Feykir - 05.02.2020, Blaðsíða 5

ÍÞRÓTTAFRÉTTIR F
Dominos-deild karla | Tindastóll – KR 80–76
Jæja, hversu gaman var þetta?
Það var ekkert steindautt
stórmeistarajafntefli í Síkinu á
sunnudaginn þegar Tinda-
stólsmenn tóku á móti vinum
sínum úr Vesturbænum.
Gestirnir í KR fóru vel af stað en
smám saman drógu Stólarnir þá
inn og úr varð alvöru bardagi þar
sem leikmenn grýttu sér á lausa
bolta og jaxlar voru bruddir eins
og bismark-brjóstsykur. Það
skemmdi síðan ekki fyrir að
sigurinn féll með okkar mönnum
eftir hálfgert þrátefli síðustu
mínútuna sem er sennilega ein
sú lengsta og æsilegasta sem
leikin hefur verið í Síkinu og er
þó um ágætt úrval að ræða.
Lokatölur 80-76 fyrir Tindastól.
Liðin mættu til leiks með
úrvalssveit gæðinga. Leikmenn
KR flestir hoknir af reynslu en
þeir voru þó beinir í baki og
baráttuglaðir í Síkinu. Gestirnir
náðu tólf stiga forystu, 12-24,
en þá nennti Helgi Rafn ekkert
þessu norpi lengur og fór fyrir
sínum mönnum sem náðu loks
að vinda varnarvélina í gang og
stöðva sóknarleik KR. Staðan
20-25 að loknum fyrsta leik-
hluta og suðan að koma upp í
Síkinu.
Staðan í hálfleik var 40-39
fyrir Tindastól og hasarinn hélt
áfram í síðari hálfleik sem var
jafn og spennandi fram á
lokasekúnduna. KR var yfir, 60-
64 fyrir lokafjórðunginn og
Baldur Þór, þjálfari Tindastóls,
hvatti sína menn til að gefa allt í
fjórða leikhluta og sýna sinn
allra besta varnarleik. Strák-
arnir komu til leiks og gerðu
nákvæmlega það sem hann bað
um því í lokafjórðungnum, sem
var hrikalega spennandi, gerðu
gestirnir aðeins tólf stig. Raun-
ar var varnarleikur beggja liða
algjörlega til fyrirmyndar en
það voru Tindastólsmenn sem
reyndust öflugri á lokamínút-
unum og lönduðu sætum sigri
eftir einhverja þá lengstu loka-
mínútu sem spiluð hefur verið í
Síkinu.
Geiger og Bilic voru báðir
með 16 stig fyrir Stólana en
Bilic hirti átta fráköst líkt og
Perkovic. Pétur skilaði 14
stigum, Helgi Rafn og Brodnik
gerðu tíu hvor, Simmons sjö,
Perkovic fjögur og Viðar þrjú.
Stólunum gekk best þegar
Viðar var á gólfinu (+14) en
kappinn meiddist undir lokin.
Þór A – Tindastóll 86–96
Tindastólsmenn brunuðu
norður á Akureyri sl. fimmtu-
dag og léku við sprækt lið
Þórsara.
Heimamenn voru vel studd-
ir og stemningin mögnuð í
Höllinni en ríflega 500 manns
skemmtu sér vel yfir fjörugum
leik liðanna. Það væri kannski
synd að segja að leikurinn hafi
verið jafn en lið Þórs var þó
aldrei nema góðum spretti frá
því að stríða Stólunum.
Strákarnir okkar stóðu í
lappirnar á lokakaflanum og
fleyttu heim góðum tíu stiga
sigri og fóru kátir heim á Krók
með tvö stig í pokanum. Loka-
tölur 86-96 en Bilic var stiga-
hæstur Stóla með 27 stig. /ÓAB
Baráttan í algleymingi í leik Tindastóls og KR. MYND: HJALTI ÁRNA
Tindastóll | Mfl. karla
Næstu tvö ár verða erfið
Arnar Skúli Atlason hefur verið
ráðin aðstoðarþjálfari karlaliðs
Tindastóls í knattspyrnu en
skrifað var undir í gær. Að sögn
Rúnars Rúnarssonar sitjandi
formanns deildarinnar verður í
beinu framhaldi farið í að klára
að manna liðið.
„Okkur vantar töluvert upp
á að fylla liðið og það er næsta
verkefni. Það er því miður ekki
hægt að sækja í strákana í 3.
flokk þar sem þeir eiga alveg
tvö ár eftir þangað til við getum
farið að nota þá þó vissulega
séu margir mjög efnilegir þar.
Við vitum að næstu tvö ár verða
erfið hvað mönnun við kemur.“
Rúnar segir að leitað verði út
fyrir héraðið með leikmenn
hvort sem um innlenda eða
erlenda einstaklinga verður að
ræða. Ekki verði borguð laun
en möguleiki er á því að skaffa
húsnæði og eina máltíð á dag
og jafnvel hjálpað til við að
finna vinnu. Aðspurður um þá
heimamenn sem hafa leikið
með nágrannaliðum segir
Rúnar félagið ekki hafa verið að
vaða í þá leikmenn. „En eins og
staðan er núna þá er því miður
verið að sækja í okkar leikmenn.
Spurning hvort við verðum að
hnykla aðeins vöðvana og svara
því. Það er ömurlegt að þurfa
að standa í því að þjálfarar
liðanna hér í kring séu
hringjandi í okkar leikmenn til
þess að skipta um lið. Mér
finnst það galið.“
Engar breytingar hafa orðið
á stjórn deildarinnar enn fyrir
utan barna- og unglingaráð en
það er nú vel mannað að sögn
Rúnars. Hann segir að nú verði
farið í það að virkja fólk meira
í kringum fótboltann og bæta
umgjörð fyrir leiki í sumar.
„Það á við í bæði karla- og
kvennaleikjunum og einnig að-
hald um yngri flokka, fá fólk til
að koma og vera með. Það
verður stór þáttur því hver
hönd skiptir máli.“ /PF
Körfuknattleiksdeild Tindastóls | Mfl. karla
Sterkur kjarni semur
Síðastliðinn föstudag tilkynnti
körfuknattleiksdeild Tinda-
stóls að samningar hafi verið
undirritaðir við góðan kjarna
heimamanna til næstu tveggja
ára. Þetta er í samræmi við þá
uppbyggingu á liðinu sem til
kom með þriggja ára ráðningu
Baldurs Þórs Ragnarssonar
síðastliðið vor. „Við höfum
mikla trú á því að til að ná
árangri í körfubolta þurfum við
góðan kjarna heimamanna
með skynsömum viðbótum,“
sagði Ingólfur Jón Geirsson,
formaður deildarinnar á
blaðamannafundi í húsakynn-
um sýndarveruleika 1238.
„Við lítum björtum augum
til framtíðar og ætlum að
halda okkur í baráttu þeirra
allra bestu áfram eins og við
höfum gert hingað til. Lögð-
um við í vegferð í haust og
vetur til að styrkja kjarnann
okkar, afrakstur þeirrar vinnu
hefur gengið mjög vel þó við
séum ekki endilega búin. Nú
er kominn tími til að staldra
við og hugsa um þá þéttu
dagskrá sem bíður okkar
bæði í deild og bikar,“ sagði
Ingólfur og kynnti þann
kjarna sem framlengt hefur
samninga sína til jafns við
þjálfarann, Baldur Þór Ragn-
arsson, við körfuknattleiks-
deildina. Þetta eru þeir Axel
Kárason, Hannes Ingi Más-
son, Helgi Rafn Viggósson,
Jaka Brodnik, Pétur Rúnar
Birgisson, Viðar Ágústsson og
Jan Bezica aðstoðarþjálfari.
„Við lítum þannig á að til
þess að vera samkeppnishæfir
í þessum bransa sem körfu-
boltinn er í dag þurfum við
sterkan kjarna heimamanna.
Að geta unnið út frá þeirri
kjarnamyndun er gott fyrir
leikmenn að vita að hverju
þeir ganga haustinu eftir. Það
er ákveðinn kjarni sem spilar
saman og gengur betur því
lengur sem þeir spila saman.
Að fá Jaka Brodnik inn í
þennan hóp er snilld. Svo
koma alltaf viðbætur að utan
en þá getum við alltaf púslað
utan um þann kjarna sem við
höfum,“ segir Ingólfur Jón.
„Þetta er forsenda fyrir því
að við séum í þessu, við
þurfum á þessum kjarna
leikmanna að halda og það
þarf að byggja upp sem gerist
ekki allt á einu tímabili. Þannig
að það er mjög sterkt að halda
atvinnumönum eins og Jaka
lengur og náttúrulega leik-
manni eins og Pétri Rúnari
sem hefur verið að banka á
landsliðsdyr. Það er mjög
sterkt að halda þessum mönn-
um næstu tvö tímabil. Það þarf
oft að horfa í hvað langtíminn
gerir frekar en bara eitt tíma-
bil. Maður vill byggja upp á
löngum tíma og búa til sterkt
lið. Auðvitað er mikilvægt að
halda þessum mönnum, ég
setti mikla áherslu á það,
meðan ég væri hér þá væru
þeir hér,“ sagði Baldur Þór
þjálfari í samtali við Feyki.
Geysis-bikarinn
Þann 12. febrúar fara fram
undanúrslitaleikir í Geysis-
bikarinn hjá karlaliðunum
þegar Fjölnir og Grindavík
eigast við kl. 17:30 og svo
Tindastóll og Stjarnan kl.
20:15. Er Feykir ræddi við
Baldur þjálfara sl. laugardag
sagðist hann ekki leyfa sér að
hugsa svo langt enn þar sem
klára þurfi tvo leiki áður. „Í
sjálfu sér er mjög góð
stemning fyrir bikarnum hér í
bænum. Fólk man vel eftir því
hvernig tilfinningin er að
vinna og þar af leiðandi ennþá
stærra en fyrir aðra sem ekki
hafa upplifað. Annars erum
við á þessum tímapunkti
einbeittir á KR-leikinn, sagði
Baldur og nú ljóst að það var
góð ákvörðun. „Ég leyfi
huganum ekki að fara þangað
af því ég verð að vera ein-
beittur á þá leiki sem við
erum að fara að spila, það
skiptir mestu máli núna.“ /PF
Hinn þétti kjarni heimamanna sem skrifað hefur undir samning við körfuknatt-
leiksdeild Tindastóls til æstu tveggja ára ásamt formanni deildarinnar MYND: PF
Rúnar Rúnarsson, formaður knatt-
spyrnudeildar Tindastóls. MYND AF FB
05/2020 5