Fréttablaðið - 15.07.2021, Síða 36

Í LOFTINU
Sækja frá
SÆKTU NÝJA APPIÐ!
LAUGARDAGA 16:00-18:30
VEISTU HVER ÉG VAR?
Leikstjórinn Richard Donner var
91 árs þegar hann lést 5. júlí. Hann
skilur eftir sig fjölbreytilegt höf-
undarverk þar sem leynast nokkrar
sígildar perlur en þessar hljóta að
teljast þær allra bestu.
1 The Goonies (1985)
Ekki dugir að deila við dómstól
götunnar sem hefur úrskurðað
þessa dáðustu mynd Donners
sem hans bestu. X-kynslóðin
elskar hana og hún snarvirkar
einnig hjá síðari kynslóðum í sam-
runa fjársjóðsleitarævintýris og
unglingaþroskasögu.
2 Superman: The Movie (1978)
Löngu áður en ofur-
hetjumyndir urðu
allsráðandi tókst
Donner að telja
áhorfendum trú
um að maður
gæti flogið. 43
árum síðar er Super-
man enn langbesta bíómyndin
um Ofurmennið. Þökk sé næmni
og hárfínu skopskyni leikstjórans
og heilbrigðum hetjusjarma Chri-
stopher Reeve.
3 The Omen (1976)
Áttundi áratugurinn
var gjöfull þegar
hryllingsmyndir
eru annars vegar
og í þeirri deild
hlýtur frumraun
Donners, The
Omen, að tróna á
toppnum með The Exorcist.
4 Lethal Weapon (1987)
Þessi er hvorki meira né minna en
besta hasarmynd hins sprúðlandi
fjöruga níunda áratugar. Um það
þarf ekki að deila. Donner endur-
skilgreinir þarna löggufélaga-
klisjuna með hjálp Mel Gibson og
Danny Glover í toppformi. n
Bestu myndir
Richards Donner
KVIKMYNDIR
Black Widow
Leikstjórn: Cate Shortland
Aðalhlutverk: Scarlett Johansson,
Florence Pugh, David Harbour,
Rachel Weisz, Ray Winstone
Þórarinn Þórarinsson
Rússneski njósnarinn Natasha
Romanoff, Svarta ekkjan, var kynnt
til sögunnar í Marvel-mynda-
sögunum 1964 og þá sem skæður
andstæðingur ofurhetjunnar Iron
Man, sem aftur opnaði henni leið
inn í kvikmyndaheim Marvel 2010,
þegar Scarlett Johansson sást fyrst í
hlutverki hennar í Iron Man 2.
Natasha er eitursvöl og Scarlett
hefur gert henni ferlega töff skil,
þannig að aðdáendur hennar og
Marvel hafa í raun beðið í um áratug
eftir að hún fái að njóta sín til fulls í
sinni eigin mynd.
Seint koma sumar …
Black Widow er nú loksins komin
en heldur seint. Í tvennum skilningi
þar sem ekki er nóg með að sjálf-
stæðrar myndar um hana hafi lengi
verið beðið, þar sem hún er einnig
fjórtán mánuðum á eftir áætlun og
ef Covid hefði ekki verið að þvælast
fyrir hefði frumsýningin verið í maí
í fyrra.
Tíminn hefur þannig ekki bein-
línis unnið með Black Widow auk
þess sem allir sem hafa séð Aven-
gers: Endgame, vita að framtíð
Natöshu er ekki sérlega björt.
Ekki verður þó af Marvel tekið að
með Black Widow er persónunni
sýndur verðskuldaður sómi og
merkilega vel tekst að skapa per-
sónunni, sem á framtíðina ekki fyrir
sér, býsna áhugaverða og spennandi
fortíð.
Þetta hefði bara mátt vera aðeins
fyrr og markvissara þar sem eftir
ellefu ára bið eftir sinni eigin mynd
stendur Natasha Romanoff uppi í
skugganum af flottari og skemmti-
legri aukapersónum í dálítið ringl-
uðum bræðingi Bond- og Marvel-
myndar. Þannig að þrátt fyrir hasar,
fjör og merkilega miklar tilfinning-
ar, finnst manni eitthvað vanta. Án
þess kannski að átta sig nákvæm-
lega á hvað það er.
Myndin gerist á milli atburða
Captain America: Civil War og
Avengers: Infinity War og hefði
sjálfsagt haft meiri vigt ef hún hefði
komið strax í kjölfar Civil War frá
2016.
Á mörkum Marvel og Bonds
Hér segir frá heilmikilli dramatík
og háska sem á daga Natöshu drífa
á meðan hún er á flótta undan yfir-
völdum, sem hluti af útlagahópi
Hefnendanna. Henni auðnast ekki
að fara lengi huldu höfði í Noregi
þar sem henni berst dularfullur
pakki frá löngu horfinni, ættleiddri
litlu systur sinni.
Ill öf l ásælast greinilega þann
varning og Black Widow er mjög
svo skyndilega komin í æsandi elt-
ingaleik heimshorna á milli, eins og
hún hafi stokkið úr hefðbundinni
Marvel-mynd yfir í James Bond-
myndina Moonraker.
Black Widow byrjar af miklum
krafti með átakanlegum og spenn-
andi f lótta Natöshu og samsettri
sovétnjósnafjölskyldu hennar frá
Bandaríkjunum til Kúbu, þar sem
illmennið Dreykov tekur á móti
þeim. Sótrafturinn sá leysir fjöl-
skylduna upp og finnur Natöshu
og barnungri systur hennar stað í
sturlaðri áætlun sem kennd er við
Rauða herbergið og gengur út á að
heilaþvo stúlkubörn og breyta í
kaldrifjaða atvinnumorðingja.
Síðan tekur við mátulega kjána-
leg saga sem hverfist um innihald
pakkans dularfulla, uppgjör snar-
bæklaðrar fjölskyldu og herskara
heilaþveginna morðkvenda. Þannig
að sterkar vísanir í hina bjánalegu
Bond-mynd Moonraker eru ekki
gripnar úr tómu gufuhvolfinu.
Þegar myndin nær hæsta f lugi
keyrir hún frekar á persónunum
heldur en þreytandi og fyrirsjáan-
legum sprengjuhasar, sem kemur
inn á milli í of stórum skömmtum.
Persónugalleríið er síðan svo öflugt
og skemmtilegt að Natasha og Scar-
lett Johansson þurfa að taka á öllu
sínu til þess að sýna og sanna að
Svarta ekkjan sé f lottust og klárust
í þessu dæmi öllu.
Þarna munar mest um þá frábæru
og sívaxandi leikkonu Florence
Pugh í hlutverki litlu systurinnar
Yelena Belova. Hún er gersamlega
ómótstæðileg og nokkrum núm-
erum of svöl sem færasti barnungi
morðingi í heimi, eins og stoltur
stjúpfaðirinn kýs að orða það.
Áfram stelpur
Yelena er ógeðslega klár, kald-
hæðin, banvæn og kjaftfor og
leggur myndinni til vel rúmlega
helminginn af þeim slagkrafti
sem hún þrátt fyrir allt býr yfir.
David Harbour keyrir síðan upp
húmorinn og innihaldslaust karl-
mennskugrobbið sem Red Guardi-
an, hið heillum horfna andsvar
Sovétríkjanna við Captain Amer-
ica.
Þót t stelpu k ra f t u r inn sem
myndinni er greinilega ætlað að
bera með sér sé full klisjukenndur
til þess að ná almennilegum þunga,
Konur fylkja liði og frelsismerki bera
Svalar eru systur. Scarlett Johansson er grjóthörð eins og vera ber í hlutverki Natöshu Romanoff, en þarf að hafa sig
alla við þar sem Florence Pugh er hreint út sagt æðisleg sem litla systirin Yelena. MYNDIR/MARVEL STUDIOS
David Harbour heldur gríninu
gangandi sem föðurómyndin og
tilvistarkreppti karlinn Alexei, svar
Sovétsins við Captain America.
skila þær virkjanatilraunir sér í
grófustu og of beldisfyllstu Marvel-
myndinni til þessa, þar sem stelp-
urnar hika meðal annars ekki við
að ræða legnám og umráðaréttinn
yfir eigin líkama svo tæpitungu-
laust að sjálfsagt mun einhverjum
20. aldar teprum verða um og ó. n
NIÐURSTAÐA: Þreytandi spreng-
ingar og stöðluð átök taka full
mikið pláss á kostnað skemmti-
legra persóna. Marvel-maskínan
hefur þó ekki enn slegið alvar-
legt feilpúst og Black Widow
stendur fyrir sínu þótt hún sé svo
brokkgeng og lausbeisluð að hún
getur ekki talist með þeim bestu
í þessum rúmlega tuttugu mynda
bálki.
28 Lífið 15. júlí 2021 FIMMTUDAGURFRÉTTABLAÐIÐLÍFIÐ FRÉTTABLAÐIÐ 15. júlí 2021 FIMMTUDAGUR