Rit Landbúnaðardeildar : B-flokkur - 01.06.1957, Qupperneq 23

19
og aðrar fylgitegundir. Af öðrum tegundum má nefna hengistör og
grávíði.
Stærð gróðurhverfisins er um 35 hektarar.
14 Stinnastarar—grasvíðis gróðurhverfi.
(C. rigida—Salix herbacea association).
Gróðurhverfið er allútbreitt um miðhálendi landsins, en kemur ekki
víða fyrir á Gnúpverjaafrétti. Það myndast ætíð við áþekk skilyrði á hall-
andi og tiltölulega þurru landi. Mýrin er stórþýfð. Grámosa gætir ætíð
mikið, þar sem þurrast er, en hvítmosa nokkuð á hinum rakari stöð-
um. Oft er grámosi algerlega ríltjandi á þúfum, en blómplantna gætir
meira í lautum. Snjóþyngsli virðast vera allmikij sums staðar i þessu
gróðurhverfi, og benda snjódældaplöntur eins og fjallafoxgras til þess.
Stærð gróðurhverfisins er um 155 hektarar.
I s Stinnastarar—hríss—bláberjalyngs gróðurhverfi.
(C. rigida—Betula nana—Vaccinium uliginosum association).
Þessi mýrategund kemur fyrir á stóru samfelldu svæði vestan Sanda-
fells, en ekki annars staðar á afréttinum svo að teljandi sé. Mýrin er
á flatlendi, allvot og mosarík. Hrís og bláberjalyng er mest áberandi
sem undirgróður.
Stærð gróðurhverfisins er um 215 hektarar.
I 6 Stinnastarar—hengistarar—víðis flói.
(C. rostrata—C. rariflora—Salix glauca association).
Hér er um að ræða blástararflóa með nokkurri íblöndun af hengi-
stör og víði. Landið er mjög blautt, svo að jarðvatnið stendur víða í
tjörnum, en er varla eins kyrrstætt og í hreinum flóum. Landið er smá-
þýft og mosaríkt.
Stærð gróðurhverfisins er um 200 hektarar.
17 Hengistarar—víðis flói.
(C. rariflora—Salix glauca association).
Hengistör er meðal algengustu flóajurta hér á landi, bæði á hálendi
og láglendi. Hún er þó sjaldan áberandi í svip eða útliti gróðurhverfanna
nema helzt á smáblettum. Slíkir blettir eru yfirleitt í nokkurri hæð,
oftast um og yfir 200 m.
Gróðurhverfi þetta er aðeins á blautustu flóasvæðunum, þar sem
jarðvatn er algerlega kyrrstætt.
Stærð gróðurhverfisins er um 27 hektarar.