Morgunblaðið - 24.02.2021, Síða 11

FRÉTTIR 11Innlent
MORGUNBLAÐIÐ MIÐVIKUDAGUR 24. FEBRÚAR 2021
Immortelle blómið.
Dýrmætur æskuelixír náttúrunnar
Gullna andlitsolían okkar inniheldur nú hið nýja Immortelle ofurseyði sem unnið er úr lífrænum Immortelle
blómum sem er náttúrulegur valkostur fyrir retínól. Olían hjálpar sýnilega við að draga úr hrukkum,
endurheimtir ljóma húðarinnar og gerir hana silkimjúka.
Hver þarf tilbúið innihaldsefni þegar náttúran getur gert enn betur?
Kringlan 4-12 | s. 577-7040 | www.loccitane.is
aeilíf !
Allt var með kyrrum kjörum á
Öræfajökli þegar gervitungl fór þar
yfir í fyrradag og tók meðfylgjandi
mynd.
Sporöskjulöguð askja eldfjallsins
sést greinilega en hún er 3x4 km að
stærð og full af ís. Megineldstöð
þessa eldfjalls er hulin ís og um 20
km í þvermál. Eldfjallið teygir sig
hæst í Hvannadalshnjúki sem er
hæsti tindur Íslands.
Stór eldgos hafa orðið í toppgíg
Öræfajökuls. Eitt slíkt varð árið
1362 og olli það algjörri eyðileggingu
í 20 km radíus frá eldstöðinni. Eyði-
leggingin varð vegna mikilla jökul-
hlaupa, gjóskufalls og gusthlaupa að
því er segir á vefnum islenskeld-
fjoll.is. Talið er að gosmökkurinn í
þeim hamförum hafi náð allt að 35
km hæð fyrst eftir að gosið hófst.
Mikil gosaska barst út í andrúms-
loftið og hefur gjóska úr gosinu
fundist á Grænlandi, í Noregi og á
Írlandi. Tala látinna í þessum miklu
hamförum er óþekkt.
Síðast gaus Öræfajökull meðal-
stóru sprengigosi 1727-1728. Því
fylgdu miklir jarðskjálftar.
Öflugt
eldfjall
í hvíld
 Öræfajökull hefur
gosið stórum gosum
Gervihnattamynd/LANDSAT-8 USGS
Öræfajökull Gervihnattamynd tekin 22. febrúar síðastliðinn. Þá var nánast heiðskírt yfir jöklinum eins og myndin ber með sér.
Berglind Ósk
Guðmundsdóttir
gefur kost á sér í
2. sæti á lista
Sjálfstæð-
isflokksins á
Norðurlandi
eystra fyrir kom-
andi þingkosn-
ingar.
Berglind Ósk,
27 ára að aldri,
starfar sem lögfræðingur hjá Há-
skólanum á Akureyri, er stjórn-
arformaður Fallorku og varabæjar-
fulltrúi Sjálfstæðisflokksins á
Akureyri. Hún situr í stjórn Sam-
bands ungra sjálfstæðismanna og
stjórn Landssambands sjálfstæð-
iskvenna, auk þess er hún í stjórn
Sjálfstæðisfélagsins á Akureyri og
stjórn ungra sjálfstæðismanna á
Akureyri. Berglind Ósk á eina dótt-
ur, Emilíu Margréti, 5 ára, og sam-
býlismaður hennar er Daníel Matt-
híasson. Í tilkynningu um
framboðið segist Berglind vilja
leggja áherslu á að efla ungt fólk til
góðra verka, eins og það er orðað.
Berglind Ósk vill 2.
sætið í NA-kjördæmi
Berglind Ósk
Guðmundsdóttir
Rúmlega 220
erindi hafa borist
til Ráðgjafarstofu
innflytjenda á
þeim 12 dögum
síðan verkefnið
var sett á lagg-
irnar. Flest erindi
snúa að því
hvernig beri að
skrá sig löglega í
landið og hvernig
megi bera sig að við það að sækja
bætur á borð við húsaleigu- og at-
vinnuleysisbætur að sögn Joönnu
Marcinkowsku verkefnastjóra.
Hún sagði í samtali við mbl.is í
gær að með því að benda fólki sem
ekki þekkir íslenska kerfið á ráð-
gjafarstofuna megi létta álag á öðr-
um stofnunum. „Fólk sem kemur frá
evrópskum löndum þekkir kerfið
hér betur en engu að síður eru t.d.
húsaleigubætur ekki til annars stað-
ar. Margir vita ekki hverju þeir eiga
rétt á,“ sagði Joanna m.a.
220 erindi borist
til Ráðgjafarstofu
Joanna
Marcinkowska