febrúar. Hún sagði að sveit-
arfélög sem sögðu upp samningum
um rekstur hjúkrunarheimilanna
hefðu haft samráð sín á milli og
upplýst Samband íslenskra sveitar-
félaga um gang viðræðna.
„Í desember [innsk. 2020] var
orðið ljóst að trúnaðarbrestur
hafði orðið á milli SÍ og sveitar-
félaganna sem um ræðir,“ sagði
Ásthildur og bætti við: „Það hlýtur
að teljast mjög alvarlegt þegar
opinber stofnun verður uppvís að
slíkum vinnubrögðum og það voru
mér og starfsfólki mínu mikil von-
brigði þegar kom í ljós hvers kyns
var. Ég taldi að viðræðurnar við
SÍ færu fram af fullum heilindum
en annað kom á daginn þegar
sveitarfélögin báru saman bækur
sínar og ljóst var að forstjóri SÍ
bar ólíkar upplýsingar á milli að-
ila.“ Akureyrarbær hefur ráðið
lögmann til að gæta hagsmuna
sinna gagnvart SÍ.
Kvartað við ráðherra
Umrædd fjögur sveitarfélög
skrifuðu Svandísi Svavarsdóttur
heilbrigðisráðherra þann 17. des-
ember 2020 vegna samninganna
um rekstur hjúkrunarheimilanna
sem þau höfðu sagt upp. Í bréfinu
sagði m.a. að algjör trúnaðar-
brestur væri kominn upp af hálfu
sveitarfélaganna gagnvart for-
stjóra SÍ og sögðu þau hann hafa
orðið uppvísan að ósannsögli í við-
ræðum aðila. Sveitarfélögin óskuðu
eftir fundi með ráðherra um málið.
Samtök fyrirtækja í velferðar-
þjónustu (SVF) og Samband ís-
lenskra sveitarfélaga (sambandið)
sendu bréf 8. febrúar sl. til að
vekja athygli forstjóra SÍ og heil-
brigðisráðuneytisins „á þeim seina-
gangi og samskiptaleysi sem virð-
ist einkenna afgreiðslu mikilvægra
mála sem upp hafa komið í
tengslum við þjónustusamninga SÍ
við hjúkrunarheimili landsins“.
Þar kemur fram að SFV og
sambandið hafi lagt fram bókun á
fundi samstarfsnefndar SÍ, SFV
og sambandsins þann 18. desem-
ber 2020. Þar gerðu SFV og sam-
bandið alvarlegar athugasemdir
við hve langan tíma hafði tekið að
láta hjúkrunarheimilin fá viðbótar-
fjárveitingu vegna kostnaðar út af
kórónuveirufaraldrinum. Einnig
voru vinnubrögð SÍ við gagnaöflun
gagnrýnd. Þegar þrýst sé á um
málið vísi SÍ og heilbrigðisráðu-
neytið ábyrgðinni hvort á annað.
Einnig hafa fulltrúar SFV og sam-
bandið gert athugasemdir vegna
seinagangs í afgreiðslu annarra
mála varðandi hjúkrunarheimilin.
Sjúkraþjálfarar óánægðir
Heilbrigðisráðuneytinu var send
ábending þann 10. ágúst 2020
vegna „framferðis og ummæla for-
stjóra Sjúkratrygginga Íslands í
garð sjúkraþjálfara og Félags
sjúkraþjálfara“. Ábendinguna
sendi lögmaður fyrir hönd Félags
sjúkraþjálfara (FS) og vakti þar
með athygli „á ósæmilegu og ólög-
mætu framferði forstjóra Sjúkra-
trygginga Íslands (SÍ) í opinberri
umfjöllun um sjúkraþjálfara og FS
í árslok 2019“ eins og segir í bréf-
inu.
Meint háttsemi SÍ var dregin
saman í þrjú atriði. Það fyrsta
voru aðdróttanir um að FS hefði
brotið samkeppnislög. Í öðru lagi
hótanir um að sjúkraþjálfarar sem
ekki færu eftir „löglausum kröfum
SÍ“ yrðu dregnir til ábyrgðar. Í
þriðja lagi aðdróttanir um að
sjúkraþjálfarar væru að misnota
ráðuneytinu. „Því miður hefur slík-
um óskum oftast verið tekið fá-
lega.“
Heilbrigðisráðuneytið svaraði 17.
febrúar sl. og kvaðst telja að með
skilyrðinu um tveggja ára starfs-
reynslu væri ekki verið að skerða
atvinnufrelsi. Með reglugerðinni
hefði verið sett skilyrði fyrir
greiðsluþátttöku ríkisins.
Talmeinafræðingar kvarta
Félag talmeinafræðinga á Ís-
landi (FTÍ) hefur einnig staðið í
stappi við SÍ. Það er vegna
ákvæða í rammasamningi sem fé-
lagið vill fella út. Kristín Theódóra
Þórarinsdóttir, formaður FTÍ,
sagði að þeim hefði þótt vinnu-
brögð SÍ í þeim viðræðum hafa
verið fremur ófagleg. Þannig hefðu
t.d. ekki verið haldnar fund-
argerðir.
Hún sagði að FTÍ hefði kvartað
við SÍ vegna samskiptanna. FTÍ
hefði hugleitt að senda Umboðs-
manni Alþingis erindi um erfið
samskipti sín við SÍ.
Kvarta vegna erfiðra samskipta
 Sveitarfélög, sjúkraþjálfarar og talmeinafræðingar hafa lýst mikilli óánægju með samskipti
sín við Sjúkratryggingar Íslands  Heilbrigðisráðuneytinu hafa verið send bréf með kvörtunum
Morgunblaðið/Árni Sæberg
Samskipti Sjúkraþjálfarar eru á meðal þeirra stétta sem hafa staðið í stappi við Sjúkratryggingar Íslands. Sama
er að segja um talmeinafræðinga og fjögur sveitarfélög en þau hafa gefist upp á rekstri hjúkrunarheimila.
Þungur rekstur
» Sjúkratryggingar Íslands (SÍ)
hafa óskað eftir viðræðum við
aðila sem vilja taka við rekstri
fjögurra heimila sem sveit-
arfélög hafa rekið.
» Þau eru Hraunbúðir í Vest-
mannaeyjum, Hulduhlíð á Eski-
firði, Uppsalir á Fáskrúðsfirði
og Öldrunarheimili Akureyrar
sem rekur Hlíð og Lögmanns-
hlíð.
» Á þessum heimilum eru sam-
tals 244 hjúkrunarrými, 12 dval-
arrými og 46 dagdvalarrými.
» Samtök fyrirtækja í velferð-
arþjónustu hafa sagt að sveit-
arfélögin treysti sér ekki til að
reka þessi hjúkrunarheimili
áfram vegna viðvarandi halla-
reksturs.
» Beðið er eftir niðurstöðu
starfshóps sem var skipaður til
að greina raungögn um rekstur
og rekstrarkostnað hjúkrunar-
heimila.
Margrét Þóra Þórsdóttir
Akureyri
Meirihluti bæjarráðs Akureyrar
vill skoða betur hvaða kostir
standa til boða varðandi staðsetn-
ingu heilsugæslustöðvar norðan
Glerár. Til stendur að byggja tvær
nýjar heilsugæslustöðvar á Akur-
eyri og er stefnt að því að þær
verði teknar í gagnið á árinu 2023.
Heilsugæslustöð fyrir suðurhluta
bæjarins verður reist á reit sem
áður hýsti tjaldsvæði, en fýsileg-
asti kostur fyrir heilsugæslustöð
norðan Glerár þótti reitur við
Skarðshlíð númer 20.
Þórhallur Jónsson formaður
Skipulagsráðs Akureyrarbæjar
segir að gerð hafi verið könnun á
því hvaða húsnæði mögulega stæði
til boða í bænum undir heilsu-
gæslustöðvar.
Niðurstaðan var sú að engin
fýsileg boð komu fram um húsnæði
í norðurhlutanum og því sé eðlilegt
í framhaldi af því að auglýsa eftir
nýbyggingu fyrir heilsugæslustöð
norðan Glerár, „og lóðin við
Skarðshlíð er inni í því sem einn
kostur, en fyrir liggur að einnig á
að byggja fjölbýlishús á þeirri lóð.
Ef betri eða jafngóð staðsetning
finnst og samkeppnisfært verð
yrði það hið besta mál“, segir Þór-
hallur.
Skoðun leiði ekki til tafa
Í bókun bæjarráðs segir að mik-
ilvægt sé að skoðun á valkostum
fyrir heilsugæslustöð leiði ekki til
umtalsverðra tafa á framgangi
málsins. Leggur því meirihluti
bæjarráðs til að auglýst verði á al-
mennum markaði eftir leiguhús-
næði fyrir norðurstöð þannig að
aðrir möguleikar en Skarðshlíð 20
komi til greina. Áfram verði þó
unnin skipulagsvinna fyrir reitinn
við Skarðshlíð og ráð fyrir því gert
að aðal- og deiliskipulagsvinna
verði auglýst á næstu vikum þann-
ig að hún taki gildi á vormánuðum.
Fram kemur í bókun bæjarráðs að
lóðin verði hluti af þeirri auglýs-
ingu sem felur í sér að aðilar geta
annaðhvort lagt fram nýjan upp-
byggingarkost eða boðið leiguhús-
næði með því að byggja á lóðinni
við Skarðshlíð 20.
Engar nýjar ástæður
Tveir bæjarfulltrúar, Hilda Jana
Gísladóttir S-lista og Sóley Björk
Stefánsdóttir V-lista, benda í bók-
un á að val á staðsetningu fyrir
heilsugæslu norðan Glerár hafi
verið langt, flókið en um leið vand-
að ferli. Eftir opið auglýsingaferli
var niðurstaðan að Skarðshlíð 20
þótti heppilegasta staðsetningin.
Forsvarsmenn Heilsugæslustöðvar
Norðurlands hafi lýst yfir ánægju
með staðarvalið.
Þá kallist staðsetningin einnig
vel á við hugmyndafræðina um 20
mínútna bæinn. „Við teljum upp-
byggingu heilsugæslu við Skarðs-
hlíð vænlegan kost og engar nýjar
málefnalegar ástæður vera til að
breyta því staðarvali. Mikilvægt er
að nýjar heilsugæslustöðvar á
Akureyri verði teknar í notkun
eins fljótt og hægt er,“ segja Hilda
Jana og Sóley Björk í bókun sinni.
Morgunblaðið/Margrét Þóra
Heilsugæsla Reiturinn við Skarðshlíð 20 þótti fýsilegasti kosturinn undir
nýja heilsugæslustöð í norðurhluta Akureyrar. Meirihluti bæjarráðs vill nú
að fleiri valkostir varðandi staðsetningu verði skoðaðir.
Skoða betur valkosti
fyrir norðan Glerá
 Staðsetning nýrrar heilsugæslustöðvar rædd í bæjarráði