Morgunblaðið - Sunnudagur - 09.05.2021, Qupperneq 10

VIÐTAL
10 MORGUNBLAÐIÐ SUNNUDAGUR 9.5. 2021
Ég held að langflestir séu á einu máli um
að við viljum gera vel við þá sem þurfa á al-
þjóðlegri vernd að halda og svara fólki fyrr,
bæði jákvæð svör og neikvæð, nýta fjár-
munina betur og gera vel við þá sem þurfa í
raun á alþjóðlegri vernd halda.
En við verðum líka að gæta þess að kerf-
ið sé ekki misnotað, það er hætta á því ef
kerfið er ólíkt því sem gerist í kringum
okkur.“
Við sjáum á tölfræði, bæði hér og annars
staðar, að það eru nokkur brögð að því.
Koma harðari aðgerðir til greina?
„Við erum háð ýmsum alþjóðlegum skuld-
bindingum, en vinnulagið er orðið miklu
betra og öll afgreiðsla er mun skjótari. Að
sumu leyti erum við háð Schengen-
samstarfinu, en við höfum metið það sem
svo að ávinningurinn af því svari vel kostn-
aði.
Vantar fleira fólk til Íslands
Við eigum þó ekki aðeins að tala um útlend-
ingamálin út frá alþjóðlegri vernd. Við eig-
um að ræða um þau á samfélagslegum og
atvinnulegum forsendum, sjá tækifærin í
því að fá hingað erlent fólk sem vill koma
hingað til þess að vinna og lifa með okkur í
þessu þjóðfélagi, auðga sig og okkur öll.
Þar eru mikil tækifæri, en það eru mjög fá-
ir til í að ræða að fjölga atvinnuleyfum er-
lendra borgara sem koma frá löndum utan
EES.
Við þurfum fleira fólk á Íslandi, við þurf-
um fleiri vinnandi hendur til þess að skapa
verðmæti og standa undir samneyslunni.
Þar finnst mér að við ættum ekki að gera
svo mikinn mun á fólki frá Evrópu og utan
hennar. Við tökum á móti sérfræðingum ut-
an úr heimi, en líka alls konar fólki, sem
hingað kemur í leit að betra lífi, en fer inn í
alþjóðlega verndarkerfið af því að það virð-
ist eina færa leiðin. Þetta þurfum við að
laga.“
En svo sinnir þú auðvitað hversdagslegri
verkefnum í ráðuneytinu?
„Jú, þar eru ótal verkefni, sem mörg hver
snerta almenning meira, þótt það séu ekki
eins heitar tilfinningar um þau. Ég nefni
t.d. stafrænu byltinguna, sem flestir sjá í
stafrænu ökuskírteini, en það er bara for-
smekkurinn að því sem koma skal hjá hinu
opinbera, sem mun bæta og létta þjón-
ustuna, fyrir utan hitt að þar má fara miklu
betur með fjármuni almennings. Ég nefni
þjónustu hjá sýslumönnum, sem mörgum
finnst þunglamaleg og stíf gagnvart bæði
fólki og fyrirtækjum, hvort sem er við þing-
lýsingar eða fjölskyldumál, svo ég nefni tvö
dæmi.“
Kerfið fyrir fólkið, ekki öfugt
Skatturinn breytti sér á nokkrum árum úr
skrímsli í þjónustustofnun. Er þess kostur
víðar?
„Já. Alls staðar í kerfinu. Og við eigum
að gera það. Verðum að gera það. Kerfið á
að vera fyrir fólkið, ekki fólkið fyrir kerfið.
Þetta getur allt orðið betra, einfaldara og
skjótvirkara.“
Þú ert í yngri hluta þingheims, kannski
fulltrúi þeirrar kynslóðar sem komst til
manns með snjallsíma í hendi. Hefur þú
aðrar væntingar til hins opinbera fyrir vik-
ið?
„Já, tvímælalaust. Kosturinn við það að
koma svo ungur inn í ráðuneyti er að manni
finnst margar svona breytingar sjálfsagðar
og algerlega tímabærar. Ríkið á ekki að
vera eftirbátur annarra í því og við sjáum
hvernig atvinnulíf og þjónusta hefur tekið
stórstígum breytingum með nýrri tækni og
almenningur hefur ekki bara tekið því opn-
um örmum heldur vill meira. Markmiðið
hlýtur að vera að öll samskipti fólks við rík-
ið geti verið stafræn og helst í rauntíma
fyrir þá sem það kjósa.“
En hvað með kerfið, tekur það svona nýj-
ungagirni vel?
„Það er mjög misjafnt, en enn og aftur
megum við ekki missa sjónar á því að kerfið
á að vera fyrir fólkið, ekki öfugt. Yfirleitt
þekkir fólk það á eigin skinni hvað ávinn-
ingurinn getur verið mikill, en jú, stundum
geta viðbrögðin verið dræm ef ekki þung-
lamaleg. Við stjórnmálamennirnir verðum
samt að ýta þessu áfram, vera opnir fyrir
nútímalegum lausnum og skynsamlegum
hugmyndum, sem oft koma fram hjá ein-
staklingum úti í samfélaginu, ekki kerfinu
sjálfu.“
Er eitthvað sem þú sérð eftir að hafa
ekki náð að þoka í gegn eða ekki unnist
tími til?
„Jú, það má örugglega nefna dæmi um
það, aðallega þá mál sem tvísýnt er að kom-
ist í gegnum þingið héðan af. Almennt held
ég að ég geti verið ánægð með árangurinn,
þótt ég sé nú svolítið þannig gerð að ég
hefði alltaf viljað gera meira og ná fleiru
fram.“
Gaman að vinna
Ertu vinnusöm?
„Já, mér finnst gaman að vinna. Mér líð-
ur ekki eins og ég sé í vinnunni þegar ég er
að vinna, af því að mér finnst þetta gaman.
Maður þarf auðvitað að finna jafnvægi milli
vinnu og annars í lífinu og mér gengur
sæmilega við það, en ég vil að hlutir gerist
hratt og ég er kappsöm við að klára hluti.“
Og hugsjónamanneskja?
„Já, ég fór í pólitík vegna þess að ég hef
ákveðnar hugsjónir og ég held í þær. Ég tel
líka að ég hafi verið kjörin á þing vegna
þeirra.“
Þú kemur bráðung inn í stjórnmálin, vek-
ur fyrst athygli sem tvítugur formaður
Heimdallar með öflugri stjórnarandstöðu
við vinstristjórnina. Það er þó sennilega á
landsfundi flokksins 2015 sem þú stimplar
þig inn í pólitíkina svo eftir er tekið, þegar
þú bauðst þig fyrirvaralaust í embætti rit-
ara flokksins og fékkst mikinn stuðning til
þess.
„Já, við unga fólkið komum mjög sterk
inn á þennan landsfund, höfðum undirbúið
okkur vel fyrir málefnastarfið og náðum
miklum árangri í því. Ég held líka að við
höfum átt þar mjög gott og málefnalegt
samtal við eldra fólkið um eðli og verkefni
Sjálfstæðisflokksins, sem ég bý enn að.
Það var mikið talað um unga fólkið á
þessum fundi og þess vegna bauð ég mig
fram, til þess að athuga hvort þar fylgdi
hugur máli. Kannski svolítið pönk hjá mér
fyrst, en mér var tekið margfalt betur en
ég eiginlega þorði að vona.
Sjálfstæðisflokkurinn hlustar á og
treystir ungu fólki
Þar sýndi Sjálfstæðisflokkurinn að hann
hlustar á raddir nýrrar kynslóðar. Hann
veit að hann þarf að hreyfa sig í takt við
tímann og sitja ekki eftir. Ef Sjálfstæð-
isflokkurinn ætlar áfram að vera leiðandi í
íslensku samfélagi má hann ekki týna þess-
um eiginleikum, vera óhræddur við framtíð-
ina og treysta unga fólkinu fyrir framtíð-
inni. Það hefur hann alltaf gert og ég þekki
af eigin raun að þannig er það enn.“
Ertu ástríðustjórnmálamaður?
„Já, tvímælalaust. Ég gekk í Sjálfstæð-
isflokkinn út af stefnu hans um frelsi ein-
staklingsins. Sú stefna flokksins er skýr og
hrein og hún talaði til min. Þegar ég hætti
sem formaður Heimdallar ætlaði ég fyrst að
draga mig út úr stjórnmálum, en fann bara
að ástríðan var þar og ég gat ekki hætt.“
Þér finnst þetta greinilega gaman.
„Já, mér finnst það. Mjög gaman alveg.
En líka mikil og gefandi lífsreynsla. Nú eða
sú áskorun að vera við ríkisstjórnarborðið í
heimsfaraldri. Það mótar mann mikið, en
um leið finn ég hvernig stefna okkar, lær-
dómar af sögunni og samstarfið hvert við
annað leiðir okkur áfram. Í því samstarfi
hef ég fundið hvað það skiptir miklu máli að
hafa Sjálfstæðisflokkinn við borðið. Flokk-
inn sem heldur á lofti mikilvægi réttinda
einstaklinga og þess að ríkisvaldið gangi
ekki lengra en nauðsynlegt er, flokkinn sem
hefur alltaf í huga hvar verðmætin verða til
sem við treystum á til að geta viðhaldið og
bætt þau lífskjör sem við njótum hér á
landi.
Það er vegna þeirrar reynslu minnar og
þeirrar stefnu, sem ég er sannfærð um
sóknarfæri Sjálfstæðisflokksins. Hann hefur
stærð, styrk og stefnu sem enginn annar
flokkur hefur og getur sameinað fólk vítt og
breitt í þjóðfélaginu. Sjálfstæðisflokkurinn
rúmar margs konar skoðanir og hefur sýnt
að flokksmenn geta tekist á um álitaefni en
fundið sameiginlegan streng í sjálfstæð-
isstefnunni.
Sjálfstæðisflokkurinn þarf að tala skýrt
og vera öflugri við að kynna gildi sín, hvað
hann hefur gert og hvert hann ætlar sér.
Það er eitt af mikilvægustu verkefnum okk-
ar.“
En hann gerir það nú ekki einn?
„Nei, en það skiptir máli að Sjálfstæð-
isflokkurinn leiði uppbyggingu næstu ára,
það er hann sem mun tryggja skilyrði til að
byggja upp efnahaginn, sem er undirstaða
velsældar og velferðar. Það er hann sem
mun treysta stoðir atvinnulífsins og verð-
mætasköpunar og auka þannig hagsæld í
landinu. Það gerir hann ekki með upphróp-
unum og yfirboðum, heldur ábyrgð og festu,
skynsamlegri blöndu varfærni og áræðis,
sem miðar að því að allir fái tækifæri til
þess að njóta sín í þessu landi tækifæranna,
en gæti þess um leið að enginn sé skilinn
eftir.
Ég hef metnað fyrir flokknum af því að
ég veit að hann er best til þess fallinn að
leiða breytingar og framfarir á Íslandi.“
Vill leiða listann til sigurs
Þú greindir frá því á fimmtudag að þú leit-
aðir eftir kjöri í 1. sætið í prófkjöri ykkar
sjálfstæðismanna í Reykjavík fyrir alþing-
iskosningarnar í vor. Þú vilt greinilega vera
í forystu flokksins?
„Já, það eru komin fimm ár síðan það var
síðast prófkjör hjá Sjálfstæðisflokknum í
Reykjavík og þá var Ólöf heitin Nordal val-
in til forystu. Síðan hefur mikið gerst og
mér finnst eðlilegt næsta skref að sækjast
eftir því að leiða Sjálfstæðisflokkinn í
Reykjavík í komandi kosningum. Ég vil að
við grípum þau tækifæri sem nú blasa við í
þjóðlífinu, ég vil að Sjálfstæðisflokkurinn í
Reykjavík fái fleira fólk til fylgis við sig,
auki fylgi sitt og verði ótvíræður sigurveg-
ari kosninganna.Til þess þurfum við að end-
urnýja erindi okkar og svara ákalli nýrrar
kynslóðar um sterka forystu..“
En prófkjörið er bara rétt handan við
hornið og ekki margir búnir að gefa sig
fram, áttu von á mikilli endurnýjun?
„Ég vonast til þess að fólk treysti mér til
þess að leiða Sjálfstæðisflokkinn í höf-
uðborginni til sigurs. Í því felst endurnýjun.
Ólöf Nordal sigraði í prófkjörinu 2016 og nú
er tækifæri til þess að stilla upp á lista að
nýju. Ég vona að fleiri gefi kost á sér, ég
kom ný inn í síðasta prófkjöri og fékk þar
gott brautargengi. Það er alltaf tækifæri
þegar Sjálfstæðisflokkurinn heldur þessi
stóru opnu prófkjör, persónukjör til þess að
velja á framboðslista, opið og lýðræðislegt
ferli.
Við leggjum það óhrædd í dóm kjósenda
hvernig raðast á lista. Það á enginn neitt í
pólitík nema það sem kjósendur gefa. Ég vil
vinna fyrir sjálfstæðismenn í Reykjavík og
Reykvíkinga alla. Ég vil leiða listann til sig-
urs fyrir okkur öll.“
Áslaug Arna
Sigurbjörnsdóttir
dómsmálaráðherra á
blaðamannafundi um
sóttvarnir.
Morgunblaðið/Kristinn Magnússon
’
Við leggjum það óhrædd í
dóm kjósenda hvernig raðast
á lista. Það á enginn neitt í póli-
tík nema það sem kjósendur gefa.