Morgunblaðið - 28.08.2021, Blaðsíða 9

Gunnlaugur Snær Ólafsson
gso@mbl.is
Þ
að hefur margt þurft að
breytast vegna þeirra tak-
markana á lífi fólks sem
kórónuveirufaraldurinn hef-
ur haft í för með sér og er sjáv-
arútvegssýningin Iceland Fisheries
Exihibition (Icefish) engin undan-
tekning í því sambandi. Hún átti að
fara fram í Fífunni í Kópavogi dag-
ana 15. til 17. september en var af-
lýst um miðjan ágúst vegna að-
stæðna og fjöldatakmarkana.
Sýningunni hefur verið fundinn
nýr tími á næsta ári og samkvæmt
nýrri áætlun Mercator Media Ltd.
sem stendur að sýningunni mun
hún fara fram 8.-10. júní 2022. Sýn-
ingin hefur verið haldin á þriggja
ára fresti í áraraðir og átti að fara
fram í fyrra.
„Þar sem það hefur orðið nauð-
synlegt fyrir stjórnvöld að fram-
lengja Covid-takmarkanirnar við-
urkennum við að þetta skapar
óvissu og gerir skipulagningu fyrir
sýnendur okkar og gesti afar erfiða.
Við myndum öll vilja að þetta væri
ekki raunin og við bjuggumst við
því að sýningin gæti farið fram.
Eftir samráð við ráðgjafarnefnd
okkar og hagsmunaaðila teljum við
að tímasetning 2022 sé besta
ákvörðun fyrir sýnendur, gesti og í
þágu öryggis almennt,“ segir Mari-
anne Rasmussen-Coulling, fram-
kvæmdastjóri sýningarinnar, í yfir-
lýsingu frá Mercator Media.
Þurfa ekki að bíða
Þrátt fyrir að ákveðið hafi verið ný-
verið að hækka efri mörk sam-
komutakmarkana í 200 manns
myndi það líklega ekki duga þar
sem sýningin hefur tekið við yfir 13
þúsund gestum. „Sýnendur, fulltrú-
ar fyrirtækja og gestir snúa aftur
og aftur til Icefish. Við erum með-
vituð um að það verða töluverð von-
brigði fyrir fólk sem getur ekki
sýnt og mætt í eigin persónu,“ seg-
ir hún.
Þá var nýverið íslensku sjávar-
útvegssýningunni, sem fyrirtækið
stendur að og fara átti fram dagana
16.-18. nóvember í Fífunni í Kópa-
vogi, einnig frestað. Sú ákvörðun
var tekin í kjölfar framlengdra
fjöldatakmarkana af hálfu rík-
isstjórnarinnar.
Frestun sýninganna tveggja mun
hins vegar ekki þýða að áhugafólk
um sjávarútveg þurfi að bíða fram á
næsta ár með að fá sýningu, þar
sem haldin verður sýning í sýnd-
arveruleika 16. til 18. nóvember.
Sýndarveruleikasýningin, Icefish
Connect, átti að vera viðbót sem
fram færi samhliða sýningunum
tveimur sem valmöguleiki fyrir þá
sem ekki hefðu átt kost á að
ferðast, en mun nú koma í stað
beggja sýninganna að sinni.
Sjávarútvegssýning í sýndarveruleika
Bæði alþjóðlegu sjávar-
útvegssýningunni sem
átti að fara fram í Fíf-
unni dagana 15. til 17.
september og íslensku
sjávarútvegssýningunni
sem átti að fara fram á
sama stað 16. til 18.
nóvember hefur verið
frestað.
Bæði íslensku og alþjóðlegu sjávarútvegssýningunni í Fífunni hefur verið aflýst enda mun fleiri en 200 sem mæta.
Gunnlaugur Snær Ólafsson
gso@mbl.is
Norðlæga skipasmíðastöðin (r. Se-
vernaya Verf) í Sankti Pétursborg í
Rússlandi hefur hafið smíði á tíunda
verksmiðjutogaranum fyrir Norebo.
Skipið er 81,6 metrar á lengd og 16
metrar að breidd og mun bera nafnið
Kapitan Sosnin. Þá mun togarinn
verða gerður út af dótturfélagi Norebo
(Leigufloti Sakhalin) í austanverðu
Rússlandi þar sem hann mun meðal
annars veiða síld og ufsa. Í heild munu
fjórir togarar af þessari gerð verða
gerðir út á þessu svæði en hinir sex
munu vera á Norðurhöfum.
„Þótt við séum enn langt frá því að
ljúka öllu verkefninu, þá erum við þeg-
ar komnir lengra en hálfa leið,“ er haft
eftir Pavel Kosolapov, tæknistjóra No-
rebo, á vef World Fishing & Aquacult-
ure. „Við höfum lært að sigrast á erf-
iðleikum og meginályktunin sem hægt
er að draga núna er að endurvakning
innlendrar skipasmíði í borgaralegum
tilgangi er að raungerast. Við vitum
hvers konar nútímalegra skipa floti
okkar þarfnast og reynsla okkar hjálp-
ar skipasmíðastöðinni að öðlast nýja
hæfni í smíði hátækniskipa.“
Vísar Kosolapov með orðum sínum
til þess að Norðlæga skipasmíðastöðin
hefur frá stofnun 1917 smíðað herskip
fyrir sovéska flotann. Nú stefna rúss-
nesk stjórnvöld að því að nýta þessa
innviði í að nútímavæða sjávarútveg
landsins.
10. Norebo-tog-
arinn í smíðum
Togarar Norebo eru glæsilegir.
LAUGARDAGUR 28. ÁGÚST 2021 MORGUNBLAÐIÐ 9
ÞAÐ ER LANDSBANKI
NÝRRA TÍMA
Í Landsbankaappinu getur þú
sinnt fjármálunum á ferðinni,
stofnað reikninga, kröfur, kort
og margt fleira sem sparar
sporin og einfaldar reksturinn.
Einfaldari rekstur
með Landsbanka-
appinu
LANDSBANKINN. IS
Haraldur og Andri
Eigendur HB tækniþjónustu