Feykir - 03.06.2020, Blaðsíða 2

Það er sjómannadagur og lítill gutti arkar
eftirvæntingafullur, að honum finnst óravegu frá
Hólaveginum og út á Eyri, til að taka þátt í
sjómannadeginum á Sauðárkróki. Þetta er fyrir þann
tíma er öllum var skóflað upp í togara í
sjómannadagssiglinguna og
vandinn var að velja í hvaða
bát ætti að fara. Sá vandi var
svo sem ekki stór hjá mér
því ég þekkti örlítið til eins
bátsins, Sóleyjar SK 8, þar
sem Stebbi Páls, pabbi besta
vinar míns réði ríkjum.
Eins og Magnús Jónsson
segir í skemmtilegu viðtali í
Feyki vikunnar var þetta
hátíðleg stund þar sem
sjómenn og landkrabbar
skemmtu sér saman, fyrst í siglingu fyrir utan höfnina og
svo í hefðbundnum leikjum á eftir. Mest þótti mér
skemmtilegast að sjá menn detta í sjóinn í reiptoginu,
ekki síst ef þeir voru sjáanlega hreifir af víni, og að
sjálfsögðu var farið í fjöruna og reynt að bleyta sig aðeins.
Mér fannst það alla vega tilheyra að koma ekki þurr
heim.
Einhverjar breytingar voru svo gerðar á fram-
kvæmdinni á Króknum því hátíðahöldin færðust um
tíma inn í bæ. Reipi strengt bakka á milli í sundlauginni
og þar tókust hinir hraustustu sjómenn á og drógu
andstæðinga sína út í laugina. Man ekki hvort það var í
sama skiptið en á íþróttavellinum reyndu sjómenn með
sér í pokahlaupi, netabætingu og að reka nagla í spýtur.
Það var ekki eins gaman. Vantaði nándina og það að fá
að taka þátt.
Nú er sjómannadagurinn framundan en því miður
með þeim Covid-hætti sem við þekkjum eftir veturinn,
lítið eða ekkert um að vera. Það er ekki gaman en þannig
er ástandið, allir eru almannavarnir og passa að veiran
nái sér ekki á strik á ný. Það er ávinningurinn sem við
viljum, að lífið komist í samt lag á ný. Það er ekki
sjálfgefið. Gerum sjómannadaginn eftirminnilegan að
ári.
Kæru sjómenn nær og fjær, til hamingju með sjó-
mannadaginn, næsta sunnudag.
Páll Friðriksson, ritstjóri
LEIÐARI
Til hamingju sjómenn
Hafðu
samband!
Hafðu samband í síma 455 7176
eða sendu Feyki póst á feykir@feykir.is
Átta ný störf verða til á Sauðárkróki
Átak á sviði brunamála
Síðastliðinn fimmtudag var
haldinn kynningarfundur í
höfuðstöðvum Húsnæðis- og
mannvirkjastofnunar (HMS) við
Ártorg 1 á Sauðárkróki þar sem
kynntar voru fyrirhugaðar
breytingar á bruna- og
eiturefnavörnum á Íslandi. Þar
með munu bætast við um átta
ný stöðugildi á sviði bruna-
eftirlits og brunavarna hjá HMS
á Sauðárkróki.
„Við getum ekki komið í
veg fyrir allt brunatjón en við
getum fækkað tilfellum og
stuðlað að því að þau verði
ekki of dýru verði keypt fyrir
samfélagið allt. Við viljum, og
eigum, að stórefla brunavarnir.
Einn liður í því er að fjölga
þeim sem að sinna eftirliti
með að lögum og reglum sé
framfylgt á öllum stigum, allt
frá byggingum mannvirkja til
þjálfunar slökkviliða, rann-
sókna á orsökum og fræðslu til
almennings. Það hyggjumst
við gera með eflingu bruna-
varna sem heyra undir hina
nýju og öflugu stofnun sem við
erum í hér í dag í Húsnæðis-
og mannvirkja-stofnun,“ sagði
Ásmundur Einar í ávarpi sínu
á fundinum.
Hann sagðist vonast til þess
að í þessari viku yrði auglýst
störf í starfsstöð HMS á
Sauðárkróki sem lúta bæði að
almennum eftirlitsstörfum og
stjórnendastöðum. „Það mun
þurfa fólk með háskóla-
menntun, verkfræðimenntun
og annað sem þarf til þess að
halda utan um þessa nýju
starfsstöð og þau verkefni, sem
við erum að fara að hefja
saman sem samfélag, að hefja
átak í brunavörnum á næstu
árum,“ sagði Ásmundur. /PF
Ásmundur Einar Daðason, félags- og barnamálaráðherra, kynnti breytingar sem
fyrirhugaðar eru hjá HMS. MYND: PF
Nánari upplýsingar á www.fnv.is eða í síma 455 8000
Brautskráning og skólaslit Fjölbrautaskóla
Norðurlands vestra verða föstudaginn 5. júní
kl. 13:00 í Íþróttahúsinu á Sauðárkróki.
Vegna fjöldatakmarkana á samkomur er aðeins hægt að bjóða
tveimur aðstandendum með hverjum brautskráningarnema.
Hlekkur á streymi frá athöfninni verður birtur á
heimasíðu skólans www.fnv.is.
Skólameistari
Frá Fjölbrautaskóla
Norðurlands vestra
KK restaurant hlaut viðurkenningu
Icelandic Lamb Award of Excellence
Veitingastaðurinn KK restaurant (Kaffi Krókur) á
Sauðárkróki fékk Icelandic Lamb Award of
Excellence viðurkenningu sl. fimmtudag við
hátíðlega athöfn, en það er markaðsstofan
Icelandic Lamb sem dómnefnd þótti það
ánægjulegt að heiðra þetta metnaðarfulla
veitingahús í miðju héraði lambakjöts-framleiðslu
á Íslandi og var því sérstaklega fagnað að
hráefnin séu sótt heim í hérað og notkun
upprunamerkinga á matseðli metnaðarfull.
Eliza Reid, forsetafrú, ávarpaði samkomuna
og veitti viðurkenningarnar, sem í ár var skipt í
þrjá flokka en með þeirri skiptingu var tryggt að
flóra íslenskra veitingahúsa endurspeglist í hópi
viður-kenningahafa. Flokkarnir þrír voru
Sælkeraveitingastaðir (fine dining), Bistro og
Götumatur (casual dining). Í ár sátu Sæmundur
Kristjáns-son, Guðbjörg Gissurardóttir og Pétur
Stefán Ingi Svansson, matreiðslumaður, og Tómas Árdal,
eigandi KK restaurant, taka við viðurkenningu úr höndum
Péturs Sæmundssonar, fulltrúa dómnefndar og frú Elizu Reid
forsetafrúar. AÐSEND MYND
Snæbjörnsson í dómnefnd, en hún lagði mat á
markaðs- og kynningarefni staðanna, þátttöku
þeirra í samstarfsverkefninu, nálgun þeirra að
lambakjöti, og hráefnaval. /PF
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is Soffía Helga Valsdóttir, bladamadur@feykir.is
Auglýsingastjóri:
Sigríður Garðarsdóttir, siggag@nyprent.is
Áskriftarverð: 585 kr. hvert tölublað með vsk. Lausasöluverð: 720 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
2 22/2020