Morgunblaðið - Sunnudagur - 09.05.2021, Qupperneq 20

F
yrir utan gamla Orkuhúsið á
Suðurlandsbraut bíður grímu-
klætt fólk í röð eftir að komast í
sýnatöku. Blaðamaður slæst í för, ekki
þó í þeim tilgangi að láta prófa sig fyr-
ir veirunni, heldur til að hitta Berg-
lindi Guðmundsdóttur, sem er bæði
hjúkrunarfræðingur og matarblogg-
ari. Hún heldur úti síðunni Gulur
rauður grænn og salt en þar má finna
girnilegar uppskriftir af ýmsu tagi.
„Aðalvinnan mín er að sjá um vef-
inn, en ég stökk á þessa vinnu við
sýnatöku. Það er gott að komast út
úr húsi og hitta fólk líka,“ segir
Berglind sem vinnur oft mikið heima
við matarvefinn sinn.
Berglind er afar sátt við nýja þátt-
inn sinn, Aldrei ein. Hún segir blaða-
manni frá þessu mikla ævintýri sem
hún rataði í mitt í kórónuveirufaraldri.
Kolféll fyrir Sikiley
Berglind hefur bætt við einum
starfstitli í safnið; hún er orðin sjón-
varpskona á faraldsfæti, en í fyrra-
haust hélt hún í ævintýralega ferð til
Sikileyjar ásamt tökuliði. Afrakstur-
inn er fjögurra þátta sería sem nú er
sýnd í Sjónvarpi Símans. Hugmynd-
in að þáttunum kviknaði í kjölfar
ferðar sem Berglind fór í árið 2019,
en eins og frægt er orðið giftist hún
sjálfri sér í þeirri ferð. Hún kolféll
fyrir eyjunni.
„Ég upplifði þar svo mikla töfra og
hitti svo yndislegt fólk. Þá datt mér í
hug að það gæti verið gaman að gera
þætti um Sikiley þar sem fólk fengi að
kynnast þessum töfrum,“ segir Berg-
lind og segist hafa haft samband við
HD-Productions og fengið fyrirtækið
til liðs við sig. Sjónvarpi Símans leist
vel á hugmyndina og var þá lagt af
stað í október 2020.
„Við höfðum frestað ferðinni
nokkrum sinnum út af svolitlu,“ seg-
ir hún og hlær.
„En Sikiley hefur verið í góðum
málum og var á þessum tíma í frá-
bærum málum þannig að við drifum
okkur af stað. Við tókum áhættuna
og allt gekk eins og í sögu,“ segir
hún en ferðin var alls tvær vikur og
hver mínúta var skipulögð.
Fiskur tvisvar á dag
Hvernig þáttur er Aldrei ein?
„Þetta er eiginlega bæði ferða- og
matarþáttur, en ég gef samt engar
uppskriftir. Það má segja að þetta
séu þættir um Sikiley með matar- og
vínívafi. Við hittum margt fólk og
þar var alls staðar matur á borðum,“
segir hún og segist hafa bankað upp
á hjá fjölmörgum sem hún hafði
kynnst í fyrstu ferðinni.
„Allir tóku vel á móti okkur, enda
er Sikiley í basli. Þetta er ekki rík
eyja og þeir lifa mikið til á ferða-
mönnum,“ segir Berglind, en þætt-
irnir eru að sjálfsögðu góð land-
kynning fyrir eyjuna.
Hvað er Sikiley þekkt fyrir í mat-
argerð?
„Fisk og pasta. Þeir borða fisk
tvisvar á dag og finnst það eðlilegt, á
meðan maður er að pína í sig mánu-
dagsýsuna,“ segir hún og hlær.
„Ég spurði nokkra hvort þá lang-
aði alltaf í fisk og svarið var: „Lang-
ar mig í fisk? Þetta er ferskt úr haf-
inu!““ segir Berglind og segir
Sikileyinga koma fiski í allan mat.
„Ég fékk svo góðan mat á Sikiley.
Ítalía og matur!“ segir Berglind
dreymin á svip.
Heimsóknir tengdar mat
Hvað var það besta sem þú smakk-
aðir?
„Cannoli, sem er klassískur sikil-
eyskur eftirréttur. Það er skel fyllt
með rjóma og ricotta. Ótrúlega
gott,“ segir Berglind og segist meðal
annars hafa heimsótt kokk í ferðinni,
sem hún fékk að elda með.
„Ég hitti hann Angelo sem rekur
veitingastað sem er inni í helli og
við elduðum saman eftirrétt. Svo
hitti ég hann Salvatore sem er
ólífuræktandi og einnig dásamlegu
hjónin, þau Anarelle og Fabio, sem
tóku að sér að endurbyggja jörð
sem var komin í órækt. Þar má nú
finna sítrónu- og appelsínutré,
kryddjurtir, ólífur og margt fleira.
Við fórum saman í „bakgarðinn“
þeirra og fundum til hráefni sem
var síðan notað til að gera dásam-
legan pastarétt með möndlupestó.
Við gerð þáttanna fórum líka inn í
Palermo sem er höfuðborg Sikil-
eyjar og fengum þar leiðsögn um
þessa skemmtilega hráu og líflegu
fyrrum mafíósaborg. Þarna eru
dásamlegir matarmarkaðir þar
sem allt er eins ferskt og hugsast
getur. Á Sikiley eru jafnframt forn-
minjar sem taldar eru frá tólf þús-
und árum fyrir Krist. Við skoð-
uðum þær líka og það var ótrúleg
upplifun. Við komum víða við en
alls staðar tengdum við heimsóknir
við mat. Og smá vín,“ segir hún og
hlær.
Berglind segist hafa fengið afar
góð viðbrögð við þáttunum en segist
hafa verið stressuð fyrst þegar hún
horfði á þá með vinkonum sínum.
„En ég var svo glöð að sjá að þeir
voru alveg eins og upplifun mín var
og finnst mér þeir endurspegla feg-
urð Sikileyjar, bæði fólksins og eyj-
unnar. Það skipti mig miklu máli að
koma þessu vel frá mér. Það var svo
aukabónus að viðbrögðin hafa verið
frábær. Ég hef fengið fyrirspurnir
um hvort ég ætli að vera með ferðir
til Sikileyjar og get sagt frá því að
það er verið að leggja drög að því.“
Þú vaktir mikla athygli um árið
þegar þú giftist sjálfri þér. Þú hefur
ekki skilið við þig er það?
„Nei,“ segir Berglind og skelli-
hlær.
„Ég mæli með þessu. Allt það
besta kemur út frá sjálfsást. Þetta
var bara fallegt.“
Töfrar
Sikileyjar
Berglind Guðmundsdóttir leiðir landann í allan
sannleikann um dásemdir Sikileyjar í Aldrei ein,
nýjum þætti í Sjónvarpi Símans. Á Sikiley heim-
sótti hún gestrisna heimamenn, kynntist menn-
ingu eyjarinnar og borðaði einstakan mat.
Ásdís Ásgeirsdóttir asdis@mbl.is
„Þetta er eiginlega bæði ferða- og matarþáttur, en ég gef samt engar uppskriftir. Það má segja að þetta séu þættir um
Sikiley með matar- og vínívafi. Við hittum margt fólk og þar var alls staðar matur á borðum,“ segir Berglind.
Berglind naut sín vel á eyjunni.
Berglind skoðaði
fornminjar á Sikiley.
20 MORGUNBLAÐIÐ SUNNUDAGUR 9.5. 2021
FERÐALÖG
SÉRBLAÐ
–– Meira fyrir lesendur
PÖNTUN AUGLÝSINGA: Til mánudagins 17. maí
NÁNARI UPPLÝSINGAR GEFUR:
Katrín Theódórsdóttir Sími: 569 1105 kata@mbl.is
Í blaðinu verða kynntir margir möguleikar sem í boði eru fyrir
þá sem vilja hafa fallegt í kringum sig, breyta og bæta heimilið.
Skoðuð verða húsgögn og innréttingar, skrautmunir og
fylgihlutir fyrir heimilið, litir og lýsing ásamt mörgu öðru.
Heimili&
hönnun
fylgir Morgunblaðinu föstudaginn 21. maí