Feykir - 05.02.2020, Blaðsíða 12

Knattspyrna
Feðgar í liði Kormáks/Hvatar
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455
7176 og netfangið feykir@feykir.is
05
TBL
5. febrúar 2020 40. árgangur
Frétta- og dægurmálablað á Norðurlandi vestra : Stofnað 1981
Lið Kormáks/Hvatar tekur nú þátt í B-deild Kjarna-
fæðismótsins í knattspyrnu en sex lið taka þátt í henni. Lið
Húnvetninga hefur nú þegar leikið þrjá leiki og náði í sinn
fyrsta sigur í síðustu viku.
Þá öttu þeir kappi við lið Samherja og höfðu sigur, 4-2.
Leikurinn fór fram á talsvert snjóugum gervigrasvelli KA-
manna og kom Jónas Aron Ólafsson K/H yfir strax á 8.
mínútu. Sigurður Aadnegard bætti öðru marki við tíu
mínútum síðar og síðan urðu Samherjar fyrir því óláni að
gera sjálfsmark tveimur mínútum síðar. Þeir lögðu þó
ekki árar í bát og minnkuðu muninn í 3-2 fyrir hlé. Það
var hins vegar Árni Einar Adolfsson sem gulltryggði sigur
Kormáks/Hvatar á 60. mínútu.
Fyrri tveir leikir K/H töpuðust. Sá fyrri var gegn
sameiginlegu liði Hattar og Hugins og endaði 5-0. Hinn
leikurinn var gegn kempum KF úr Fjallabyggð og endaði
hann 4-0.
Kannski verður leiksins helst minnst fyrir það að
feðgar spiluðu fyrir lið K/H en það er fátítt. Bjarki Már
Árnason sem er fæddur 1978 og sonur hans, Björn Jökull
Bjarkason, sem er árgerð 2006, voru báðir á vellinum fyrir
lið Kormáks/Hvatar síðasta hálftímann.
Feykir hafði samband við þjálfarann og pabbann og
spurði hvernig feðgarnir hefðu staðið sig. „Feðgarnir
plummuðu sig mjög vel saman og óhætt að segja að það
hafi verið spenna í okkur báðum því það er ekki sjálfgefið
að ná þessu. Ég er með svo frábæra stráka í liðinu að þeir
studdu vel við bakið á honum þannig að honum gekk vel.
Strákurinn er mjög efnilegur og vonandi heldur hann
áfram að æfa sig og bæta, þá getur hann alveg náð langt.
Við sjáum hann a.m.k. sjaldan án þess að vera með
fótbolta með sér,“ sagði helsáttur Bjarki Már. /ÓAB
Feðgarnir og Hofsósingarnir Björn Jökull og Bjarki Már að leik
loknum. MYND AF FACEBOOK
Björgunarsveitarfólk
menn ársins
Austur-Húnavatnssýsla
Lesendur Húnahornsins völdu björgunarsveitarfólk í
Björgunarfélaginu Blöndu sem menn ársins í Austur-
Húnavatnssýslu árið 2019. Að vanda var tilkynnt um valið
á Blöndublóti, þorrablóti Blönduósinga, sem haldið var á
laugardagskvöldið. Þetta er í 15. sinn sem lesendur Húna-
hornsins velja mann ársins í Austur-Húnavatnssýslu.
Á vef Húnahornsins, huni.is, segir: „Björgunarfélagið
stóð í ströngu í síðasta mánuði þegar mikið óveður gekk yfir
landið. Félagsmenn lögðu mikið á sig við erfiðar aðstæður
við að aðstoða og tryggja öryggi íbúa í óveðrinu og að
aðstoða fyrirtæki og stofnanir í héraðinu.“
Það var Hjálmar Björn Guðmundsson, formaður björg-
unarfélagsins, sem tók við viðurkenningarskildi og gjöf frá
Húnahorninu. Gjöfin er 100.000 króna styrkur til félagsins.
Þátttaka í valinu á manni ársins í Austur-Húnavatnssýslu
var mjög góð að þessu sinni og fengu fjölmargir verð-
skuldaða tilnefningu en langflestar féllu þær Björgunar-
félaginu Blöndu í skaut, að því er segir á huni.is. /FE
HSN Sauðárkróki hefur fengið nýtt símanúmer :
432 4200
Lyfjasími :
432 4203
Vaktlæknir utan dagvinnutíma :
1700
Ef um neyðartilfelli er að ræða hringið í :
112
Vill verða heilsueflandi samfélag
Blönduósbær
Á fundi menningar,- tómstunda- og íþróttanefndar
Blönduósbæjar í síðustu viku kom fram að
sveitarfélagið hefur hafið ferlið að því að verða
Heilsueflandi samfélag.
Málið var kynnt fyrir nefndinni sem fagnaði þessu
jákvæða skrefi, að því er segir í fundargerð.
Heilsueflandi samfélag er heildræn nálgun sem
Embætti landlæknis vinnur að í samstarfi og samráði
við sveitarfélög, opinberar stofnanir, frjáls félagasamtök
o.fl. Meginmarkmið þess er að styðja samfélög í að
skapa umhverfi og aðstæður sem stuðla að heilbrigðum
lifnaðarháttum, heilsu og vellíðan allra íbúa. /FE
Björgunarsveitarfólki var vel fagnað við afhendingu viðurkenningar-
innar. MYND: ARNAR ÞÓR SÆVARSSON | TEKIÐ AF HUNI.IS
Kakalaskáli tilnefndur
til verðlauna
Eyrarrósin 2020
Eyrarrósarlistinn 2020 var opinberaður í gær og er
Kakalaskáli í Skagafirði eitt þriggja verkefna sem hafa
formlega verið tilnefnd til verðlauna í ár. Alls bárust 25
umsóknir um Eyrarrósina 2020 hvaðanæva af landinu en
hún er viðurkenning fyrir framúrskarandi menningar-
verkefni utan höfuðborgarsvæðisins.
Sex verkefni voru valin á
Eyrarrósarlistann í ár en
þrjú þeirra hlutu formlega
tilnefningu til verðlaunanna
og eiga þar með möguleika á
að hljóta Eyrarrósina 2020.
Þau eru: Kakalaskáli í
Skagafirði, Menningarstarf í
Alþýðuhúsinu á Siglufirði
og Skjaldborg – hátíð ísl-
enskra heimildamynda á
Patreksfirði.
Eyrarrósin verður afhent
við hátíðlega athöfn þann 14. febrúar næstkomandi á
Seyðisfirði, heimabæ handhafa Eyrarrósarinnar 2019;
listahátíðarinnar List í ljósi. Frú Eliza Reid, verndari
Eyrarrósarinnar mun afhenda verðlaunin./PF
Eitt verka í Kakalaskála.
MYND: PF