Fiskifréttir - 19.12.1997, Qupperneq 5

FISKIFRÉTTIR föstudagur 19. desember 1997
Mér finnst ástæða til að staldra
við og hugleiða hvort eitthvað
uggvænlegt sé að gerast á Is-
landsmiðum. Veiðarúr nokkrum
mikilvægum nytjastofnum okkar
hafa gengið það illa undanfarið
að eftirtekt hlýtur að vekja.
Veiðin hefur verið miklu lélegri
en vísindamenn hafa spáð fyrir
um. Ég er ekki að fjalla um
stofna sem vísindamenn hafa
bent á að væru í lægð eins og t.d.
grálúðu, heldur stofna sem við
höfum fram að þessu talið í góðu
ástandi.
Ufsi
Ufsaveiðar undanfarin ár hafa
gengið mjög illa og eru nú í sögu-
legu lágmarki. Á yfirstandandi
fiskveiðiári er úthlutaður ufsa-
kvóti með því minnsta sem verið
hefur. Léleg ufsaveiði síðustu ár-
in hefur komið á óvart og verið
þvert á spár.
Humar
Humarvertíðin sl. sumar gekk
illa og var aflinn aðeins um 40%
af því sem hann er venjulega.
Þetta gerðist þrátt fyrir það að
menn töldu stofninn í nokkuð
eðlilegu ástandi. Hvorki vísinda-
menn né þeir sem stunda veið-
arnar hafa áttað sig á því hvað er
að gerast og engar skýringar hafa
komið fram.
Sfld
Veiðar á íslensku sumargots-
Er eitthvað uggvæn
legt að gerast
á íslandsmiðum?
— eftir Sigurð Einarsson
síldinni hafa gengið afspyrnu illa í
haust. Aflinn hefur ekki verið
svona lítill um margra ára skeið á
þessum tíma árs. Sjómenn hafa
fundið mjög litla sfld og hafa þar af
leiðandi lítið veitt þrátt fyrir að
hafa reynt mikið og e.t.v. sjaldan
eins mikið og nú. Engin einhlít
skýring hefur fengist á þessu.
„Veiðarúr
nokkrum
mikiivægum
nytjastofnum okkar
hafa gengið það
illa undanfarin að
eftirtekt hlýtur að
vekja“
Menn hafa talið ástand síldar-
stofnsins nokkuð gott og í jafn-
vægi.
Rækja
Þrátt fyrir metúthlutun rækju-
kvóta á þessu ári eru veiðar nú
mjög lélegar miðað við sama tíma í
fyrra og rækjan fremur smá.
Úthafskarfi
Veiðar á úthafskarfa eru tölu-
vert minni á þessu ári en því síð-
asta. Virðist sem stofninn hafi ann-
að hvort breytt göngumynstri sínu
eða sé ekki eins stór og menn
hafa talið. Það tekst ekki að
veiða úthlutaðan kvóta í ár.
Hvað er að gerast?
Vissulega væri ekkert óeðli-
legt þótt eitt eða tvö af þessum
atriðum sem ég hef rakið hér á
undan ættu sér stað, en það vek-
ur mig til umhugsunar þegar um
svo margra ólíka nytjastofna er
að ræða.
í flestum dæmunum sem ég
hef tekið hefur Hafrannsókna-
stofnun gefið út meiri kvóta en
tekist hefur að veiða. Vísinda-
menn okkar kunna litla skýringu
á því hvers vegna veiðarnar
ganga svona illa.
Er eitthvað að gerast eða er
þetta eðlilegt? Megum við alltaf
búast við slíkum sveiflum í sjáv-
arútvegi?
Aukning rannsókna
Við höfum e.t.v. verið of upp-
tekin af þorskstofninum, vexti
hans og viðgangi, og því sofnað á
verðinum. Vegna þess getur
verið að menn hafi fallið í þá
gryfju að úthluta of miklum
kvóta í öðrum tegundum. Höfum
við tekið of mikla áhættu þegar
vafi hefur leikið á um stofnstærð?
Til þess að koma í veg fyrir að
óhjákvæmilegar sveiflur komi
okkur á óvart er nauðsynlegt að
efla rannsóknir. Vonandi verður
nýtt hafrannsóknaskip gæfuríkt
skref á þeirri leið.
Höfundur er forstjóri
ísfélags Vestmannaeyja.
ARKTISK MARIN AS
Eldsneytis- og birgðaþjónusta í Barentshafi
//^d/&>//<>/{/&/^^j&/ú> cjp j/zí/dœ/á' /&/??/<%>/?><>/ d/d/
Við tryggjum ykkur eldsneyti, smurolíur, vistir og aðrar birgðir á hafi úti.
ARKTISK MARIN A-S
Skippergt. 54 ■ 90Q8 Tromse
Sími: [0047] 776 83834 ■ Telefax: (0047) 776 11230
M/T “Norsel" ■ Inmarsat-C 425777610 ■ Mobil: (0047) 94801514