Morgunblaðið - Sunnudagur - 23.05.2021, Síða 32

SUNNUDAGUR 23. MAÍ 2021
Suðurlandsbraut 24
108 Reykjavík
Sími 554 6969
lur@lur.is • lur.is
LÁTTU ÞÉR
LÍÐA VEL
MADE IN
DENMARK
Lama rúmin eru vönduð, falleg og þekkt
fyrir að veita heilbrigðan og góðan svefn.
Þau hafa verið framleidd í Danmörku síðan 1939.
Hægt er að fá þau með eða án stillanlegum botni. Í
boði eru þrír litir á áklæði og margar tegundir fóta
og rúmgafla.
Lama Premium rúmin eru með sérstakan mjóbaks-
stuðning og meiri dýpt fyrir axlir. Ef þú vilt að öxlin
detti meira ofan í dýnuna er Premium línan fyrir þig.
Heppinn kaupandi greiddi í vikunni 14.145 Bandaríkjadali
eða ríflega 1,7 milljónir króna fyrir sex lokka úr hári
bandaríska rokktónlistarmannsins sáluga Kurts Cobains
á uppboði hjá Iconic Auctions í Bandaríkjunum.
Uppboðshaldarinn segir engan vafa leika á því að lokk-
arnir séu í raun og sann teknir af höfði Cobains og fram-
vísaði sönnunargögnum, þar á meðal handskrifuðum miða
og ljósmynd af hárgreiðslukonunni Tessu Osbourne, með
skærin á lofti að klippa téða lokka úr hári Cobains á Eng-
landi 29. október 1989. Sú ágæta kona hefur verið framsýn
því Nirvana sló ekki í gegn á heimsvísu fyrr en tveimur ár-
um síðar, með hinni goðsagnakenndu plötu Nevermind.
Osbourne mun hafa fært listakonunni Nicole DePolo,
sem elur manninn í Seattle í Bandaríkjunum, lokkana að
gjöf skömmu eftir að Cobain svipti sig lífi árið 1994, aðeins
27 ára að aldri.
„Lokkarnir eru glænýir á markaðnum,“ kemur fram í
yfirlýsingu Iconic Auctions. Þar segir enn fremur: „Hvað
Kurt varðar þá var Tessa það sem Astrid Kirchherr hafði
verið fyrir Bítlana – konan sem færði honum þessa ein-
stöku klippingu [...] skömmu áður en ljósmyndir af honum
fóru eins og eldur í sinu um heimsbyggðina.“
Mynd af Kurt Cobain í garði
sem tileinkaður er honum í
Aberdeen í Washington-ríki.
Með Tessuklippinguna.
AFP
Lukkulegur lokkaeigandi
Sex lokkar úr hári Kurts heitins Cobains, söngvara og gítarleikara
Nirvana, seldust fyrir 1,7 milljónir króna á uppboði í Bandaríkjunum.
„Nýlega er kominn hingað til
lands ungur amerískur kvik-
myndatökumaður, Robert C.
Davis, í þeim tilgangi að taka
hjer, eða raunar ljúka við töku
Íslandskvikmyndar, sem hann
byrjaði á, er hann var í ljós-
myndadeild ameríska hersins í
síðustu styrjöld. Ætlar Davis að
ferðast hjer um landið fram í
ágústmánuð og taka kvikmyndir,
en hann er kunnugur hjer um
land, eftir að hann dvaldi hjer í
tvö og hálft ár.“
Með þessum orðum hófst
frétt á baksíðu Morgunblaðsins
á þessum degi árið 1951. Enn
fremur kom fram að Davis hefði
tekið tvær 16 mm kvikmyndir í
eðlilegum litum í Bandaríkj-
unum, sem hann hugðist sýna
hérlendis ef áhugi væri fyrir
hendi. „Einnig hefir hann með-
ferðis kvikmyndina „Interlude in
Iceland“, sem hann tók hjer fyrir
nokkrum árum.“
Davis taldi sig vanta í kvik-
mynd sína myndir af Heklugos-
inu 1947, sem hann vildi kaupa,
eða leigja. „Hann nýtur hjer fyr-
irgreiðslu Ferðaskrifstofu rík-
isins, og mun vera hægt að ná
sambandi við hann þar, ef ein-
hverjir hafa áhuga á að tala við
hann um kvikmyndasýningar,
eða kvikmyndatöku.“
GAMLA FRÉTTIN
Amerísk Ís-
landsmynd
Robert C. Davis hafði sérstakan áhuga á myndum af Heklugosinu 1947.
ÞRÍFARAR VIKUNNAR
Kris kristofferson
söngvari og leikari
Johnny Logan
söngvari
Herbert Guðmundsson
söngvari