Morgunblaðið - 06.11.2021, Page 53

AFP
Verðlaunaður Damon Galgut.
Suðurafríski rithöfundurinn Dam-
on Galgut hlaut hin virtu ensku
bókmenntaverðlaun Booker í vik-
unni fyrir bók sína The Promise
sem segir af hvítri fjölskyldu í Suð-
ur-Afríku við enda aðskilnaðar-
stefnunnar, apartheid. Dómnefnd
segir í umsögn sinni að skáldsagan
sé stórkostlegt dæmi um hvernig
hægt sé að fá fólk til að endurhugsa
hlutina og sjá í nýju ljósi og líkir
henni við verk Williams Faulkner
og Virginiu Woolf.
Galgut hlýtur að launum 50 þús-
und sterlingspund, jafnvirði um níu
milljóna króna. The Promise er ní-
unda skáldaga hans og er hann
þriðji suðurafríski rithöfundurinn
sem hlýtur verðlaunin, skv. frétt á
vef dagblaðsins The Guardian.
Galgut hlaut Booker-verðlaunin
MENNING 53
MORGUNBLAÐIÐ LAUGARDAGUR 6. NÓVEMBER 2021
„Sýningin átti upphaflega að vera
eitt langt skemmtiprógramm, en hef-
ur smám saman breyst yfir í það að
vera mun persónulegri og ljúfsárari
sýning. Mig langaði til að sækja á
djúpið og hleypa fólki aðeins nær
mér. Það má því lýsa þessu sem
nokkurs konar lífsskoðun leikara þar
sem ég horfist í augu við sjálfan mig,
ferilinn og ýmsa góðkunningja sem
hafa fylgt mér og íslensku þjóðinni í
gegnum árin, rifja upp gömul og góð
kynni og horfir fram á veginn,“ segir
Örn Árnason um sýninguna Sjitt ég
er 60+ sem hann frumsýnir í Leik-
húskjallara Þjóðleikhússins í kvöld
kl. 19.
Sýningin átti upphaflega að fara á
svið snemma árs 2020, en frestaðist
vegna heimsfaraldursins. „Í millitíð-
inni er ég því orðinn 62 ára,“ segir
Örn og tekur fram að auðvitað sé
hann og hafi alltaf verið á besta aldri.
„Mér finnst samt svolítið skrýtin til-
hugsun að ég eigi aðeins fimm ár í að
verða löggilt gamalmenni. Tíminn fer
að styttast í annan endann til að gera
eitthvað skemmtilegt, en þessi sýn-
ing er fyrst og fremst hugsuð til að
skemmta sjálfum mér og gera ýmis-
legt sem ég hef ekki fengið að gera
upp á hinu stóra sviði. Ég hef til
dæmis aldrei leikið Hamlet,“ segir
Örn og tekur fram að sér hafi fundist
áhugavert að máta einræður Ham-
lets við sinn aldur. „Svo syng ég líka
töluvert í sýningunni, meðal annars
nýtt Eurovisionlag,“ segir Örn og
tekur fram að honum til halds og
trausts sé Jónas Þórir Þórisson pí-
anóleikari, en þeir hafa unnið tölu-
vert saman í gegnum árin.
Leikhúsið veitir næringu
„Mér finnst George Bernard Shaw
hafa hitt naglann á höfuðið þegar
hann sagði: „Við hættum ekki að
leika okkur af því að við verðum
gömul. Við verðum gömul ef við
hættum að leika okkur.“ Þessi setn-
ing hefur verið leiðarljósið í þessu
uppistandi mínu,“ segir Örn og tekur
fram að sýningin sé bæði lausbeisluð
og organísk.
„Aldur á ekki að skipta máli nema
maður sé ostur eða fiskur. Ef líf og
heilsa leyfir þá er maður alltaf á
besta aldri,“ segir Örn. Ekki er hægt
að sleppa Erni án þess að spyrja
hvernig Leikhúskjallararinn henti
sem sýningarrými fyrir uppistandið.
„Þetta er frábært rými og gott að
vera hérna. Það er líka notalegt að
hafa áhorfendur svona nálægt sér,“
segir Örn en áhorfendur sitja við
borð sem dreift er kringum sviðið.
„Leikhúsið, það að koma fram og tala
við fólk og skemmta hefur alltaf gefið
mér mikla næringu. Sumum leik-
urum finnst erfitt að koma fram, en
það hef ég aldrei upplifað. Ég kem
alltaf endurnærður heim eftir leik-
sýningar.“ silja@mbl.is
„Langaði að
sækja á djúpið“
- Sjitt ég er 60+ nefnist kvöldstund
með Erni Árnasyni - „Ljúfsár sýning“
Ljósmynd/Atli Þór Alfreðsson
Líf „Aldur á ekki að skipta
máli nema maður sé ostur eða
fiskur. Ef líf og heilsa leyfir þá
er maður alltaf á besta aldri,“
segir Örn Árnason.
Pottþétt fimm í fötum er yfirskrift
opnunarsýningar hins gamalgróna
Gallerys Ports í nýju húsnæði að
Laugavegi 32 í dag, laugardag,
klukkan 16. Um er að ræða stóra
samsýningu með verkum fimm
listamanna, þeirra Auðar Ómars-
dóttur, Árna Más Erlingssonar,
Baldurs Helgasonar, Hönnu Dísar
Whitehead og Helga Þórssonar. Öll
sýna þau ný verk úr fjölbreyti-
legum efnivið.
Gallery Port var rekið í rúmlega
fimm ár í bakhúsi að Laugavegi 23b
en nýja húsnæðið er stærra og að
sögn aðstandenda glæsilegt. Nýjum
sal fylgja nýjar áskoranir en að
sögn eins stofnendanna, Árna Más
sem líka er einn sýnenda nú, þá
mun áfram vera unnið með fjöl-
breyttum hópi listafólks að því að
koma nýrri og spennandi list til al-
mennings og vera miðstöð grasrót-
arinnar í miðborg Reykjavíkur.
Árni Már segir að bæði hafi eldra
plásið verið sprungið utan af starf-
seminni og svo á að fara að gera
húsið upp svo þau hafi þurft að
flytja. „Við erum miklu sýnilegri á
nýja staðnum. Við erum með tvo
innganga, frá Laugarvegi og úr
portinu, en planið er að vera með
tvö sýningarými,“ segir hann en
annað verður lagt undir þá nýjung í
starfseminni að þar verður upp-
lagsgallerí sem verður sérhæft í
prentverkum og með reglulegar
sýningar.
„Það verða kannski sýningar
settar upp á tveggja mánaða fresti
en í aðalgalleríinu verður svo sama
keyrsla og áður, fullt af sýningum,“
segir Árni.
Listamennirnir sem sýna nú með
Árna hafa allir sýnt áður í Porti.
„Og við stefnum á að vinna meira
með þeim. Hægt og rólega ætlum
við að fara að vinna með kjarna af
listamönnum,“ segir hann.
„Þetta verður mikið stuð!“
„Þetta verður mikið stuð!“
- Fyrsta sýningin
í Gallery Porti á
nýjum stað
Morgunblaðið/Unnur Karen
Listamennirnir Helgi Þórsson, Árni Már Erlingsson, Baldur Helgason,
Hanna Dísa Whitehead og Auður Ómarsdóttir í nýja sýningarsalnum.
Strengjasveitin ZHdK Strings kem-
ur ásamt þremur íslenskum einleik-
urum fram á tónleikum í Norður-
ljósum Hörpu á morgun kl. 16 undir
merkjum Sígildra sunnudaga. Ein-
leikararnir eru fiðluleikararnir
Ísak Ríkharðsson og Sólveig
Steinþórsdóttir og píanóleik-
arinn Þóra Kristína Gunnarsdóttir,
en þau eru öll fyrrverandi nem-
endur við Tónlistarháskólann í
Zürich. Á efnisskránni eru Souven-
ir d’un lieu cher op. 42 eftir Tsjaj-
kovskíj, Poème op. 25 eftir Ernest
Chausson, Konzert-Allegro mit
Introduktion op. 134 eftir Robert
Schumann og Oktett op. 20 eftir
Felix Mendelssohn.
„Strengjasveitin ZHdK Strings
er fjölþjóða hljómsveit skipuð
nokkrum af bestu nemendum Tón-
listarháskólans í Zürich í Sviss.
Stofnandi hennar og listrænn
stjórnandi er Rudolf Koelman, fyrr-
verandi konsertmeistari Concert-
gebouw-hljómsveitarinnar í Amst-
erdam,“ segir í tilkynningu.
ZHdK Strings kemur fram á tónleikum í Hörpu á morgun
Fjölþjóða hljómsveit Stofnandi ZHdK Strings og listrænn stjórnandi er Rudolf Koelman,
fyrrverandi konsertmeistari Concertgebouw og einn af síðustu nemendum Jascha Heifetz.
„Afmælisveisla
er 42. sýningin
sem haldin
verður í Mid-
punkt, en hún
markar líka þau
tímamót að Mid-
punkt verður
þriggja ára
gamalt
menningarrými.
Af þessu tilefni
munu aðstandendur og sýningar-
stjórar Midpunkt nýta tækifærið
og sýna sín eigin verk,“ segir í
tilkynningu. Sýnendur eru Jo-
anna Pawlowska, Ragnheiður
Sigurðardóttir Bjarnarson,
Sveinn Snær Kristjánsson og
Snæbjörn Brynjarsson. Sýningin
er opnuð í dag kl. 16 og stendur
til 14. nóvember.
Afmælisveisla í
Midpunkt í dag
Snæbjörn
Brynjarsson
Rithöfundurinn Mohamed Mbougar
Sarr frá Senegal hreppti Concourt-
verðlaunin í ár, elstu og virtustu
verðlaun sem höfundar sem skrifa
á frönsku geta hlotið. Sarr er 31 árs
gamall og yngstur til að hljóta
verðlaunin í 45 ár, og er hann
fyrstu höfunda frá sunnanverðri
Afríku til að hreppa þau. Verð-
launasagan nefnist La plus secrète
mémoire des hommes (Mesta leynd-
armál manna). Hún fjallar um ung-
an senegalskan rithöfund í París
sem finnur skáldsögu frá 1938 og
hefur hún mikil áhrif á líf hans.
Verðlaunaféð er aðeins 10 evrur
en bækur sem hreppa þau seljast
venjulega afar vel í kjölfarið, í allt
að 400.000 eintökum.
Mohamed Mbougar Sarr fékk Goncourt
AFP
Verðlaun Sarr er frá Senegal og aðeins 31
árs gamall, yngstur verðlaunahafa í 45 ár.
Hallveig Rúnarsdóttir og Árni
Heimir Ingólfsson munu syngja og
spila á síðustu stofutónleikum
Gljúfrasteins að sinni á morgun,
sunnudag, kl. 16.
Á efnisskránni verða verk eftir
Gabriel Fauré, Atla Heimi Sveins-
son, Jón Ásgeirsson og Francis
Poulenc. Miðar verða seldir í safn-
búðinni á Gljúfrasteini samdægurs.
Miðaverð er 3.500 krónur.
Árni Heimir
Ingólfsson
Hallveig
Rúnarsdóttir
Stofutónleikar
á Gljúfrasteini