Morgunblaðið - 13.04.2021, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 13. APRÍL 2021
PON er umboðsaðili
PON Pétur O. Nikulásson ehf.
Melabraut 21, 220 Hafnarfjörður
Sími 580 0110 | pon.is
Við bjóðum alla Jungheinrich eigendur velkomna!
GÆÐI OG ÞJÓNUSTA
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Laxamýri | Það er vorlegt í geitahús-
inu á Rauðá í Þingeyjarsveit þessa
dagana en þar hafa fæðst margir
kiðlingar og á eftir að bætast í hóp-
inn. Kiðlingarnir eru lífleg ungviði
sem hoppa út um allt, gera kúnstir
og eru í meira lagi mannelskir. Á
Rauðá hafa verið geitur svo lengi
sem menn muna og þar hafa bændur
mjög gaman af þessum skemmtilegu
skepnum.
Geiturnar mjólka mjög vel í flest-
um tilfellum en stundum þarf að gefa
aukasopa þegar eitthvað vantar upp
á og upp kom sú staða nú á dögunum
að ein geitin mjólkaði ekki kiðling-
unum. Jóhannes Friðrik Tómasson
kann að bæta úr því og hefur gaman
af að gefa þeim pelann. Það kunna
þeir vel að meta og kalla oft eftir því
að fá ábót þegar tækifæri gefast.
Rauðá var til margra ára við-
komustaður skólabarna í sveita-
heimsóknum á vorin en á tímum far-
sóttar liggja þær heimsóknir niðri.
Margir, sem í þeim ferðum voru,
muna enn eftir skemmtilegum uppá-
tækjum kiðlinganna.
Kiðlingar
kætast við
aukasopa
Morgunblaðið/Atli Vigfússon
Gunnlaugur Snær Ólafsson
gso@mbl.is
Frumvarpsdrög Sigurðar Inga Jó-
hannssonar, samgöngu- og sveitar-
stjórnarráðherra, um lög um ís-
lenska alþjóðlega
skipaskrá, hafa
mætt mikilli and-
stöðu verkalýðs-
félaga, en frum-
varpið gerir
meðal annars ráð
fyrir að launakjör
skipverja um
borð íslenskum
kaupskipum mið-
ist við kjör í því
landi þar sem um-
ræddur skipverji hefur lögheimili.
Er tilgangur frumvarpsins að hvetja
skipafélög til að sigla kaupskipum
sínum undir íslenskum fána.
Fyrirvarar eru þó til staðar í
frumvarpinu um launakjör, en þeir
eru innihaldslausir að sögn Magnús-
ar M. Norðdahls, sviðsstjóra kjara-
samninga hjá ASÍ. Verði frumvarpið
samþykkt óttast verkalýðshreyfing-
in að skip sem skráð eru hér á landi
geti undir íslenskum fána leitað á
þau svæði þar sem laun eru hvað
lægst til að manna skip sín og að Ís-
land heimili með þessu formlega fé-
lagsleg undirboð.
Ráðuneyti sagt rangtúlka
„Kjör og önnur réttindi skipverja í
áhöfn kaupskips skulu þó aldrei vera
lakari en þau kjör og réttindi sem
mælt er fyrir um í samþykkt Al-
þjóðavinnumálastofnunarinnar
(ILO) um vinnuskilyrði farmanna
frá árinu 2006 (Maritime Labour
Convention (MLC) 2006) eins og þau
eru á hverjum tíma og þau lág-
markskjör sem Alþjóðaflutninga-
verkamannasambandið (ITF) miðar
við á hverjum tíma,“ segir í 12. grein
frumvarpsins.
„Það sem við gagnrýnum er það að
það er engin regla hjá Alþjóðavinnu-
málastofnuninni (ILO), sem segir að
það séu til einhver alþjóðleg viðmið
sem segja til um hver lágmarkslaun
séu í fraktflutningum í heiminum.
Það er bara rangt eins og gefið er í
skyn,“ segir Magnús.
„Hins vegar eru í viðmiðunar-
reglum, sem fylgja þessari [alþjóð-
legu] samþykkt, ákveðin viðmið sem
sett eru fram í þeim tilvikum sem
viðeigandi ríki hafa ekki haft döngun
í sér til þess að vera með einhvern
mekanisma til að ákveða lágmarks-
laun. Þá ertu að tala um ríki sem
bjóða upp á hentisemisfána (e. flag of
convenience) sem eru mörg hver á
svipuðu reiki og Panama og Belís.
[…] Að leggja þetta upp sem einhver
lágmarkskjör farmanna er þvætt-
ingur,“ útskýrir Magnús og segir
ASÍ stefna að því að skýra málið enn
frekar í greinargerð sem send verð-
ur Alþingi.
Félagsleg undirboð
„Við höfum gert athugasemdir við
þetta, bæði formlega og óformlega.
Við getum ekki sætt okkur við það að
það séu bara í gildi kjarasamningar í
þeim löndum sem þeim [skipafélög-
um] þóknast,“ sagði Drífa Snædal,
forseti ASÍ, í samtali við 200 mílur á
mbl.is í gær.
„Við vitum að félagsleg undirboð
eiga sér stað í þessum geira,“ segir
hún og bætir við að samþykkt frum-
varpsins séu skilaboð um að á Íslandi
séu félagsleg undirboð liðin. Heimilt
verði að taka aðeins áhafnir frá þeim
ríkjum þar sem laun eru lægst. „Það
er engin vörn fyrir launafólk.“
Segja launakjör ekki varin í fyrirvara
Kaupskip Deilt er um launaviðmiðun í fraktskipum skráðum á Íslandi.
- ASÍ gerir athugasemdir við frumvarp samgöngu- og sveitarstjórnarráðherra um skipaskráningar
- Sagt heimila félagsleg undirboð á Íslandi - Markmiðið að fleiri kaupskip sigli undir íslensku flaggi
Magnús M.
Norðdahl
Andrés Magnússon
andres@mbl.is
Hólmfríður Árnadóttir, skólastjóri í
Sandgerði, varð hlutskörpust í for-
vali Vinstri hreyfingarinnar – græns
framboðs í Suðurkjördæmi, en
Heiða Guðný Ásgeirsdóttir, bóndi og
sveitarstjórnarmaður í Skaftár-
tungu, var kjörin í 2. sæti listans. Í 3.
sæti kom svo Sigrún Birna Steinars-
dóttir, háskólanemi og formaður
Ungra Vinstri grænna.
Kolbeinn Óttarsson Proppé, þing-
maður flokksins í Reykjavík suður,
sem ákvað að færa sig um set yfir í
Suðurkjördæmi og sækjast eftir
efsta sæti fyrir þessar kosningar,
hafði hins vegar ekki árangur sem
erfiði og lenti í 4. sæti.
Róbert Marshall, fyrrverandi
þingmaður Samfylkingarinnar og
Bjartrar framtíðar, sem nú gegnir
starfi upplýsingafulltrúa ríkisstjórn-
arinnar, hlaut þó enn lakari útkomu.
Hann sóttist einnig eftir efsta sæti,
en náði ekki inn í efstu sex sæti.
Átta voru í kjöri í þessu rafræna
forvali, sem fram fór 10.-12. apríl. Á
kjörskrá var 671 flokksmaður vinstri
grænna í kjördæminu, en atkvæði
greiddu 456 og kosningaþáttaka því
68%.
Hólmfríður fékk 165 atkvæði í 1.
sæti, Heiða 188 í 1.-2. sæti, Sigrún
Birna 210 í 1.-3. sæti, Kolbeinn 176 í
1.-4. sæti og Helga Tryggvadóttir,
náms- og starfsráðgjafi, 264 atkvæði
í 1.-5. sæti. Almar Sigurðsson ferða-
þjónustubóndi hlaut 6. sæti.
Hólmfríður Árnadóttir efst
en Kolbeinn Proppé felldur
- Forval Vg í Suðurkjördæmi - Þrjár konur efstar á lista
Ljósmynd/Aðsend
Efst Hólmfríður Árnadóttir skóla-
stjóri í Sandgerði fékk 1. sætið.