Morgunblaðið - Sunnudagur - 09.05.2021, Síða 29

Sharon, voru í forgrunni, ásamt
yngri bróður hennar, Jack. Elsta
systkinið, Aimee, baðst sem frægt
er undan þátttöku í gjörningnum en
þættirnir urðu frægir að endemum
fyrir sérviskuleg uppátæki fjöl-
skyldumeðlima. Kelly Osbourne
hefur komið víða við síðan, meðal
annars fengist við tónlist, leiklist,
sýnt og hannað tísku. Lengi vel lét
hún sitt ekki eftir liggja á djamminu
en setti tappann í flöskuna árið
2017.
Dauði eða hjálp
Á þeim tíma tjáði hún tímaritinu
People að það hefði verið spurning
um líf og dauða. „Þetta snerist um
að deyja eða leita sér hjálpar. Mín
ákvörðun var að lifa enda er lífið
þess virði. Ég á einstaka fjölskyldu
og vini og hvers vegna í ósköpunum
leyfi ég mér að líða svona ömur-
lega?“
Jack bróðir hennar glímdi líka við
fíkn á sínum yngri árum en hefur
verið edrú í sautján ár.
Í téðum hlaðvarpsþætti segir
Kelly Osbourne fallið hafa verið sár
vonbrigði. Hún hafði verið edrú í
meira en þrjú ár og hliðarsporið
þýddi að hún gat ekki lengur flaggað
þeim góða árangri. Þegar betur var
að gáð komst hún aftur á móti að því
að edrúmennska snýst í raun og
sann ekki um að telja mánuði og
daga.
„Þetta stóð ekki lengi; var bara
einn snarpur túr og ástæðan fyrir
því að ég varð að vera opin og hrein-
skilin varðandi fallið er sú að þetta
ferðalag er enginn dans á rósum.
Það fylgir þessum sjúkdómi að falla
stundum. Enginn er fullkominn.
Einn dagur í einu er leiðarstefið og
ég var ekki að taka einn dag í einu.
Ég var heldur ekki að nýta stoðnet-
ið, var til dæmis hætt að hringja í
sponsorinn minn, mæta á fundum og
hitta sálfræðinginn minn. Ég á
besta kærasta í heimi og allir mínir
draumar eru að verða að veruleika,
taldi ég mér trú um. Allt lék í lyndi í
vinnunni og ég stóð mig vel vegna
þess að ég var til staðar.“
Þú átt þetta ekki skilið!
Þá rak efinn sitt gamla greppitrýni
inn um gættina. „Það leikur allt í
lyndi,“ hugsaði Osbourne með sér.
„Þú verður að eyðileggja það strax.
Þú ert ekki svona góð og átt þetta
ekki skilið.“ Sú hugsun náði fljótt
yfirhöndinni.
Það var ekki bara heimsfaraldur-
inn og sjálfsefinn sem sóttu að
Osbourne heldur léku veikindi bróð-
ur hennar og föður sitt hlutverk líka.
Jack er greindur með MS-
sjúkdóminn og Ozzy glímir við park-
insons-sjúkdóminn.
„Eins og flestir fíklar þá á ég ekki
gott með aðstæður sem ég fæ ekki
stýrt og allt sem gekk á innan fjöl-
skyldunnar var mér ofviða. Ég gat
hreinlega ekki höndlað það. Svo er
það allt sem hefur gengið á í heim-
inum og að vita aldrei hvort maður
má tjá sig eður ei, vegna þess að ég
vakna á hverjum degi og þrái að
vera góð manneskja sem hjálpar
öðrum og berst fyrir jafnrétti og því
að fá að vera sá sem maður er, sama
á hverju gengur. Þegar maður hefur
enga stjórn á þessu fyrir þær sakir
að reglurnar breytast frá degi til
dags spyr maður sig: Til hvers í and-
skotanum er ætlast af mér? Ofan á
allt þetta var ég að fást við park-
insons-veiki föður míns og að vega
og meta hvort ég væri reiðubúin að
byrja aftur að vinna. Er þetta það
sem ég vil? Allt varð þetta mér bara
um megn og ég magalenti.“
Var ekki mennsk
Osbourne segir að fíkillinn í sér vilji
að hún sé undir áhrifum, óhamingju-
söm, án kærasta og vina og sitjandi
ein með sjálfri sér í íbúðinni sinni.
„Það er þægilegast fyrir mig – að
drekka. Og ég var í algjörri einangr-
un, drakk bara og svaf og hafði enga
burði til að vera mennsk á neinn
hátt. Þannig gekk þetta í heila viku
þangað til kærastinn minn horfði á
mig og ég las úr augunum á honum:
„Þú ert ógeðsleg!“ Þá rankaði ég við
mér: Guð minn góður, hvað í and-
skotanum er ég að gera? Daginn eft-
ir hugsaði ég með mér: Nei, nú er
komið gott. Ég fór beinustu leið inn
á göngudeild vegna þess að mér
fannst ég þurfa á svolítilli aukahjálp
að halda. Það er mikilvægt að gera
þegar manni verður fótaskortur.“
Osbourne líður miklu betur í dag
og er þakklát góðu fólki og vættum
fyrir stuðninginn.
Kelly Osbourne var
snögg að koma sér
aftur á beinu brautina.
AFP
9.5. 2021 MORGUNBLAÐIÐ SUNNUDAGUR 29
ÁST Breska ríkissjónvarpið, BBC,
hefur um helgina sýningar á nýrri
sjónvarpsseríu, The Pursuit of
Love, sem byggist á samnefndri
skáldsögu Nancy Mitford frá 1945.
Sagan gerist á millistríðsárunum
og hermt er af tveimur ungum
frænkum og vinkonum, Lindu Rad-
lett (Lily James) og Fanny Logan
(Emily Beecham), sem eru á hött-
unum eftir eiginmannsefni. Önnur
er hverflynd og ör en hin sækist eft-
ir stöðugleika og öryggi. Leikstjóri
er Emily Mortimer.
Í æðisgenginni leit að ástinni
Emily Beecham leikur í þáttunum.
AFP
BÓKSALA Í APRÍL
Tekið saman af Félagi íslenskra bókaútgefenda
1
Rím og roms
Þórarinn Eldjárn og
Sigrún Eldjárn
2
Í leyndri gröf
Viveca Sten
3
Handbók fyrir ofurhetjur,
sjötti hluti – vonlaust
Elias og AgnesVåhlund
4
Stríð og kliður
Sverrir Norland
5
Herra Fnykur
David Walliams
6
Bókasafnsráðgátan
Martin Widmark
7
Undir 1000 kr. fyrir tvo
Áslaug Björg Harðardóttir
8
Barnið í garðinum
Sævar Þór Jónsson og
Lárus Sigurður
9
Eldarnir
Sigríður Hagalín Björnsdóttir
10
Oreo fer í skólann
Sylvia Erla Melsted
11
Stafavísur
Ýmsir
12
Litlir lærdómshestar – stafir
Elisabeth Golding
13
Uppruni
Sasa Stanisic
14
Bál tímans
Arndís Þórarinsdóttir
15
Ládeyða
Ann Cleeves
16
Bjarmalönd
Valur Gunnarsson
17
Heimferðarsett
Prjónafjelagið
18
1794
Niklas Natt och Dag
19
Depill heimsækir
afa og ömmu
Eric Hill
20
Prjónastund
Lene Holme Samsøe
Allar bækur
Fyrir nokkru fluttu foreldrar mín-
ir frá Akureyri hingað til Ólafs-
fjarðar. Eftir þá flutninga hef ég
haft í vörslu minni töluvert af
bókum í þeirra
eigu og hefur
bókaval mitt litast
nokkuð af því.
Hingað til hef ég
ekki sótt í ævi-
minningabækur
en fyrsta bókin
sem ég las úr safni
foreldra minna var Úr koppalogni
í hvirfilbyl, minningabrot úr ævi
Guðmundar G. Halldórssonar frá
Hvíslarhóli á Tjörnesi. Bókin
reyndist lífleg og skemmtileg af-
lestrar. Guðmundur kemur víða
við í atvinnulífi þó að sjór og út-
gerð skipi stóran sess í hans lífi.
Nýverið las ég bókina Séra
Baldur um séra Baldur Vilhelms-
son í Vatnsfirði. Hlynur Þór
Magnússon skráði, útgefandi
Vestfirska forlagið 2003. Þessi
bók er alveg
mögnuð, orða-
forði og þessi
kostulegu tilsvör
Baldurs eru stór-
kostleg. Ævi Bald-
urs hefur verið
nokkuð sérstæð
en á besta aldri
flutti hann í blómlega sveit í
Vatnsfirðinum. Á næstu 50 árum
sá Baldur ljósin slokkna á flestum
bæjum og horfði upp á algjöra
hnignun á þessu svæði í djúpinu. Í
gegnum tíðina hef ég heyrt sögur
af Baldri og kostulegum til-
svörum hans. Mér til mikillar
undrunar virðist litlu sem engu
logið upp á kappann þar sem
hann gekkst við mörgum
skemmtilegum orðasenum. Bók-
in er einnig drjúg heimild um
horfna tíma og starfshætti.
Gæðastundir með öldruðum
foreldrum mínum nýti ég gjarnan
í lestur bóka og er efnið oftast
ljóð eða frásagnir sem tengjast
sjómennsku. Upp á síðkastið höf-
um við lesið bókina Svipmyndir
úr síldarbæ, annað bindi eftir Ör-
lyg Kristfinnsson
frá árinu 2013.
Bókin er allt í senn
húmorísk og átak-
anleg og byggist
upp á mannlífslýs-
ingum um miðbik
síðustu aldar. Þar
kemur glögglega í
ljós lífsbaráttan á Siglufirði eftir
síldarleysisárin auk þess sem sagt
er frá björgunarleiðangri að
strandstað Þormóðs ramma árið
1950. Mjög athyglisverð bók og
skemmtilega skrifuð.
Á náttborðinu er smárit frá
tengdamömmu sem heitir
Amma, norðlenskir þættir frá
1938. Sláandi kafli er harðærislýs-
ing úr Eyjafirði vorið 1869 en þar
er birtur kafli úr dagbók Sveins
Þórarinssonar amtskrifara (föður
Jóns Sveinssonar, höfundar
Nonnabóka). Hafís liggur um allt
og hungur sverfur að fólki um allt
Norðurland. Heimildir úr téðri
dagbók segja frá tveimur börnum
sem hafa látist vegna hungurs 3.
júní í Ólafsfirði. Ótrúlegt að
hugsa til þess að fyrir rúmlega
mannsaldri bjó þorri fólks við
slíkar hörmungar.
Næsta bók sem ég ætla að lesa
er úr safni foreldra minna en það
er ævisagan Nói bátasmiður eftir
Erling Davíðsson.
RÚNAR FRIÐRIKSSON ER AÐ LESA
Gæðastund með foreldrum
Rúnar Frið-
riksson er
starfsmaður
félagsþjónust-
unnar í Fjalla-
byggð.
101.9
AKUREYRI
89.5
HÖFUÐB.SV.
Retro895.is
ÞÚ SMELLIR
FINGRUM Í TAKT
MEÐ RETRÓ
‘70,‘80 OG ‘90 STÖÐIN