Feykir - 22.01.2020, Page 5

ÍÞRÓTTAFRÉTTIR F
Dominos-deild karla | Stjarnan – Tindastóll 73-66
Stjarnan sterkari
í hörkuleik
Varnarleikur var í hávegum
hafður í Garðabænum sl.
föstudag þar sem topplið
Stjörnunnar tók á móti
Tindastólsmönnum.Stjörnu-
menn náðu yfirhöndinni
strax í byrjun og slæmur
kafli Tindastóls undir lok
fyrri hálfleiks var dýrkeyptur.
Þeir náðu þó að hleypa
spennu í leikinn undir lokin
en Urald King, var Garðbæ-
ingum dýrmætur síðustu
mínútur leiksins og innsigl-
aði sigur heimamanna með
tveimur kunnuglegum
hraðaupphlaups-troðslum.
Lokatölur voru 73-66.
Veikindi og vesen höfðu
hrjáð leikmenn liðanna fyrir
leik og í lið Tindastóls vantaði
Jaka Brodnik og þá var
Deremy Geiger enn ekki
kominn með leikheimild –
hljóta nú að vera orðin
einhver flóknustu pappírsvið-
skipti sem um getur í íslenska
boltanum.
Eftir góða byrjun heima-
manna sem leiddu 23-16 að
loknum fyrsta leikhluta, náðu
Stólarnir að snúa leiknum við
og komust yfir 29-30 um
miðjan annan leikhluta. Þá
kom 14-0 kafli hjá Stjörnunni
sem var 13 stigum yfir í
hálfleik, 43-30. Stólarnir
sýndu fyrirtaks baráttu í síðari
hálfleik og minnkuðu mun-
inn í þrjú stig, 69-66, þegar
rúm mínúta var eftir en nær
komust þeir ekki.
Leikurinn einkenndist af
mikilli baráttu og fyrirmyndar
varnarleik beggja liða og voru
þjálfarar beggja liða hæst
ánægðir með þann þátt
leiksins. Aðeins sex leikmenn
í hvoru liði náðu að skora í
leiknum. Lið Stjörnunnar
hefur á að skipa tveimur af
bestu frákösturum landsins í
Hlyni Bærings og Urald King
og það var erfitt að eiga við
þá, enda unnu heimamenn þá
baráttu 58/44. Skotnýting
liðanna var svipuð en heima-
menn fengu töluvert fleiri víti,
21/12, og nýttu þau vel.
Stólarnir töpuðu aðeins átta
boltum í leiknum en heima-
menn 14.
Simmons átti ágætan leik
fyrir lið Tindastóls, gerði 18
stig, en Bilic gerði 15 stig og
tók sjö fráköst en hann virtist
ekki ganga alveg heill til
skógar. Perkovic gerði nokkr-
ar stórar körfur, til dæmis
fimm fyrstu stig fjórða leik-
hluta, en hann gerði 14 stig í
leiknum og hirti átta fráköst.
Pétur var með 12 stig en hann
var snemma leiks kominn í
smá villuvandræði.
Næsti leikur Tindastóls er
í Síkinu á föstudag en þá
mæta Valsmenn til leiks. /ÓAB
1. deild kvenna | Tindastóll – Njarðvík 80–58
Enn verður þriðji leikhlutinn
Stólastúlkum að falli
Tindastóll og Njarðvík
mættust í Síkinu á laugardag
í mikilvægum leik í 1. deild
kvenna í körfubolta. Nú er
baráttan um sæti í úrslita-
keppni 1. deildar í algleym-
ingi og Tindastólsstúlkur
mega ekki misstíga sig mikið
ef þær ætla að eiga séns á
einu af fjórum efstu sætum
deildarinnar. Það var því
skellur að tapa gegn Njarð-
víkurstúlkum í leik sem var
jafn og spennandi – nema í
þriðja leikhluta þar sem
gestirnir kaffærðu heima-
stúlkur og gerðu út um
leikinn. Lokatölur 70-86.
Lið Tindastóls var að spila
ágætlega á upphafsmínútum
leiksins og komst í 12-6 en
gestirnir voru fljótir að snúa
leiknum sér í hag og fjórum
mínútum síðar var staðan 16-
20 fyrir Njarðvík sem leiddi 18-
20 að loknum fyrsta leikhluta.
Jafnræði var með liðunum í
öðrum leikhluta en Njarðvík
var yfir, 34-36, í hálfleik.
Þriðji leikhluti hefur reynst
liði Tindastóls erfiður upp á
síðkastið og það varð engin
breyting á því á laugardaginn.
Njarðvíkurstúlkur komu gríð-
arlega grimmar til leiks og
hirtu nánast öll fráköst sem í
boði voru, hvort sem það voru
varnar- eða sóknarfráköst. Á
þessum kafla var Kristín Halla
meidd á bekknum og munaði
um minna. Munurinn var
orðinn tíu stig eftir tæplega
þriggja mínútna leik og tuttugu
stig þegar leikhlutinn var úti.
Staðan 47-67. Kristín Halla
kom meidd inn á í upphafi
fjórða leikhluta og þó hún væri
nánast á annarri löppinni þá
skánaði varnarleikur Tindastóls
til muna. Sóknarleikur Tinda-
stóls snérist um að láta Tess
klára sem flestar sóknir, enda
langbest Stólastúlkna í leiknum,
en það dugði skammt þó hún
gerði 15 stig í leikhlutanum. Lið
Njarðvíkur náði mest 24 stiga
forystu snemma í leikhlutanum
en heimastúlkur náðu með
góðri baráttu að minnka
muninn í ellefu stig, 69-80. Lið
Njarðvíkur átti þó ekki í
vandræðum með að landa
sigrinum í lokin.
Tess Williams var yfirburða-
kona í liði Tindastóls og var
með helming allra framlags-
punkta liðsins, 37 af 74. Hún
gerði 34 stig og tók sjö fráköst.
Eva Rún komst vel frá sínu og
gerði 11 stig og tók sex fráköst.
Aðrir leikmenn liðsins áttu ekki
góðan leik þó reyndar megi geta
þess að Valdís Ósk setti niður
þrjá þrista í sex tilraunum.
Skotnýting liðanna var ekki
ósvipuð, lið Tindastóls með
38% og Njarðvík með 40%, en
lið Njarðvíkur hirti tíu
sóknarfráköstum meira en
heimastúlkur og áttu því ríflega
tíu fleiri skot í leiknum og það
munar um það. /ÓAB
Marín Lind sækir að körfu Njarðvíkinga. MYND: HJALTI ÁRNA
Stórmót ÍR í frjálsum
Tíu Norðvestlendingar á verðlaunapall
Hátt í 30 keppendur af Norðurlandi vestra tóku þátt í
Stórmóti ÍR um helgina en tæplega 600 skráðu sig til
leiks í hinum ýmsu keppnisgreinum. Mjög góður árangur
náðist í mörgum greinum og mikið um persónulegar
bætingar þó svo að keppnistímabilið sé rétt að hefjast en
þær voru 468 talsins, eftir því sem kemur fram á
heimasíðu ÍR. Tugur keppenda af Norðurlandi vestra
komst á verðlaunapall.
FH vann til flestra verðlauna á mótinu, eða 62
talsins, Ármann var í öðru sæti með 46 verðlaun og ÍR
í því þriðja með 42.
Alls voru sex keppendur skráðir frá UMSS. Ísak
Óli Traustason gerði sér lítið fyrir og sigraði í tveimur
greinum, 60 metra grind með tímann 8,42 og í
stangarstökki 4,35 m sem er persónuleg bæting.
Andrea Maya Chirikadzi bætti einnig sinn per-
sónulega árangur í kúluvarpi stúlkna, 16 til 17 ára, og
landaði 1. sætinu með kast upp á 11,55 m. Félagi
þeirra, Sveinbjörn Óli Svavarsson, var einnig í stuði og
bætti sinn persónulega árangur með sprettum upp á
22,96 sekúndur í 200 metra hlaupi karla, annars vegar,
sem færði honum 2. sætið og hins vegar 60 metra
hlaupil 7,13 sekúndur og 3. sætið hans. Ragna Vigdís
Vésteinsdóttir endaði í 3. sæti í 60 metra grind á
tímanum 9,53. Rúnar Ingi Stefánsson náði einnig
bronsi er hann varpaði kúlu 12,18 metra í karlaflokki
og bætti sinn persónuleg árangur.
Fimm keppendur komu frá Umf. Kormáki í
Húnaþingi og náðu góðum árangri. Bragi Hólmar
Guðmundsson, 11 ára, sigraði í 600 metra hlaupi pilta á
tímanum 1:58,41 og silfrið var hans í 60 metra hlaupi,
9,28 sekúndur. Saga Ísey Þorsteinsdóttir 12 ára stökk
sig upp í 1. sæti í hástökki stúlkna, 1,35 m, sem er
persónuleg bæting og náði 2. sæti í kúluvarpi með kast
upp á 8,20 m, einnig Pb. Ingunn Elsa Apel Ingadóttir
komst tvisvar á pall er hún krækti sér í silfur í 800 metra
hlaupi stúlkna - 16 til 17 ára, á tímanum 3:00,67 sem er
hennar besti árangur á árinu. Þá endaði hún í 3. sæti í
60 metra grind stúlkna á 11,05 sekúndum.
Keppendur frá USAH fjölmenntu á mótið en alls
voru 15 skráningar ú austursýslunni. Ísól Katla
Róbertsdóttir hirti gullið í 800 metra hlaupi stúlkna, 16
til 17 ára, á tímanum 2:58,00, rúmum tveimur
sekúndum á undan Elsu Apel úr Kormáki. Unnur Borg
Ólafsdóttir, 14 ára, náði 2. sætinu í langstökki stúlkna
með stökk upp á 4,42 metra.

Öll úrslit er hægt að nálgast á Feykir.is. /PF
Ísól Katla Róbertsdóttir vann gullið í 800 metra hlaupi stúlkna. Henni
á hægri hönd er Ingunn Elsa Apel Ingadóttir úr Kormáki og Elísa
Margret Marteinsdóttir HHF. MYND: RÓBERT DANÍEL JÓNSSON
03/2020 5