Fjarðarfréttir - 18.08.2016, Page 12

12 www.fjardarfrettir.is FJARÐARFRÉTTIR | FIMMTUDAGUR 18. ÁGÚST 2016
Danskennarar hjá Dansíþróttafélagi
Hafnarfjarðar hafa sérmenntað sig í
kennslu fyrir yngstu börnin og eru þeir
hópar fyrir 3ja til 4ra ára og er kennt á
laugardögum að sögn Auðar Haralds­
dóttur framkvæmdastjóra.
Tímarnir kallast Jazzleikskólinn.
Þessir tímar eru mjög þroskandi fyrir
börnin og læra þau ýmis hugtök og að
fara eftir fyrirmælum. Kenndir eru léttir
barnadansar við tónlist sem þau jafnvel
þekkja og er mikið sungið og farið í
leiki. Foreldrar geta verið með
börnunum ef þau óska þess.
STREET JAZZ OG
FREESTYLE
Street Jazz og Freestyle er kennt 2x í
viku, á þriðjudögum og fimmtudögum
í íþróttahúsi Setbergsskóla en þar er
einnig kennt Break og Hip Hop. Andrea
Sigurðardóttir sér um Freestyle kennsl­
una og Javier Valino sér um Break og
Hip Hop. Þessir hópar hafa verið mjög
vinsælir fyrir krakka frá 7 ára aldri og
eru námskeiðin í 16 vikur og enda með
nemendasýningu og jólaballi.
Bæjarfélög styrkja danskennsluna og
ættu allir að nýta sér þessa styrki.
ÖFLUGIR
KEPPNISFLOKKAR
Í DÍH eru mjög öflugir keppnis­
flokkar í samkvæmisdönsum, bæði í
barna­ og unglingaflokki. Fyrir þau
sem eru að byrja og eru stutt komin eru
sér tímar og æfa þau 3x í viku. Einnig
er hjá félaginu starfandi keppnisflokkur
sem kallar sig Team DÍH. Þar eru pör
sem eru komin á heimsmælikvarða í
dansi og æfa alla daga vikunnar og
keppa í öllum þeim keppnum sem
boðið er upp á á Íslandi og erlendis. Við
erum með danspör í þessum flokki sem
keppa fyrir hönd Íslands á HM og EM
í samkvæmisdönsum og hefur þessi
góði árangur paranna okkar mikið að
þakka góðum þjálfurum í DÍH sem
bæði eru íslenskir og erlendir og eru þá
fyrrverandi meistarar í faginu.
Hjá DÍH geta fullorðnir komið og
dansað 1x eða 2x í viku. Boðið er upp
á samkvæmisdansa og einnig eru sér
hópar sem læra Salsa. Þetta er frábært
sport fyrir alla fjölskylduna að koma og
læra að dansa og allir geta fundið
eitthvað við sitt hæfi.
25 ÁRA AFMÆLI
LOTTO OPEN
Auður Haraldsdóttir er framkvæmda­
stjóri félagsins og hefur hún einnig með
öflugri hjálp foreldrafélagsins í DÍH
haldið danskeppni í byrjun nóvember
hvers árs. Þetta er Lottó Open keppnin
og verður haldið upp á 25 ára afmæli
keppninnar nú í haust með miklum
glæsibrag í Íþróttahúsinu við Strand­
götu að venju.
Kennsla hefst laugardaginn 3. sept­
ember og innritun fer fram á netinu á
www.dih.is
DÍH hefur náð miklum árangri í danskeppnum og á verðlaunadansara á
breiðu aldursbili.
Frá 20 ára afmæli DÍH í apríl sl.
Býður upp á danskennslu fyrir alla hópa
Dansíþróttafélag Hafnarfjarðar með danskennslu í Bjarkarhúsinu og í íþróttahúsi Setbergsskóla
Lj
ós
m
.:
G
uð
ni
G
ís
la
so
n
Lj
ós
m
.:
G
uð
la
ug
ur
J
.
Það fór ekki fram hjá neinum að við
Hafnfirðingar áttum tvo flotta sund­
menn á Ólympíuleikunum í Ríó, þau
Anton Svein McKee og Hrafnhildi
Lúthersdóttur. Þau kepptu bæði í 100 m
og 200 m bringusundi.
ÞRIÐJI BESTI ÁRANGUR
ÍSLENSKRAR ÍÞRÓTTA-
KONU Á ÓLYMPÍULEIKUM
Árangur Hrafnhildar í 100 m
bringusundi, þar sem hún varð sjötta á
1,07.18 mín. er þriðji besti árangur
íslenskrar íþrótta konu á Ólympíu­
leikunum, Vala Flosa dóttir hefur náð
lengst með silfur verðlaunum sínum í
stangarstökki árið 2000 og Hafn­
firðingurinn Þórey Edda Elís dóttir varð
5. í stangarstökki 2004.
Hrafnhildur Lúthersdóttir varð 11. í
milliriðlum í 200 m bringusundi á
Ólypmíuleikunum og komst því ekki í
úrslit. Synti hún á 2,24.41 mín. en hefði
þurft að bæta Íslandsmet sitt um 1/10 úr
sekúndi en met hennar er 2,22.96 mín.
sem hún setti í London fyrr í sumar.
Anton Sveinn McKee varð 35. af 46
í undanúrslitum í 100 m bringusundi á
Ólympíuleikunum. Hann synti á
1,01.84 mínútum en hefði þurft að
synda á 1,00.25 til að komast í
milliriðla. Anton Sveinn hefði þurft að
bæta Íslandsmet sitt sem er 1,00.53
mínútur og var hann 1,31 sekúndu frá
Íslandsmetinu og 1,59 sek. frá því að
komast áfram.
Anton Sveinn McKee varð 18. í
undanrásum og rétt missti af því að
synda í undanúrslitum í 200 m
bringusundi á Ólympíuleikunum.
Anton Sveinn synti á 2.11,39 mín og
var aðeins 13/100 frá því að komast í
undanúrslit.
Sundfólkið okkar á Ólympíuleikunum
Árangur Hrafnhildar er þriðji besti árangur íslenskrar íþróttakonu á Ólympíuleikunum
Hrafnhildur Lúthersdóttir og Anton
Sveinn McKee við æfingalaugina í
Ríó áður en keppni hófst.
Lj
ós
m
.:
Kl
au
s
Jü
rg
en
O
hk