Morgunblaðið - 02.07.2021, Qupperneq 10

10 FRÉTTIR
Innlent
MORGUNBLAÐIÐ FÖSTUDAGUR 2. JÚLÍ 2021
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma
Steinar Ingi Kolbeins
steinar@mbl.is
Morgunblaðið greindi nýverið frá
því hvernig Reykjavíkurborg með
einu auka „R-i“ breytti hinum rót-
gróna Grensásvegi í Grensársveg,
vegfarendum til mikillar furðu.
Þetta er þó ekki eina villuskiltið í
höfuðborginni Reykjavík. Í Úlfars-
árdal má finna götu sem kennd er
við Frigg, konu Óðins. Reykjavík-
urborg hefur þó kosið að skrifa
nafn hennar með „Y“ og er útkom-
an því Fryggjarbrunnur. Hefur
skiltið fengið að standa vitlaust í
dágóðan tíma.
Í samtali við Morgunblaðið segir
Einar G. Skúlason, rekstrarstjóri
skiltadeildar, að um sé að ræða
samspil mannlegra mistaka hjá
framleiðanda og hjá borginni. „Mis-
tökin liggja að vissu leyti hjá fram-
leiðanda en að sjálfsögðu hjá okkur
líka,“ segir hann. Einar vildi þó
ekki gefa upp hver framleiðandi sé
en lagði áherslu á sameiginlega
ábyrgð beggja aðila. Þá sagði hann
borgina lengi hafa verið í við-
skiptum við framleiðandann.
Spurður hvort borgarbúar sendi
reglulega inn ábendingar um mis-
tök kveður Einar já við. „Við fáum
sendar ábendingar, fólk rekur aug-
un í þetta. Það eru náttúrlega fleiri
þúsund prófarkalesarar víða um
borgina.“ Bendir hann einnig á að
þetta gerist afar sjaldan og að
kostnaðurinn vegna mistaka sé lít-
ill. „Þetta gerist einstaka sinnum en
kostnaðurinn við þetta er ekki
neinn í sjálfu sér. Nokkrir þúsund-
kallar í stóra samhenginu. En okk-
ur finnst þetta náttúrlega fyrst og
fremst bara leiðinlegt.“
Morgunblaðið/Unnur Karen
Óvelkomið „Y“ Þetta skilti hefur lengi staðið í Úlfarsárdal þrátt fyrir augljósa villu.
Morgunblaðið/Eggert
Auka „R“ Reykjavíkurborg ætlaði sér ekki að endurnefna götuna rótgrónu með nýju skilti.
Stafsetningin reynist borginni erfið
- Mannleg mistök hjá borginni og framleiðanda - Prófarkalesarar götunnar senda inn ábendingar
Steinar Ingi Kolbeins
steinar@mbl.is
Goslokahátíðin í Vestmannaeyjum
er hafin, en hún er að jafnaði haldin
fyrstu helgina í júlí. Er hátíðin hald-
in til þess að fagna goslokum, en
gosinu í Vestmannaeyjum lauk 3.
júlí 1973. Hátíðin hefur þó breyst
verulega í áranna rás.
Erna Georgsdóttir situr í gos-
lokanefnd ásamt þremur öðrum og
sér nefndin um skipulagningu hátíð-
arinnar. Erna segir góða stemmingu
ríkja í Eyjum vegna hátíðarinnar.
„Fyrstu viðburðirnir eru að rúlla
af stað. Það er stemming í bænum
og fólk er farið að mæta til Eyja,“
segir Erna. Goslokahátíðin er önnur
tveggja hátíða sem haldnar eru í
Vestmannaeyjum á hverju sumri, en
hin er vitanlega Þjóðhátíð. Erna
segir þó töluverðan mun á hátíð-
unum tveimur. „Þjóðhátíð er nátt-
úrulega skilgreind sem tónlistar-
hátíð og á hana sækir allt annar
markhópur. Á Goslokahátíð eru
margir brottfluttir Vestmanna-
eyingar og fólk sem er með sterka
tengingu við Vestmannaeyjar.“
Erna segir Goslokahátíðina meiri
menningar-, lista- og barnahátíð
heldur en þjóðhátíð. Reynt sé að
hafa dagskrá sem hentar öllum ald-
urshópum og nefnir hún sem dæmi
myndlistarsýningar, hestvagnaferð-
ir og tónleika. Spurð hvort aflétt-
ingar takmarkana hafi gert nefnd-
inni erfitt fyrir segir Erna:
„Dagskráin var náttúrulega tilbúin
fyrir afléttingar, en það var ákall um
næturskemmtun og náðum við að
bregðast við því. Það verður því ball
eftir miðnætti á laugardag.“
Erna segir einnig aðstoð heima-
manna skipta sköpum, án þeirra
væri engin hátíð. Þá segir hún allt
stefna í fjölmenna hátíð. „Við heyrð-
um í vinum okkar í Herjólfi og já við
teljum að það verði ágætismæting.“
Dagskrá fyrir allan aldur
á Goslokahátíð í Eyjum
- Fyrsta hátíðin eftir faraldurinn - Stefnir í góða mætingu
Ljósmynd/Óskar Pétur Friðriksson
Goslokahátíð Allt kapp var í gær lagt á að undirbúa hátíðina og mátti með-
al annars sjá þessa fallegu hesta á göngu þegar ljósmyndari átti leið hjá.
Utanvegahlaupið Reykjanes Vol-
cano Ultra (Goshlaupið) fer fram um
helgina. Þær vegalengdir sem eru í
boði í hlaupinu eru 10, 30, 50 og 100
km. Keppendur í 100 km flokknum
verða ræstir út á miðnætti 3. júlí og
munu þeir því hlaupa í miðnætursól-
inni. Hinir flokkarnir verða ræstir af
stað með klukkutíma millibili frá kl.
9-11, 4. júlí. Hlaupin byrja öll og
enda fyrir utan veitingastaðinn Salt-
húsið í Grindavík. UMFG stendur
fyrir hlaupinu en Ívar Trausti
Jósafatsson hefur verið félaginu inn-
an handar við skipulagningu á
keppninni. Hann segir það ekki oft
sem fólk getur keppt í utanvega-
hlaupi þar sem hægt er að sjá virkt
eldgos í leiðinni en allir flokkarnir
nema einn munu annaðhvort hlaupa
að eldgosinu í Geldingadal eða
framhjá því. Opið er fyrir skráningu
í hlaupið á hlaup.is til kl. 22 í kvöld.
Með kóðanum Salt25 fæst 25% af-
sláttur af skráningargjaldinu í
hlaupið en afslátturinn er í boði veit-
ingastaðarins Salthússins í Grinda-
vík og Morgunblaðsins.
Morgunblaðið/Árni Sæberg
Goshlaup Eldgosið í Geldingadölum mun verða á vegi keppenda í hlaupinu.
Goshlaupið fer
fram á laugardag
- Keppt í utanvegahlaupi á Reykjanesi