Morgunblaðið - 01.10.2021, Blaðsíða 2

Ekki ummerki
um kvikuinnskot
Þorsteinn Ásgrímsson
thorsteinn@mbl.is
Nýjustu gervitunglamyndir sýna
ekki að um kvikuinnskot sé að ræða
í tengslum við jarðskjálftahrinu sem
hefur verið í gangi suðvestur af
Keili undanfarna daga. Ekki er þó
enn hægt að útiloka að um kvikuinn-
skot sé að ræða þar sem það tekur
að jafnaði nokkra daga fyrir jarðris
að koma fram. Þetta kom fram á
fundi vísindaráðs almannavarna
fyrr í dag.
Lovísa Mjöll Guðmundsdóttir,
náttúruvársérfræðingur hjá Veður-
stofu Íslands, segir í samtali við
mbl.is að svokallaðar INSAR-gervi-
tunglamyndir hafi verið notaðar til
að skoða mögulegt jarðris. Þar er
bylgjum varpað á svæðið og svo
reiknað út hvort að ris hafi átt sér
stað. Hún segir of snemmt enn að
segja til um hvernig þróunin verði
og hvort að jarðskjálftahrinan þarna
gæti þróast með svipuðum hætti og
var í febrúar þegar gos hófst í Geld-
ingadölum.
Ósammála um ástæður
Hún segir að fólk hafi verið ósam-
mála á fundi vísindaráðs um hvort
væri að ræða kvikuinnskot eða
skjálfta á flekamótum. „Það verður
að koma í ljós á næstu dögum,“ seg-
ir hún.
Rólegt hefur verið yfir gosstöðv-
unum í Geldingadölum undanfarna
daga og er engin sýnileg gosvirkni,
þótt afgösun sjáist úr gígnum sjálf-
um. Spurð hvort jarðskjálftahrinan
núna geti þýtt að nýtt skeið sé hafið
segir Lovísa að enn sem komið er sé
ekki hægt að segja til um það. „Það
er of snemmt að segja til um hvern-
ig þróast með jarðskjálftana og með
Geldingadali.“
Minnir á fyrri hrinu
Spurð nánar út í jarðskjálftahrin-
una núna segir Lovísa að þeir séu á
mun afmarkaðra svæði en í febrúar
þegar jarðskjálftarnir voru mjög
víða á Reykjanesskaga. Þó sé ým-
islegt líkt með því sem nú er að ger-
ast og þá. „Þetta minnir mjög á
skjálftahrinuna í febrúar, en það
þýðir ekki að það sama sé í gangi,“
tekur Lovísa fram. Þá nefnir hún að
stóru skjálftarnir núna mælist á
enda kvikugangsins sem myndaðist
í febrúar.
- Gervitungl skoða mögulegt jarðris
Endurbætur á Orkuveituhúsinu í
Reykjavík eru nú í fullum gangi en
segja má að markmið þeirra sé tví-
þætt, þ.e. að fá hús sem heldur vatni
í rigningu og hættir að vagga í roki.
Mjög hefur að undanförnu verið
fjallað um gallaða útveggi hússins
en minna hefur farið fyrir rugginu.
Í gær var stór steypudæla við
vinnu við suðurvegg hússins. Var
þá verið að steypa eins konar akk-
eri fyrir þennan hluta hússins svo
koma megi í veg fyrir að hann
vaggi til og frá í miklum vindum.
En veltingurinn var bæði óþægileg-
ur fyrir starfsfólk og skapaði
óþarfa álag á slitfleti og þéttilista.
Áður en unnt var að steypa akk-
erið þurfti að grafa niður á fasta
klöpp og koma þar fyrir miklum
járnfestingum. Mun svo steypu-
veggurinn ná frá bergfestingunum
og alveg upp á efstu hæð þar sem
finna má svalir. khj@mbl.is
Steypa nú
akkeri á
hús OR
Morgunblaðið/Eggert
2 FRÉTTIR
Innlent
MORGUNBLAÐIÐ FÖSTUDAGUR 1. OKTÓBER 2021
ÆFÐU SVEIFLUNA
04. - 09. OKTÓBER | 04. - 12. OKTÓBER | 04. - 16. OKTÓBER
GOLFFERÐIR TIL ALICANTE
10.000 KR.AFSLÁTTUR Á MANN.* GILDIR Á ALLAR GOLFFERÐIR TILALICANTE GOLF EÐA ELPLANTIOÍ OKTÓBER
EL PLANTIO GOLF RESORT
El Plantio er einn vinsælasti golfstaður okkar á
Spáni. Þessi skemmtilegi staður er steinsnar frá
Alicanteborg og því tilvalið fyrir þá sem vilja spila
golf og njóta menningarinnar í Alicante. Golfvöllurinn
við hótelið er 18 holu völlur sem hentar fyrir alla
kylfinga.
ALICANTE GOLF RESORT
Alicante Golf er í 15 mínútna fjarlægð frá miðborg
Alicante og 10 mínútum frá bænum San Juan. Stutt
er í verslun og á ströndina. Alicante Golf inniheldur
sex par 3 holur, sex par 4 holur og sex par 5 holur.
INNIFALIÐ
ÚRVAL GISTISTAÐA VIÐ GOLFVÖLL
MORGUNVERÐUR EÐA HÁLFT FÆÐI
ÓTAKMARKAÐ GOLF
ÞÁTTTAKA Í GOLFMÓTI ÚÚ
GLÆSILEGIR VINNINGAR
AFNOT AF GOLFBÍL
ÍSLENSK FARASTJÓRN
AKSTUR TIL OG FRÁ FLUGVELLI
BEINT FLUG FRAM OG TIL BAKA
INNRITUÐ TASKA 20 KG & HANDFARANGUR
FLUTNINGUR Á GOLFSETTI
04. - 09. OKTÓBER
VERÐ FRÁ:169.900 KR.
á mann m.v. 4 fullorðna
Verð frá 179. 500 kr. á mann m.v. 2 fullorðna
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 INFO@UU.IS
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
BAKSVIÐ
Andrés Magnússon
andres@mbl.is
Formenn ríkisstjórnarflokkanna
ræða enn endurnýjað ríkisstjórnar-
samstarf, en þar er fyrsta fyrirstaðan
hvernig styrkleikahlutföll í ríkis-
stjórninni eigi að vera.
Gengið er út frá því að Katrín Jak-
obsdóttir verði áfram forsætisráð-
herra, en framsóknarmenn telja að
þeim beri aukin völd við ríkisstjórn-
arborðið, fleiri ráðherrar og helst
fjármálaráðuneytið.
Sjálfstæðismenn hafa hins vegar
spurt hvers vegna stærsti flokkurinn
ætti að vera afgangsstærð við upp-
stillingu í Stjórnarráðinu. Fái þeir
hvorki forsætis- né fjármálaráðuneyt-
ið hljóti mun fleiri ráðuneyti að falla
þeim í skaut. Svör samstarfsflokk-
anna munu vera dræm.
Nokkuð hefur verið rætt um end-
urskipulagningu á Stjórnarráðinu, til-
flutning verkefna og stofnun nýrra
ráðuneyta, sem gæti liðkað til fyrir
bættum styrkleikahlutföllum.
Nú eru 11 ráðherrar, fimm sjálf-
stæðismenn, þrír framsóknarmenn og
þrír vinstri grænir. Jafnvel þótt ekki
sé horft til mismikils valdavægis ráðu-
neyta heldur aðeins fjöldans miðað
við þingstyrk, ætti fjöldi ráðherra
hvers flokks að vera óbreyttur.
Væri ráðherrum fjölgað um einn
gæti Framsókn fengið fjóra, Sjálf-
stæðisflokkur fimm og Vinstri
græn þrjá, en þá væru sjálfstæð-
ismenn raunar að sýna nokkurt ör-
læti. Enn frekar fái hinir flokkarnir
forsætisráðuneyti og fjármálaráðu-
neyti. Þá væri nær að fjölga ráð-
herrum um tvo, svo Framsókn fengi
fjóra, Sjálfstæðisflokkur sex, en
Vinstri græn þrjá. Þá væri fjöldinn í
samræmi við styrkleika, en valda-
vægið órætt. Og svo er ekki víst að
ríkisstjórnin vilji vera 13 til borðs!
Mannauðsstefna
Vinstri græn munu tæplega fá fleiri
en þrjá ráðherra og mannabreytingar
ólíklegar þar á bæ. Bæti Framsókn-
arflokkurinn við sig ráðherra væri
Willum Þór Þórsson sjálfgefinn sem
fjórði maðurinn, nema að þá yrði hann
þriðji ráðherra flokksins á suðvestur-
horninu, sem er ómögulegt fyrir flokk
með rætur á landsbyggðinni. Því er
Ingibjörg Ólöf Isaksen, oddviti í
Norðausturkjördæmi, ákjósanlegust
og jöfn kynjahlutföll í kaupbæti.
Hjá Sjálfstæðisflokki veltur mikið á
fjölda ráðherraembætta. Einn núver-
andi ráðherra, Kristján Þór Júl-
íusson, er hættur á þingi, svo þar losn-
ar stóll, hvað sem öðru líður. Hann
kemur örugglega í hlut landsbyggð-
arþingmanns og þar beinast flestra
augu að Guðrúnu Hafsteinsdóttur úr
Suðurkjördæmi, en þar telja menn
löngu tímabært að fá ráðherra aftur.
Dræmur árangur flokksins í Norð-
austurkjördæmi gerir það enn lík-
legra.
Talið er líklegast að aðrir ráðherrar
sitji áfram, þótt auðvitað sé aldrei
neitt víst í pólitík. Sumir þingmenn
benda á að flokkurinn hafi tapað tals-
verðu fylgi í Reykjavík norður meðan
hann hafi haldið sínu í Reykjavík suð-
ur, en hvort það veiki stöðu Guðlaugs
Þórs Þórðarsonar er efamál. Ýmsir
aðrir þingmenn hafa gefið til kynna að
þeir séu reiðubúnir til að gegna ráð-
herraembætti og hafa sumir reynslu
og stöðu til.
Sá á kvölina, sem á völina.
Ný ríkisstjórn að teiknast upp
- Deilt um styrkleikahlutföll á þingi og ríkisstjórn - Fjölgun ráðuneyta rædd - Ráðherralistar skýrast