Morgunblaðið - 08.12.2021, Blaðsíða 4

4 FRÉTTIR
Innlent
MORGUNBLAÐIÐ MIÐVIKUDAGUR 8. DESEMBER 2021
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Sigurður Bogi Sævarsson
sbs@mbl.is
Starfsmenn framkvæmdadeildar
Reykjavíkurborgar hafa á síðustu
dögum tekið niður fjölda hraðaskilta
við íbúðagötur í austurborginni.
Þetta er gert í kjölfar þeirrar
ákvörðunar borgarráðs og undir-
stofnana þess að lækka umferðar-
hraða í íbúðagötum úr 50 km í 30 km
á klukkustund. Einnig hafa skilti
verið færð til; sett nær stofn-
brautum og eru þar til auðkenningar
þegar ekið er inn í íbúðagöturnar.
„Sennilega eru þetta um 90 skilti
sem við höfum fært til. Svo er svip-
aður fjöldi af skiltum sem við höfum
tekið niður og eru komin í geymslu,
segir Stefán Gíslason, rekstrarstjóri
hjá umhverfis- og skipulagssviði.
Mest hefur verið um breytingar
þessar í Langholtshverfi og í Grafar-
vogi, hvar er fjöldi íbúðagatna sem í
sumum tilvikum eru botnlangar.
Síðasta vor samþykkti skipulags-
og samgönguráð Reykjavíkur áætl-
un um hámarkshraða. Með henni
verða flestar götur í Reykjavík með
40 km hámarkshraða eða minni.
Engin gata verður lengur með 60
km hraða og götur með 50 km hraða
fáar. Annað gildir um þjóðvegi í
þéttbýli sem Vegagerðin sinnir.
Viðmið er að í húsa- og safngötum
gildir að hámarkshraði er 30 km/
klst. Á öðrum safngötum og í iðn-
aðarhverfum er hámarkið 40 km/
klst., en á stöku köflum þar, svo sem
í grennd við skóla, íþróttahús og
fleira slíkt, getur viðmiðið verið
lægra. Sama er uppi á teningnum á
götum þar sem hámarkið er 50 km/
klst., en það eru stofngötur sem eru
tengingar milli hverfa og aðalbrauta.
Skilti og merkingar skv. þessari
stefnu verða sett upp á nokkrum ár-
um og í völdum tilvikum fylgja frek-
ari ráðstafanir. Allt er þetta tekið
skref fyrir skref og borgin öll er
undir.
Hraðinn lækkaður og skiltin fjarlægð
Morgunblaðið/Unnur Karen
Umferðarskilti Hámarkshraðinn 50 km/klst. verður sjaldséður í borginni.
- Breytingar í borginni - 90 skilti færð og önnur tekin niður - Hægfara í íbúðagötum - Langholts-
hverfi og Grafarvogurinn - Hraðar farið á þjóðvegum í þéttbýli - Verkefnið unnið á nokkrum árum
Framkvæmdafélagið Arnarhvoll átti
hæsta tilboð í allar lóðir á nýju bygg-
ingasvæði í Vetrarmýri í Garðabæ
og bauð tæplega 3,3 milljarða í lóð-
irnar. Í þessum fyrsta áfanga byggð-
ar í Vetrarmýri var boðinn út bygg-
ingarréttur á um 26 þúsund fer-
metum af fjölbýli og 26 þúsund
fermetrum af atvinnuhúsnæði á
fimm aðskildum reitum.
Tilboð frá 13 fyrirtækjum
Á fundi bæjarráðs Garðabæjar í
gær gerðu fulltrúar fyrirtækja-
ráðgjafar Íslandsbanka grein fyrir
tilboðum sem bárust. Alls gerðu 13
fyrirtæki tilboð í allar lóðirnar eða
einstaka áfanga. Bæjarráð sam-
þykkti að fela bæjarstjóra og fyrir-
tækjaráðgjöf Íslandsbanka að hefja
viðræður og leita samninga við
Framkvæmdafélagið Arnarhvol sem
er hæstbjóðandi samtals í alla reiti.
Fram kom í Morgunblaðinu fyrir
mánuði að reiknað er með að fram-
kvæmdir í þessum áfanga hefjist á
næsta ári og lóðir verði afhentar
næsta haust. Vetrarmýri er eitt af
þremur fyrirhuguðum uppbygging-
arsvæðum á Vífilsstaðalandi.
Framkvæmdafélagið Arnarhvoll
ehf. hóf starfsemi um mitt ár 2017,
að því er fram kemur á heimasíðu fé-
lagsins, og byggir m.a. Grósku í
Vatnsmýrinni. Framkvæmdastjóri
félagsins er Karl Þráinsson og fjár-
málastjóri Hrefna Björk Ólafsdóttir.
Félagið er í eigu Andra Sveinssonar,
Árna Geirs Magnússonar, Birgis
Más Ragnarssonar, Björgólfs Thors
Björgólfssonar og Karls Þráinsson-
ar. aij@mbl.is
Vetrarmýri Fyrirhugað byggingarsvæði og fjölnota íþróttahús, sem senn
verður tekið í notkun. Fjærst eru áfangarnir fimm sem boðnir hafa verið út.
3,3 milljarðar fyrir
lóðir í Vetrarmýri
- Framkvæmdafélagið Arnarhvoll bauð best
enda eðli samninga ólíkt. Nefnir að
notkun gagnaveranna sé jöfn allt
árið á meðan fiskimjölsverksmiðj-
urnar kaupi mest rafmagn að vetr-
inum þegar eftirspurnin er hvað
mest.
Landsvirkjun tilkynnti jafnframt
að öllum óskum nýrra viðskiptavina
um orkukaup vegna rafmynta hefði
verið hafnað. Tinna segir að mikil
eftirspurn hafi verið eftir orku fyrir
þessa starfsemi frá því Kínverjar
lokuðu á rafmyntagröft um mitt ár.
Eftirspurnin hafi verið tíföld sú
starfsemi sem hér er nú.
Tinna segir að viðskiptasjón-
armið ráði ákvörðuninni. Viðskipta-
líkan Landsvirkjunar gangi út á að
gera raforkusamninga til langs
tíma, til þess að nýta raforkukerfið
sem best, en skammtímasjónarmið
ráði vissulega för í rafmyntagreftri.
Segir hún að gagnaverin geti séð
tækifæri til að nýta rafmyntagröft á
meðan þau eru að byggja upp sín al-
þjóðlegu viðskipti. Því hafi verið
gerðir skammtímasamningar um
rafmyntagröft. Þeir verði allir út-
runnir eftir eitt til tvö ár.
Stjórnendur fiskimjölsverk-
smiðja gagnrýna hversu skammur
tími er gefinn til aðlögunar verk-
smiðjanna. Slökkt hafi verið á raf-
magninu nokkrum klukkustundum
eftir að skerðingin var tilkynnt.
Tinna segir að Landsvirkjun sé háð
duttlunum náttúrunnar en reyni
eftir bestu getu að halda viðskipta-
vinum sínum upplýstum um stöð-
una. Tekur raunar fram að salan til
verksmiðjanna fari í gegnum sölu-
fyrirtæki.
Rafmyntagröftur víkjandi
Spurð að því hvernig það sam-
ræmist yfirlýsingum Landsvirkj-
unar um samfélagslega ábyrgð að
selja raforku til rafmyntagraftrar
en takmarka að miklu leyti afhend-
ingu til fiskimjölsverksmiðja, sem
taldar eru þjóðhagslega mikilvæg
fyrirtæki, segir Tinna Traustadótt-
ir, framkvæmdastjóri sölu og þjón-
ustu hjá Landsvirkjun, að erfitt sé
að bera saman þessi viðskipti. „Það
getur verið erfitt að sjá fyrir hversu
stór loðnukvóti er gefinn út fyrir
hverja vertíð. Það er flókið að gera
langtímaáætlanir í kringum starf-
semi sem slík óvissa ríkir um og það
á eflaust sinn þátt í að bræðslurnar
hafa ekki fest sér forgangsorku,
sem er vissulega dýrari. Við viljum
gjarnan styðja við starfsemina og
höfum gert það með þessum hætti,
að bjóða upp á samninga á lægra
verði þar sem hægt er að takmarka
afhendingu þegar aðstæður krefj-
ast.“
Hún segir að verðið sem fiski-
mjölsverksmiðjum og gagnaverum
standi til boða sé ekki það sama
Helgi Bjarnason
helgi@mbl.is
Drjúgur hluti af takmörkun afhend-
ingar á raforku sem Landsvirkjun
hefur ákveðið er vegna fiskimjöls-
verksmiðja, um 30-40 megavött
næstu daga en 75 MW í janúar þeg-
ar verksmiðjurnar þurfa 100 MW.
Álverin eru skert um 30 MW sem er
um 2,5% af sölu til álvera. Þá eru
gagnaverin skert um 14 MW sem er
um 14% af sölunni. Sala til gagna-
vera sem hefur að stórum hluta ver-
ið notuð til rafmyntagraftrar er um
100 MW sem er sama afl og fiski-
mjölsverksmiðjurnar þurfa á að
halda á loðnuvertíð.
„Þetta er stórfurðuleg ákvörðun.
Allar fiskimjölsverksmiðjurnar eru
búnar að rafvæða sig, hafa fjárfest í
því fyrir um eða yfir hálfan milljarð
hver verksmiðja. Svo er skrúfað
fyrir rafmagnið þegar við þurfum á
því að halda,“ segir Sigurgeir
Brynjar Kristgeirsson (Binni),
framkvæmdastjóri Vinnslustöðv-
arinnar.
Binni segir að vissulega séu
bræðslurnar með olíukatla sem
varaafl. Hann telur þó að þar sem
áherslan hafi verið á rafvæðinguna
verði ekki hægt að keyra verksmiðj-
urnar á fullu afli á vertíðinni með ol-
íu. Það eigi alla vega við verksmiðju
Vinnslustöðvarinnar. „Það þýðir að
við munum ekki ná kvótanum og
þjóðin verður af útflutningstekjum.
Það mun hafa áhrif víða þar sem um
helmingur fer til ríkis og sveitarfé-
laga, auk lífeyrissjóða, og yfir þriðj-
ungur í laun.“
Morgunblaðið/Óskar Pétur Friðriksson
Umsvif Frá athafnasvæði Vinnslustöðvarinnar í Vestmannaeyjum. Þar er oft handagangur í öskjunni.
Svipað selt til gagna-
vera og bræðslna
- Sumar bræðslur ná ekki fullum afköstum með olíu
Tinna
Traustadóttir
Sigurgeir Brynjar
Kristgeirsson