Fjarðarfréttir - 22.12.2016, Qupperneq 31

www.fjardarfrettir.is 31FJARÐARFRÉTTIR | FIMMTUDAGUR 22. DESEMBER 2016
Smelltu á
LIKE
og skoðaðu myndir
Þann 29. desember heldur Stebbi Ó.
Swingsextett gamlársball upp á gamla
mátann í Hafnarborg.
Swingsextettinn ætlar að opna
lagabókina og leika allt það besta frá
sveiflutónlist fjórða áratugarins, rokk­
tónlist fimmta áratugarins og
dægurtónlist héðan og þaðan, í
spariútsetningum þeirra.
Undanfarið hefur Swingsextettinn
verið iðinn við að spila fyrir dansara.
Hæst ber að nefna Arctic Lindy hátíð­
ina, og er því engin breyting á núna;
dansgólfið verður galopið!
Það verður frítt inn á ballið. Því eru
allir hvattir að mæta og hlýða á sveiflu
og rokk í hæsta gæðaflokki hjá Stebba
Ó. Swingsextett. Sveiflu sem hreinlega
dregur fólk út á dansgólfið.
Húsið verður opnað kl. 20 og hefjast
leikar um 20.30.
Hljómsveitina skipa: Stebbi Ó ­
básúna og söngur; Eiríkur Rafn ­
trompet og söngur; Björgvin Ragnar ­
saxófónn; Þröstur Þorbjörnsson ­ gítar;
Jón Rafnsson ­ bassi og Erik Qvick ­
trommur.
Gamlárstónleikaball í Hafnarborg
Tyllidagadansleikur Stebba Ó. og Swingsextett - Frítt inn
Handbolti:
27. des. kl. 19.30, Seltjarnarnes
Haukar - FH, FÍ mót karla
27. des. kl. 21.15, Seltjarnarnes
Stjarnan - Haukar, FÍ mót kvenna
ÚRSLIT KARLA:
FH ­ Haukar: 29­30
Körfubolti:
ÚRSLIT KVENNA:
Stjarnan ­ Haukar: 68­65
ÚRSLIT KARLA:
Tindastóll ­ Haukar: 87­82
ÍÞRÓTTIR
Hjónin Berglind Sigmarsdóttir og
Sigurður Gíslason sendu nýverið frá sér
nýja matreiðslubók sem ber heitið
GOTT­réttirnir okkar. Bækurnar þeirra
Heilsuréttir fjölskyldunnar sem komu
út fyrir nokkrum árum nutu fádæma
vinsælda en Sigurður er þekktur mat­
reiðslumaður sem unnið hefur á mörg­
um vinsælum veitingastöðum hérlendis
sem erlendis og var í íslenska kokka­
landsliðinu. Berglind hefur smitast af
matargerðarástríðunni og starfað með
honum við þá iðju, ekki síst við þróun
nýrra uppskrifta og leggur hún sérstaka
áherslu á hollustugildi matarins.
Þau bjuggu ásamt börnum sínum um
árabil í Hafnarfirði en fluttu síðan aftur
til æskustöðvanna í Vestmannaeyjum
þar sem þau bæði eru fædd og uppalin
og stórfjölskyldan býr.
Fyrir þremur árum létu þau drauminn
rætast um að reka eigin veitingastað
þegar GOTT var opnaður í miðbæ
Vestmanna eyja. Staðurinn varð strax
mjög vinsæll og margir réttir á matseðl­
inum sem slegið hafa í gegn. Í nýju
bókinni GOTT­réttirnir okkar, gefa þau
uppskriftir að ýmsum vinsælustu rétt­
um staðarins og gefa skemmtilega
innsýn í veitingahúsareksturinn og lífið
í Eyjum en bókin er prýdd fjölda fall­
egra mynda úr eynni fögru.
Hér er uppskrift að ljúffengri döðlu­
köku sem tilvalið er að baka um
hátíðirnar.
DÖÐLUKAKA GOTT
3 egg
120 g hrásykur
300 g döðlur (steinlausar)
150 g smjör
270 g fínt spelthveiti
30 g lyftiduft
1 tsk. sjávarsalt
AÐFERÐ
Hitið ofninn í 170 gráður.
1. Hrærið egg og hrásykur saman í
um 10 mínútur.
2. Setjið döðlur í pott og vatn út í svo
rétt flýtur yfir döðlurnar.
3. Látið suðuna koma upp. Slökkvið
undir og látið standa í nokkrar
mínútur.
4. Bætið döðlum ásamt vökva saman
við eggjablönduna
5. Bætið spelthveiti og lyftidufti
saman við og hrærið aðeins.
6. Setjið bökunarpappír í form,
smyrjið og hellið deigi í formið.
7. Bakið í 40 mínútur. Kakan á að
vera aðeins blaut.
Best að bera kökuna fram volga með
heitri karamellusósu og þeyttum rjóma
eða ís.
KARAMELLUSÓSA
125 g hrásykur eða kókspálmasykur
150 g smjör
1 tsk. vanilludropar
400 ml rjómi
AÐFERÐ:
1. Setjið hrásykur í pott og fáið
gullinbrúnan lit á hann.
2. Bætið þá öðru hráefni út í og látið
sjóða í ákjósanlega þykkt.
3. Hellið yfir kökuna þegar hún er
borin fram.
Ljúffeng döðlukaka að hætti GOTT-hjónanna
Hjónin Berglind og Sigurður.