Fréttablaðið - 13.08.2021, Blaðsíða 6

arib@frettabladid.is
STJÓRNSÝSLA Ástæða þess að Sorpa
bs. hefur ekki veitt Stundinni við-
tal er vegna eðli spurninganna,
það væri sjálfsagt að veita viðtal
ef það væri á færi eins manns að
svara spurningunum. Fram kemur
í nýjasta tölublaði Stundarinnar að
Sorpa hefði neitað viðtalsbeiðnum
svo mánuðum skipti.
„Almennt séð er stefna okkar hjá
Sorpu að svara öllum spurningum
og vangaveltum frá almenningi og
fjölmiðlum með skýrum og greini-
legum hætti,“ segir Jón Viggó Gunn-
arsson, framkvæmdastjóri Sorpu.
„Í tilfelli Stundarinnar þá gerðum
við það skrif lega, við mátum það
svo þegar við sáum spurningarnar
og vangaveltur Stundarinnar að
best væri að skila svörum skriflega
vegna þess að þetta voru frekar
tæknilegar spurningar sem kröfðust
gagnaöflunar. Það var mikið sagn-
fræðigrúsk í spurningunum sem
kallaði á aðkomu margra sérfræð-
inga og er ekki á færi eins manns að
svara í viðtali.“
Jón segir að Sorpa myndi að sjálf-
sögðu veita Stundinni viðtal ef
spurningarnar væru ekki svo tækni-
legar. Sorpa geri þá kröfu að vita
gróflega hverju blaðamenn eru að
velta fyrir sér. „Stundin hefur unnið
ágæta vinnu við að rifja upp söguna
og ákveðin mál í tilkomu GAJA. Það
er mjög fínt að halda því til haga.“
Jón Trausti Reynisson, ritstjóri
Stundarinnar, segir að fram-
kvæmdastjóri Sorpu eigi að treysta
sér til að svara blaðamanni þótt
hann sé gagnrýninn. „Við höfum
fylgst með Sorpu tefja og hindra
vinnu blaðamanns, forðast að svara
og synja um viðtöl, neita að veita
aðgang að moltu sem er afurð fyrir-
tækisins, og skrifa á sama tíma sínar
eigin fréttir sem henta stjórnendum
fyrirtækisins betur, birta þær á
Facebook og kosta til auglýsinga á
þeim þar,“ segir Jón Trausti.
„Þetta virðist vera nýja aðferðin,
í stað þess að mæta bara í viðtal og
svara öllum spurningum eftir bestu
getu. Á sama tíma og fjölmiðlar
eru undirfjármagnaðir eru ríkið og
sveitarfélög að ráða til sín stöðugt
fleiri upplýsingafulltrúa til að skrifa
fréttirnar sjálf.“ ■
Sorpa mat það best í stöðunni að svara skriflega fyrirspurnum
Nýjasta umfjöllun Stundarinnar snýr
að GAJA, gas- og jarðgerðarstöðinni
á Álfsnesi. FRÉTTABLAÐIÐ/SIGTRYGGUR ARI
María Sjöfn Árnadóttir sakar
veiðifélög í Vopnafirði um
að standa fyrir umhverfis-
spjöllum á Arnarvatni með
ólöglegum viðbyggingum við
stíflu við vatnið.
thorgrimur@frettabladid.is
UMHVERFISMÁL Maríu Sjöfn Árna-
dóttur lögfræðingi brá í brún þegar
hún kom á æskuslóðir sínar við
Arnarvatn í Vopnafirði á þriðju-
daginn og horfði þar á umhverfis-
spjöll sem hún segir hafa orðið af
mannavöldum.
Í færslu á Facebook- síðu sinni
greinir María frá því að síðan hún
kom síðast á staðinn árið 2000 hafi
vatnið fyllst af drullu vegna stíf lu
sem liggur þar niður að Vesturdalsá.
Stíf lan var byggð árið 1970 en
hefur verið hækkuð nokkrum sinn-
um, síðast árið 2020, og segir María
það hafa verið gert án vitundar
Vopnafjarðarhrepps, sem á landið.
Hefur hún fengið það staðfest frá
starfandi byggingarfulltrúa.
„Sem barn sigldi ég þarna um á
gúmmíbát í kílunum, umkringd
fallegum gróðri sem er algjörlega
horfinn, þarna er einungis drullu-
svað í dag,“ skrifaði María í færsl-
unni. „Hver ætlar að taka ábyrgð
á þessu? Síðan hvenær hefur verið
heimilt að steypa stíflu á hálendi án
samþykkis landeiganda?“
Við Fréttablaðið segir María að
stíflan og vatnið hafi verið deiluefni
í rúm þrjátíu ár.
„Það eru ákveðnir hagsmunaað-
ilar þar sem hafa villt um fyrir
hreppsnefndum, sem hafa ekki
verið þarna í mörg ár,“ segir María.
„Þeir hafa fengið hreppsnefndir til
að treysta veiðifélögunum svo þetta
verði ekki skoðað. Nú þegar mynd-
irnar hafa verið birtar eru margir í
sjokki, því allir treystu því að hér
væru engin umhverfisspjöll.“
María segir hagsmunaaðilann
vera Veiðifélag Vesturárdals, sem
hafi lyklavöld til að stýra rennsli um
stífluna þrátt fyrir að leigusamning-
ur þess við hreppinn sé útrunninn.
„Félagið hefur gríðarlega hags-
muni af því að stíf la þetta, því þá
lengist veiðitímabilið í veiðiánum.
En þeir pissuðu pínu í skóinn með
því að hækka alltaf stíf luna því þá
safnaðist drulla fyrir í vatninu. Það
þyrfti að moka þessa drullu upp
því hún hefur ekki átt greiða leið í
gegnum stífluna og hefur því f lætt
yfir hana. Þeir hafa síðan brugðist
við með því að hækka hana til þess
að drullan fari ekki í veiðiána. Svona
hefur þetta haldið áfram þar til
Arnarvatnið varð að því drullusvaði
sem það er núna.“
Hækkanirnar á stíf lunni segir
María ólöglegar þar sem ekki hafi
fengist leyfi Vopnafjarðarhrepps
fyrir þeim. Bjartur Aðalbjörns-
son, nefndarmaður í hreppsnefnd
Vopnaf jarðar, segir skrifstofu
hreppsins hafa staðfest að ekkert
leyfi hafi verið veitt fyrir hækkun
stíflunnar í fyrra.
Að sögn Maríu kann umhirðan
jafnframt að brjóta gegn kvöðum
sem liggja á jarðeigninni. Gunnar
Gunnarsson rithöfundur, sem átti
jörðina á sínum tíma, heimilaði
hreppnum að byggja stíf luna árið
1970 með því skilyrði að hún yrði
ekki hækkuð til þess að túnið í
kringum vatnið yrði ekki kaffært.
María segir að bókun um þetta
skilyrði Gunnars hafi verið sett í
hreppsnefndarbækur en að þær
finnist ekki lengur.
„Ég veit að þær voru þarna fyrir
nokkrum árum, þegar nokkrir fyrr-
verandi starfsmenn sáu bókunina.
Nú virðast þær hafa horfið, sem
öllum þykir mjög einkennilegt,“
segir María.
„Þetta er auðkæranlegt, en það
er ekki minn vilji að fólk missi leyfi
og fái sektir,“ skrifaði María á Face-
book-þræði um umhverfisspjöllin.
„Mér finnst hins vegar nauðsynlegt
að tekin verði ábyrgð á þessum nátt-
úruspjöllum, upphækkunin fjar-
lægð og helst grafin upp drullan úr
vatninu sem hefur eytt öllum gróðri
þarna og landið ræktað upp.“ ■
Arnarvatn í Vopnafirði sagt orðið að
drullusvaði vegna umdeildrar stíflu
Stíflan við Arnarvatn var hækkuð með steypu í fyrra. MYND/AÐSEND
Nú þegar myndirnar
hafa verið birtar eru
margir í sjokki, því allir
treystu því að hér væru
engin umhverfisspjöll.
María Sjöfn
Árnadóttir lög-
fræðingur.
kristinnpall@frettabladid.is
EVRÓPA  Sólarhring eftir að nýtt
hitamet í Evrópu og hitabylgja hófst
á Spáni þar sem hitastigið náði 45
stiga hita var talsmaður spænsku
veðurþjónustunnar, Aemet, ómyrk-
ur í máli og sagði að slíkum hita-
bylgjum myndi fjölga í framtíðinni.
Máli sínu til stuðnings sagði
Rubén del Campo að  hitabylgjur
væru mun algengari á  síðustu tíu
árum en nokkru sinni áður.
„Hegðun mannkynsins veldur
aukningu á hitabylgjum og leiðir til
þess að hitastigið hækkar. Eftir þrjá-
tíu ár verður sumar eins og þetta
talið kalt,“ sagði del Campo í sam-
tali við spænska fjölmiðla.
Það á enn eftir að staðfesta að
hitastigið sem mældist í  borginni
Syracu se á Sikil ey fyrr í vikunni,
48,8 stiga hiti, sé nýtt hitamet.
Al þjóða veður fræði stofnunin
(WMO) þarf að staðfesta slíkt en
fyrra metið náði aftur til ársins 1977
þegar 48 stiga hiti mældist í Aþenu,
höfuðborg Grikklands.
Hitabylgja umhverfis Miðjarðar-
haf hefur leitt til mikilla gróður- og
skógarelda á Ítalíu, Grikklandi og í
Tyrklandi.
Hitabylgjan færist nú vestar í álf-
una og eru stjórnvöld á Spáni og í
Portúgal farin að undirbúa sig undir
það að hitabylgjan gæti haft alvar-
legar afleiðingar með skógareldum.
Forsætisráðherra Portúgals,
António Costa, minntist á það í
ávarpi að myndirnar sem borist
hafa frá skógareldunum í Grikk-
landi minntu hann á skógareldana
í Portúgal árið 2017 þegar 66 létust
á þeim sjö dögum sem eldarnir geis-
uðu í landinu. ■
Óttast að hitabylgja þessa árs verði talin köld eftir þrjátíu ár
Viðbrögð við skógareldum æfð í
Saxlandi. FRÉTTABLAÐIÐ/GETTY
Hitabylgjan færist nú
vestar í Evrópu og búa
stjórnvöld á Spáni og
í Portúgal sig undir
alvarlegar afleiðingar,
meðal annars skógar-
elda.
Trudeau hefur setið í stóli forsætis-
ráðherra í sex ár. FRÉTTABLAÐIÐ/GETTY
kristinnpall@frettabladid.is
KANADA Samkvæmt heimildar-
mönnum Reuters mun Justin Tru-
deau, forsætisráðherra Kanada, á
sunnudaginn boða til þingkosninga
þann 20. september næstkomandi,
tveimur árum áður en næstu þing-
kosningar áttu að fara fram. Sömu
heimildarmenn segja áformin hluta
af leið ríkisstjórnarinnar til að sýna
fram á að ánægja ríki meðal íbúa
Kanada með aðgerðir stjórnvalda
í baráttunni við heimsfaraldurinn.
Samkvæmt nýjustu áætlunum
verður hundrað milljörðum kanad-
ískra dala varið á næstu árum í að
aðstoða einstaklinga og fyrirtæki
við að takast á við efnahagsleg áhrif
faraldursins. Það eru um fjögur pró-
sent af vergri landsframleiðslu. ■
Trudeau íhugar að
boða til kosninga
kristinnpall@frettabladid.is 
TYRKLAND Tyrknesk stjórnvöld
greindu frá því að 17 hið minnsta
hafi látist í skyndif lóði  (e. f lash
f lood) sem gekk yfir landið í gær.
Rúmlega 1.400 manns þurftu að
f lýja heimili sín en f lóðin áttu sér
stað aðeins nokkrum dögum eftir
að skógareldar geisuðu um Tyrkland
og átta létu lífið.
Búið er að finna lík 17 einstakl-
inga, þar af 15 í fylkinu Kastamonu.
Áætlað er að um 330 þorp hafi verið
án rafmagns og að fimm brýr hafi
skemmst í f lóðunum. ■
Sautján látnir eftir
flóð í Tyrklandi
6 Fréttir 13. ágúst 2021 FÖSTUDAGURFRÉTTABLAÐIÐ