Morgunblaðið - Sunnudagur - 06.03.2021, Qupperneq 29

lega ekki aftur en John Mahoney,
sem lék Marty, föður Frasiers, lést
árið 2018. Ólíklegt verður að teljast
að nýr leikari verði ráðinn í hans
stað. Hundurinn Eddie er einnig
horfinn til feðra sinna.
Ekki hefur verið staðfest hvenær
Frasier mun birtast aftur á skjánum
en það verður væntanlega ekki fyrr
en á næsta ári enda er Grammer
upptekinn um þessar mundir við að
leika í nýjum gamanþáttum úr
smiðju Chris Lloyds og Vali
Chandrasekarans sem gerðu Mod-
ern Family. Þeir hafa enn ekki hlotið
nafn en meðal annarra leikara má
nefna Alec Baldwin.
Leysti vanda hlustenda
Varla þarf að kynna Frasier fyrir
þeim sem þetta lesa en sálfræðing-
urinn knái stýrði vinsælum útvarps-
þætti í Seattle, þegar við skildum við
hann, þar sem okkar maður spjallaði
við hlustendur og leysti vanda þeirra.
Hann bjó lengst af með föður sínum
og breskum sjúkraþjálfara hans,
Daphne Moon. Bróðirinn Niles, sem
einnig er sálfræðingur, var eins og
grár köttur á heimilinu og herti sig
loksins upp og játaði ást sína á
Daphne eftir áralanga aðdáun í
laumi. Faðir þeirra, alþýðumaðurinn
Marty, fylgdist sposkur með klaufa-
legri framgöngu hinna snobbuðu og
listhneigðu sona sinna sem kippti
svona hressilega í móðurkynið. Hann
lét þó bröltið í þeim og eftir atvikum
bullið í léttu rúmi liggja enda vissi
hann sem var að drengirnir hans
væru þegar á reyndi réttsýnir og
með hjarta úr gulli. Roz Doyle var
svo útsendingastjórinn og nánasti
samstarfsmaður Frasiers í útvarp-
inu.
Átján ár eru langur tími og spenn-
andi verður að sjá hver staðan verð-
ur á Frasier og hans nánasta föru-
neyti en kappinn ætti að vera kominn
á sjötugsaldurinn. Er hann ennþá
einn? Eru Niles og Daphne ennþá
hjón? Hvernig leggur Frasier út af
væringunum í bandarísku þjóðfélagi
og valdatíð Donalds Trumps? Og
hvað finnst honum um Barack
Obama, ef út í það er farið, hann var
ekki tekinn við embætti forseta þeg-
ar Frasier hvarf af sjónarsviðinu.
Slapp kappinn við kórónuveiruna?
Já, margs er að spyrja.
Afleggjari Staupasteins
Frasier er upphaflega afleggjari
annars feikivinsæls gamanþáttar,
Staupasteins eða Cheers, sem einnig
gekk í ellefu ár, frá 1982 til 1993.
Ekki eru mörg dæmi um að afleggj-
arar hafi heppnast svo vel og lifað
jafn lengi – og nú lengur – en
móðurjurtin.
Karakterinn Frasier kom upphaf-
lega til skjalanna í þriðju seríunni af
ellefu; hámenntaður og menningar-
hneigður innan um alla Jóana á boln-
um; Barþjónana Sam Malone (Ted
Danson), Coach (Nicholas Colas-
anto) og Woody (Woody Harrelson);
þernurnar Diane (Shelley Long) og
Cörlu (Rhea Perlman) og fastagesti
á borð við Norm (George Wendt) og
Cliff Clavin (John Ratzenberger).
Frasier hafði hægt um sig til að
byrja með en óx fiskur um hrygg er á
leið enda sýndu mælingar að karakt-
erinn naut hylli áhorfenda, auk þess
sem handritshöfundar höfðu yndi af
því að skrifa hann. Sérviska Frasiers
og snobb stungu í stúf á barnum
góða í Boston.
Upphaflega var Frasier að gera
hosur sínar grænar fyrir Diane en
seinna kynntist hann eiginkonu
sinni, Lilith (Bebe Neuwirth), á
Staupasteini en hún var á margan
hátt kvenútgáfan af honum sjálfum
enda þótt hún væri heldur kaldari í
lund og þurrari á manninn. Þau eign-
uðist einn son, Frederick, en skildu
undir lok þáttanna sem varð til þess
að Frasier flutti búferlum til Seattle.
Frederick varð eftir hjá móður sinni.
Ekki er víst að allir muni það en
Frasier kom við sögu í þriðju gaman-
þáttunum, Wings. Birtist þar einu
sinni sem gestur árið 1992. Tim Daly
og Steven Weber voru burðarásarnir
í þeim ágætu þáttum.
Þegar dr. Frasier Winslow Crane,
eins og hann heitir víst fullu nafni,
birtist okkur aftur á næsta ári verða
38 ár liðin frá því við kynntumst hon-
um fyrst en fá dæmi, ef nokkur, eru
um slíka lífseiglu á skjánum. Það
þarf líklega að fara á hvíta tjaldið og
hafa uppi á mönnum á borð við
James Bond til að slá honum við.
Það er ekki leiðum að líkjast.
Frasier Crane ásamt
genginu sínu meðan
leikurinn stóð sem hæst
á tíunda áratugnum.
Reuters
7.3. 2021 MORGUNBLAÐIÐ SUNNUDAGUR 29
STOFNAÐ 1956
Glæsileg íslensk
hönnun og smíði
á skrifstofuna
Bæjarlind 8–10
201 Kópavogur
Sími 510 7300
www.ag.is
ag@ag.is
Fyrir Á. Guðmundsson starfa íslenskir, vel menntaðir
arkitektar sem hafa þróað húsgögn og hönnunargripi
sem skapa notalegt andrúmsloft. Hver hlutur ber einkenni
klassískrar hönnunar en er einnig fallegur smíðisgripur sem
er þægilegt að nota og sómir sér vel á skrifstofunni.
FLÓTTI Þeir sem höfðu gaman af
spænsku glæpaþáttunum Money Heist á
Netflix ættu að spenna beltin en ný
sería frá sömu höfundum, Álex Pina
og Esther Martínez Lobato, kemur
inn á sömu efnisveitu 19. þessa
mánaðar. Sú kallast Sky Rojo og
fjallar um flótta þriggja vænd-
iskvenna undan dólgi sínum en
hann mun víst vera býsna víðs-
fjarri því að vera sáttur við að
sleppa af þeim hendinni. Æsi-
legur eltingaleikurinn skilar
þeim stöllum víst út á ystu nöf.
Lali Espósito leik-
ur í þáttunum. AFP
BÓKSALA 24. FEB. - 2. MARS.
Listinn er tekinn saman af Eymundsson
1 Spegilmennið Lars Kepler
2 Dulmál Katharinu Jørn Lier Horst
3 Eldarnir Sigríður Hagalín Björnsdóttir
4 Aprílsólarkuldi Elísabet Jökulsdóttir
5
Hulduheimar 10
– vatnaliljutjörn
Rosie Banks
6
Hulduheimar 9
– draumadalurinn
Rosie Banks
7 Sóley og töfrasverðið Eygló Jónsdóttir
8 Augu Rigels Roy Jacobsen
9 Fyrsta málið Angela Marsons
10 Litlir lærdómshestar – stafir Elízabeth Golding
1 Allt uns festing brestur Davíð Þór Jónsson
2 Þagnarbindindi Halla Þórlaug Óskarsdóttir
3 Klón - eftirmyndasaga Ingólfur Eiríksson
4
Handbók um ómerktar
undankomuleiðir
Anton Helgi Jónsson
5 Draumasafnarar Margrét Lóa Jónsdóttir
6 Draumstol Gyrðir Elíasson
7 Taugaboð á háspennulínu Arndís Lóa Magnúsdóttir
8 Öll orðin sem ég fann Tara Tjörvadóttir
9 Íslenskar úrvalsstökur Guðmundur Andri Thorsson valdi
10 Berhöfða líf Emily Dickinson
Allar bækur
Ljóðabækur
Í upphafi þessa pistils þarf ég að
gera eina játningu: Ég kaupi fleiri
bækur en ég næ að lesa. Titlum í
bókahillunni fjölgar jafnt og þétt
og bækurnar
hrannast upp á
náttborðinu. Stað-
reyndin er sú að í
háskólanámi þarf
yndislestur oftar
en ekki að víkja
fyrir námsbókun-
um, og tíminn er
sannarlega takmörkuð auðlind. Á
síðustu mánuðum hefur mér þó
tekist að komast í gegnum nokkr-
ar vel valdar bækur, og hljóta þær
sem hér verða nefndar mín bestu
meðmæli.
Á haustmánuðum las ég bókina
Annáll um líf í annasömum heimi
eftir heimspekinginn Ólaf Pál
Jónsson. Í bókinni er unnið með
þrjú ólík listform – vatnslita-
myndir, ljóð og vangaveltur í
prósa. Kaflarnir eru tólf talsins og
stendur hver þeirra fyrir einn
mánuð ársins. Hér er hversdags-
legum augnablikum og hnatt-
rænum áskorunum fléttað listi-
lega saman með fallegum,
lágstemmdum og áreynslulausum
hætti.
Fyrir jól las ég einnig töluvert
af barnabókum
fyrir námskeið í
skólanum. Mér til
mikillar gleði upp-
götvaði ég hversu
margar góðar
barnabækur hafa
komið út á síðustu
árum, en hér verður látið nægja
að nefna eina þeirra. Lang-elstur í
bekknum er fyrsta bókin í þríleik
Bergrúnar Írisar Sævarsdóttur
um bekkjarsystkinin Rögnvald og
Eyju. Þrátt fyrir 90 ára aldursmun
tekst með þeim djúp vinátta sem
lætur engan ósnortinn, hvorki
börn né fullorðna.
Bækurnar eru
bráðfyndnar og
skemmtilegar, og
líflegar teikningar
höfundarins eru
órjúfanlegur hluti
af lestrinum.
Í jólafríinu las ég síðan loksins
bók sem ég hafði fengið í jólagjöf
árið áður, en það er HKL ástar-
saga eftir Pétur Gunnarsson. Ég
hafði bundið miklar vonir við
bókina og varð sannarlega ekki
fyrir vonbrigðum. Í sögunni eru
tveir meginþræðir – annars vegar
upplifun höfundar sjálfs af Hall-
dóri Laxness, og hins vegar lit-
skrúðug ástarævintýri nóbels-
skáldsins á fyrri
hluta síðustu aldar.
Frásögnin byggist
m.a. á einkabréf-
um Halldórs,
minnisbókum hans
og verkum.
Að lokum má ég
til með að nefna þær tvær bækur
sem liggja efst í náttborðsstafl-
anum þessa stundina. Önnur er
Dauði skógar eftir Jónas Reyni
Gunnarsson og hin
er Klón: Eftir-
myndasaga eftir
Ingólf Eiríksson og
Elínu Eddu. Um er
að ræða brakandi
nýtt og forvitnilegt
ljóðverk um Sam-
son Ólafsson Moussaieff, klón-
hund forsetahjónanna fyrrver-
andi.
KRISTÍN NANNA ER AÐ LESA
Bækurnar hrannast upp
Kristín Nanna
Einarsdóttir er
meistaranemi í
ritlist við Há-
skóla Íslands.
Vændiskonur á æsilegum flótta