Feykir - 20.05.2020, Blaðsíða 6

Kristín. AÐSEND MYND
Kristinn Kristjánsson / bassi
„Djamm með Justin helsta afrekið“
( TÓN-LYSTIN ) oli@feykir.is
Í þetta skiptið er það Kristinn
Kristjánsson (1973), Kiddi
Ká, tvíburabróðir Stjána
tromm-ara, sem fræðir okkur
um tónlistarsmekk sinn og
-sögu. Kiddi býr nú á Siglufirði
og starfar hjá Fiskmarkaði
Siglufjarðar, sonur Jóninnu
Hjartardóttur og Kristjáns Óla
Jónssonar. „Ég er fæddur á
Siglufirði en flutti á Krókinn
þegar ég var átta ára, ætla að
leiðrétta tvíburabroður minn,“
segir Kiddi og vitnar til eldri Tón-
lystar sem Stjáni svaraði. „Ég er
nokkuð viss um að við fluttum á
sama tíma.“
„Mitt hljóðfæri er bassi. Ég ætlaði
reyndar að verða hljómborðsleikari
en það kom aldrei til þó ég hafi átt
hljómborð en ekki bassa á fyrsta
giggi,“ segir bassaleikarinn sem er
síðan spurður út í helstu afrek sín
á tónlistarsviðinu. „Hljómsveitin
Segulbandið var fyrsta hljómsveitin
sem ég var í, stofnuð á Króknum
árið 1987. Eftir það var ekki aftur
snúið, tónlistarbakterían komin
til að vera. Ég spilaði með fleiri
hljómsveitum á Króknum, s.s. John
Wayne, Draugunum, Herramönnum
og Nítró, upphaflega Kjammi &
Kjuðarnir, sem æfði á bílskúrslofti
í Dalatúninu. Nítró gat yfirleitt ekki
æft fyrr en trommarinn var búinn að
vaska upp heima hjá sér.
Fleiri hljómsveitir fylgdu í kjólfarið
og tímabundin verkefni. Lengst
af hef ég verið í hljómsveitinni
Spútnik, og er enn, með frábærum
tónlistarmönnum. Kristján Gislason
er söngvari í þeirri sveit.
Ég hef verið svo heppinn að fá að
spila með frábæru tónlistarfólki og
kynnast mörgum í tengslum við
tónlist – ýmislegt verið afrekað og
gert – en ætli helsta afrek mitt hafi
ekki verið þegar ég spurði Justin
Timberlake að því hvort við ættum
ekki að spila lag eftir hann og annað
með Lenny Kravitz í syrpu, þetta
væri hvort eð er sami hljómagangur.
Hann var til í það og hafði gaman
af,“ segir Kiddi og bætir við að
djammið með Justin hafi staðið í
um tvo tíma og ýmislegt verið spilað.
„Þetta var skemmtileg upplifun.“
Hvaða lag varstu að hlusta á? „If
the World Was Ending með JP Saxe
og Julia Michaels.“
Uppáhalds tónlistartímabil? „Ég
held ég geti tengt við fleiri en eitt
tímabil. 80´s hefur alltaf skipað
stóran sess. Sveiflast svolítið fram
og tilbaka, hef fylgst með því nýjasta
í gegnum börnin mín og hef haft
gaman af.“
Hvaða tónlist fær þig til að
sperra eyrun þessa dagana? „Ég
hef gaman af því að fyljgast með
og hlusta á nýja íslenska tónlist,
eins og hana Bríeti, „hann“ Auði,
Daða Frey ofl. Margir erlendir
tónlistarmenn eru þarna líka eins og
John Mayer, The Weeknd, Dua Lipa,
JP Sax og fleiri. Svo dett ég reglulega
í nostalgíukast. Eg er reyndar líka
dottinn í „kantríið“, meira og meira.
Eins og sjá má, ADHD og út um allt.“
Hvers konar tónlist var hlustað á
á þínu heimili? „Foreldrar mínir er
af 68 kynslóðinni svo mikð var um
60´s og 70´s. Elvis Presley, Bítlarnir
og margir fleiri. Rokkið í bland við
það sem bítlakynslóðin hlustaði á.
Held reyndar að við bræður höfum
verið heppnir með það að fá þetta
allt í bland.“
Hver var fyrsta platan/diskurinn/
kasettan/niðurhalið sem þú
keyptir þér? „Mig minnir að það
hafið verið platan August með Eric
Clapton.“
Hvaða græjur varstu þá með?
„Pioneer hljómflutningstæki foreldra
minna, hétu líka fermingargræjur á
áttunda áratunum.“
Hvert var fyrsta lagið sem þú manst
eftir að hafa fílað í botn? „Það var
örugglega lagið Johnny Can´t Read
með Don Henley. Gaman að því.“
Hvaða lag getur eyðilagt fyrir þér
daginn? „Ég held að ekkert lag geti
eyðilagt daginn hjá mér, líklega væri
ég búinn að stoppa það áður.“
Þú heldur dúndurpartí í kvöld,
hvað læturðu hljóma í græjunum
til að koma öllum í stuð? „Það færi
alveg eftir því hverjum væri boðið.
Félagarnir fengju að hlusta á Toto,
the Police, Steely Dan og fleiri. Aðra
fengi ég líklega til þess að stjórna
græjunum fyrir mig.“
Þú vaknar í rólegheitum á
sunnudagsmorgni, hvað viltu helst
heyra? „Ég væri til í að heyra nýja
uppáhaldslagið mitt If the World
Was Ending með JP Saxe og Julia
Michaels og tónlist í þeim dúr.“
Þú átt þess kost að fara hvert
sem er í heiminum og skella þér
á tónleika. Hvert færirðu, á hvaða
tónleika og hvern tækirðu með
þér? „Við félagarnir höfum farið
á nokkra tónleika, hérlendis og
erlendis, og séð margar af okkar
uppáhalds tónlistarmönnum. Ég
færi með alla vini mína á Red Hot
Chilli Peppers í LA, þar varð bandið
til.“
Hvað músík var helst blastað í
bílnum þegar þú varst nýkominn
með bílpróf? „Það voru hljómsveitir
eins og Sálin hans Jóns míns, Síðan
skein sól, Roxette, Bon Jovi, Phil
Collins, Maxi Priest, Dire Straits og
heill hellingur af öðru.“
Hvaða tónlistarmaður hefur þig
dreymt um að vera? „Ef ég mætti
velja hvaða tónlistarmaður ég væri
þá er það Nathan East [bassaleikari]
– í það minnsta hefði hans hæfileika.
Hef reyndar hitt hann perónulega
þegar við nokkrir félagar fórum VIP
á Toto tónleika í Berlín. Hann hefur
spilað með mörgum þekktustu
tónlistamönnum heims.“
Hver er að þínu mati besta plata
sem gefin hefur verið út eða sú
sem skiptir þig mestu máli? „Ég
held ég gæti ekki valið, þær eru
nokkrar og lögin fleiri eflaust ef þau
væru talin upp.“
toppurinn
Vinsælast á Playlista
Kristins:
If the World Was Ending
JP SAXE OG JULIA
MICHAELS
Love too Much
KEANE
Elsku vinur
STUÐMÖNNUM
Ride It
REGARD
Don‘t start now
DUA LIPA
Norðurland vestra
Fjölgaði
um 60
manns
á fimm
mánaða
tímabili
Íbúum Norðurlands vestra
hefur fjölgað um 60 frá
1. desember sl. og eru nú
orðnir alls 7387 talsins sem
gerir fjölgun upp á 0,8%.
Fjölgun varð í öllum
sveitarfélögunum á svæðinu
utan eins, samkvæmt
samantekt Þjóðskrár Íslands.
Mest fjölgaði í Sveitar-
félaginu Skagafirði eða um 36
þar sem 4073 búa í dag, um tólf
í Húnaþingi vestra þar sem
1222 búa og á Blönduósi
fjölgaði um sjö manns en þar
búa nú 949. Alls eiga 370
manns lögheimili í Húna-
vatnshreppi þar sem fjölgaði
um þrjá á þessu tæpa hálfu ári,
í Akrahreppi fjölgaði um tvo en
þar eru skráðir 207 íbúar og á
Skagaströnd bættist einn við
íbúatöluna og teljast Skag-
strendingar vera 474 talsins nú.
Skagabyggð er eina sveitar-
félagið þar sem íbúum fækkaði
og eru nú skráðir einum manni
færri en 1. desember samkvæmt
tölum Þjóðskrár eða alls 89
manns. Íbúum Reykjavíkur-
borgar fjölgaði um 959 á
tímabilinu frá 1. desember
2019 til 1. maí sl. Það
sveitarfélag sem kemur næst
var Garðabær en þar fjölgaði
íbúum um 208 á sama tímabili.
/PF
Séð yfir Sauðárkrók. MYND:PF
6 20/2020