Morgunblaðið - Sunnudagur - 04.04.2021, Síða 4

FRÉTTIR VIKUNNAR
4 MORGUNBLAÐIÐ SUNNUDAGUR 4.4. 2021
U
ndir lok liðinnar viku var
boðað til blaðamanna-
fundar lögreglu, þar sem
fram kom að í Rauðagerðismálinu
lægi fyrir játning albansks karl-
manns, Armando Bequiri, sem
studd væri öðrum gögnum málsins.
Um tildrögin og hvatirnar að baki
verknaðinum væri þó enn allt á
huldu. Á sunnudag kom svo fram að
töluvert fyrir morðið hefði borist
framsalskrafa albanskra stjórn-
valda á hendur manninum, en við
henni hefði af óútskýrðum ástæðum
ekki verið brugðist.
Hægri hönd Róberts Wessmans,
forstjóra Alvogen, til fjölda ára
steig fram sem uppljóstrari um
framkomu Róberts, sem hann telur
ekki samræmast störfum hans sem
forstjóra alþjóðlegra stórfyr-
irtækja. Rannsókn félagsins á um-
kvörtunum hans lyktaði hins vegar
með því að ekki væri fótur fyrir
þeim, en þar að auki hefði Róbert
beðist afsökunar á hinu ámæl-
isverðasta.
Birgir Bieltvedt keypti Domino‘s í
sautjánda sinn eða eitthvað. Óhætt
virðist að fullyrða að sá góði herra
fái sig seint fullsaddan af pizzum.
Eldgosið í Geldingadölum hélt
áfram að malla og áfram lögðu þús-
undir Íslendinga leið sína þangað,
sér í lagi eftir að veður batnaði. Rík-
isstjórnin veitti 10 milljónum króna
til Grindavíkurbæjar til þess að
bæta aðstæður, en þar á að leggja
grunn að sjálfbæru svæði, hvað sem
það nú þýðir.
Á sama tíma og þúsundur þyrptust
að gosinu klóruðu menn sér í höfð-
inu víða annars staðar á landinu,
þar sem alls kyns sambærileg eða
áhættuminni útivist á borð við
skíðaiðkun hafði verið bönnuð af
sóttvarnaástæðum.
Mikill fjöldi afbókaði dvöl í orlofs-
húsum um páskana, án vafa vegna
hertra sóttvarna. Á hinn bóginn
mátti víða greina glaum í heima-
húsum í dymbilvikunni.
Bið eftir liðskiptaaðgerðum leng-
ist á ný hér á landi samkvæmt
skýrslu Svandísar Svavarsdóttur
heilbrigðisráðherra, sem þó skilur
ekkert í því hvernig á því gæti stað-
ið. Á meðan má ekki semja við
einkarekna heilbrigðisþjónustu um
það.
. . .
Tíu smit greindust um liðna helgi,
þar af þrjú utan sóttkvíar, en ekki
reyndist unnt að tengja þau við önn-
ur smit. Hlé var gert á bólusetn-
ingum fram yfir páska, þar sem
bóluefni var á þrotum. Ekki bætu úr
skák fréttir um að milljónir
skammta Johnson & Johnson hefðu
eyðilagst fyrir mistök, sem vel kann
að hafa áhrif á afhendingu hingað.
Áhrif stórhertra samkomutakmark-
ana komu víðar fram. Þannig tók
netverslun við sér nánast um leið
og þær voru kynntar og fólk tók að
panta sér mat og aðra vöru heim.
Samherji krafðist þess af Rík-
isútvarpinu að siðanefndarúr-
skurður um alvarleg brot frétta-
mannsins Helga Seljan með digrum
yfirlýsingum í félagsmiðlum hefðu
einhver áhrif. Því var hafnað og
áréttað að brotin myndu engin áhrif
hafa á störf hans.
Þvert á móti birti Rakel Þorbergs-
dóttir fréttastjóri yfirlýsingu um að
Samherji hefði beitt Helga ofbeldi
með því að áfellast hann fyrir störf
hans á opinberum vettvangi.
Áslaug Magnúsdóttir athafnakona
í Vesturheimi festi kaup á Svefn-
eyjum í Breiðafirði af erfingjum
Dagbjarts Einarssonar og Birnu
Óladóttur, útgerðarhjóna í Grinda-
vík. Þar ætla hún og unnusti hinnar
að eiga sumarheimili og nýta þör-
unga í föt.
Af gosslóðum var það helst að frétta
að bílastæði voru merkt fyrir aðvíf-
andi manngrúann og rútuferðir
skipulagðar úr bænum. Þá gefa
rannsóknir til kynna að gosefni það-
an trufli ekki flug yfir Suðvest-
urlandi.
Fjórir hafa gefið kost á sér til þess
að gegna embætti umboðsmanns
Alþingis, þau Áslaug Björgvins-
dóttir lögmaður, Ástráður Har-
aldsson héraðsdómari, Kjartan
Björgvinsson, héraðsdómari og
settur umboðsmaður, og Skúli
Magnússon, héraðsdómari og dóm-
stjóri.
Þriðja þyrla Landhelgisgæslunnar
er nú á leið til landsins, en þær eru
allar af gerðinni Airbus Super
Puma H225.
Skipulagsfulltrúi Reykjavíkur segir
að til standi að gera Hafnartorg
meira aðlaðandi og bæta ásýnd
þess. Samkvæmt birtum af-
stöðumyndum stendur til að koma
þar fyrir tveimur gróðurpottum.
. . .
Um 15 skipulagðir glæpahópar, ís-
lenskir sem erlendir, starfa í land-
inu að sögn Karls Steinars Vals-
sonar, yfirlögregluþjóns á
alþjóðasviði ríkislögreglustjóra.
Hann segir ofbeldi aukast og verða
harðara, þótt samvinna glæpahópa
sé meiri hér á landi en víðast. Sömu-
leiðis gladdi marga að vita til þess
að þar þrífst fjölmenning öfugt við
það sem oftast þekkist með glæpa-
hópum erlendis.
Ásókn borgarbúa í athvarf utan
pestarbælisins virðist hafa aukist
eftir því sem líkur minnka á að
heimsfaraldurinn réni eða bólusetn-
ing nái máli. Af þeim ástæðum
stendur til að byggja 75 ný einbýli í
landi Húsafells í Borgarfirði.
. . .
Hertar sóttvarnaaðgerðir tóku
gildi á skírdag, en í þeim fólst meðal
annars skylda til að komufarþegar
frá áhættusvæðum faraldursins
þyrftu að fara í sóttvarnahús, en
Fosshótel í Þórunnarhúsi verður
notað til þess arna. Farþegarnir
þurfa að borga fyrir þann munað.
Lögregla þurfti að loka aðgangi að
gosstöðvunum í Geldingadölum
um hríð vegna ásóknar, en lands-
menn virðast hafa fundið fátt annað
við að vera í fásinni og faraldri.
Þau ömurlegu tíðindi voru kunn-
gerð að líkneski af Kanye West
myndi ekki rísa í Vesturbæ Reykja-
víkur, þrátt fyrir að það hefði verið
langvinsælasta hugmyndin meðal
íbúa í kosningu. Íbúalýðræðið í
Reykjavík er greinilega aðeins virkt
þegar íbúarnir fara að vilja borg-
arstjóra.
Kaupfélag Skagfirðinga gaf sveitar-
félaginu Skagaströnd þrjár fast-
eignir þar í bænum, um 4.000 m²
alls, sem áður voru í eigu FISK Sea-
food, dótturfélags KS. Húsunum
verða fundin hlutverk í þágu íbúa á
Skagaströnd.
Risastór landfylling er fyrirhuguð í
Elliðaárvogi undir stækkun
Bryggjuhverfis.
Stjórnmálaflokkurinn Viðreisn
lagði til að Íslendingar tækju aftur
upp aðildarviðræður við Evrópu-
sambandið og valdi til þess sama
dag og ESB bannaði Cocoa Puffs,
morgunkornið vinsæla. Ekki liggja
fyrir ástæður þessa frumkvæðis, en
mögulega þykja flokknum bólusetn-
ingar ganga of vel.
. . .
Fyrirskipanir um að fólk yrði skikk-
að í sóttvarnahús og látið borga
fyrir mættu andstöðu, ekki síst þar
sem efast var um að þær stæðust
lög og stjórnarskrá. Ekki bætti úr
skák að aðbúnaðurinn þar þótti ekki
upp á marga fiska. Lögmaður
bauðst til þess að taka að sér mála-
ferli vegna dvalar í „þvingaðri
sóttkví í gúlagi stjórnvalda“. Þar
voru 122 samviskufangar með tóm-
an míníbar.
Á meðan þessu stóð greindust þrír
innanlands, allir í sóttkví.
Þingmennirnir Óli Björn Kárason
og Brynjar Níelsson hafa lagt fram
frumvarp á Alþingi um að Rík-
isútvarpið fari af auglýsingamark-
aði.
Fangi lést á Litla-Hrauni. Ekkert
benti til þess að það hefði gerst með
saknæmum hætti.
Páskafasta
og sóttvarnir
Útihátíðin í Geldingadölum hélt áfram að mestu leyti óáreitt af lögreglu og sóttvarnayfirvöldum.
Morgunblaðið/Ásdís
28.3.-2.4.
Andrés Magnússon
andres@mbl.is
Femarelle fæst í apótekum, heilsubúðum og heilsuhillum verslana.
“Ég byrjaði að nota Femarelle vegna þ
skerti svefninn. Ég vildi finna náttúrule
fann fljótt mun ámér , svitakófin hurfu
taka femarelle eftir breytingaskeiðið o
gera það áfram. Ég mæli með Femare y
Stefanía Emma Ragnarsdóttir
Unstoppable
lle f rir allar konur.
Femarelle Unstoppable er hannað fyrir
konur sem eru komnar yfir breytingaskeiðið
og vilja viðhalda kraftmiklum lífsstíl og
vernda beinin þegar árin færast yfir.
Innihald í Femarelle Unstoppable:
• DT56a (efnasamband unnið úr sojabaunum)
• B2-vítamín
• Bíótín (B7-vítamín)
• D3-vítamín
• Kalk
Elskaðu. Lifðu. Njóttu.