Morgunblaðið - 17.12.2021, Page 11

FRÉTTIR 11Innlent
MORGUNBLAÐIÐ FÖSTUDAGUR 17. DESEMBER 2021
Hæ sæti
– hvað vilt þú borða!
Bragðgott, hollt
og næringarríkt
Smáralind, Kringlunni, Spönginni, Reykjanesbæ og Akranesi – dyrabaer.is
ÚTSÖLUSTAÐIR:
Byko, Selfossi | Garðheimar | Heimkaup |Dýrabær
Höskuldur Daði Magnússon
hdm@mbl.is
„Þetta eru gríðarlega góð viðbrögð
og ánægjuleg,“ segir Fannar Jón-
asson, bæjarstjóri í Grindavík.
Mikil ásókn var í lóðir í nýju hverfi
í Grindavík, Hlíð-
arhverfi, en í gær
var úthlutað lóð-
um í fyrsta hluta
uppbyggingar
hverfisins. Alls
bárust 389 um-
sóknir um lóðir í
fyrsta áfanga en
úthlutanir voru
33 talsins. Um
var að ræða ein-
býlishús á einni
hæð, raðhús bæði á einni og tveimur
hæðum, parhús og fjölbýli. Mest
ásókn var í raðhúsin en 43 umsóknir
bárust um eina raðhúsalengju.
Vegna þessarar miklu ásóknar var
dregið spil um hverja einustu lóð.
Leikskóli og verslun í hverfinu
„Við erum mjög ánægð með að fá
meira en tífaldan fjölda umsókna
sem nam lóðum til úthlutunar. Lag-
er okkar af lóðum var uppurinn og
þetta sýnir að við máttum ekki vera
seinna á ferðinni með að koma þessu
nýja hverfi í auglýsingu,“ segir
Fannar bæjarstjóri.
Gatnagerð er að ljúka í Hlíðar-
hverfinu og stefnt er að afhendingu
lóða 15. janúar næstkomandi. Á
svæðinu er að mestu gert ráð fyrir
lóðum fyrir íbúðarhúsnæði, en auk
þess er gert ráð fyrir sex deilda leik-
skóla og verslun. Íbúðabyggðin
verður lágreist, einnar og tveggja
hæða sérbýlishús og tveggja til
þriggja hæða lítil fjölbýlishús.
„Deiliskipulagssvæðinu má skipta í
tvennt út frá legu landsins sem
hækkar tiltölulega hratt til norð-
austurs, því má segja að um sé að
ræða tvö hverfi eða íbúðarhúsa-
svæði, efra og neðra,“ segir í kynn-
ingu á heimasíðu bæjarins.
„Gert er ráð fyrir því að hverfið
byggist fyrst upp í framhaldi af nú-
verandi gatnakerfi og nálægri
byggð. Horft var til þess að byggð
rísi fyrst þar sem landið er flatara og
síðar uppi á hæðinni. Uppbygging
mun þó verða háð eftirspurn og að-
stæðum í samfélaginu,“ segir þar
enn fremur.
Geta rúmað 1.400 manns
„Í hverfinu verður fjölbreytt flóra
af íbúðarhúsnæði og þetta er um það
bil þriðjungur af því sem nú er að
verða tilbúinn. Fullbyggt geta verið
þarna 404 íbúðir sem munu rúma
1.200 til 1.400 manns og við eigum
tilbúna hönnun til að stækka hverfið
enn frekar síðar,“ segir Fannar
bæjarstjóri að endingu.
Drógu spil um
33 nýjar lóðir
í Grindavík
- Hlíðarhverfi byggist upp á nýju ári
- Bæjarstjóri ánægður með viðtökur
Morgunblaðið/Kristinn Magnússon
Grindavík Mikil uppbygging er fyr-
irhuguð á næsta ári í Hlíðarhverfi.
Steinþór Guðbjartsson
steinthor@mbl.is
Svala Björgvins hitti óvænt þýska
aðdáendur um liðna helgi. Parið
kom til Íslands til að fara á tónlist-
arviðburðinn „Jólagesti Björgvins“,
sem verða í Laugardalshöll á morg-
un, þefaði söngkonuna uppi, þar
sem hún var að borða á veit-
ingastaðnum Duck & Rose í
Austurstræti og færðu henni gjöf.
„Þetta var óvænt en skemmti-
legt,“ segir Svala. „Allt í einu var
bankað á rúðuna og þá sá ég par
með viðarplatta með mynd af okkur
pabba og nöfnunum okkar. Handa-
hreyfingar þeirra bentu til þess að
þau vildu að ég kæmi út og skrifaði
á plattann. Ég var í miðjum máls-
verði, kinkaði kolli og hélt áfram að
borða. Þegar ég leit upp aftur sá ég
þau ekki og hugsaði með mér að
þau væru farin. Því hélt ég mínu
striki, borgaði fyrir mig um 40 mín-
útum síðar og fór út. Mér til mik-
illar furðu hímdu þau í kuldanum
upp við vegginn og voru mjög glöð
að sjá mig. Þau sögðust vera komin
frá Þýskalandi til að fara á „Jóla-
gesti Björgvins“, hefðu séð á In-
stagram að ég væri á leiðinni niður
í miðbæ að fá mér að borða og
hefðu ákveðið að láta á það reyna
hvort þau fyndu mig.“
Svala áritaði mynd af sér að
syngja í Júróvisjón í Úkraínu og
platta fyrir parið en þáði annan eins
að gjöf. „Þau sögðust vera miklir
aðdáendur okkar pabba og ég sagði
þeim að þau yrðu að koma baksviðs
eftir tónleikana, hitta pabba og fá
hjá honun áritun á plattann.“
Stefanie Brehm og Sebastian
Schröder eru miklir Júróvisjón-
aðdáendur og dýrka Svölu og
Björgvin. „„Jólagestir Björgvins“
eru bestu jólatónleikar sem ég hef
séð,“ segir Sebastian, sem hefur
fylgst með tónleikunum á YouTube
og í beinu streymi síðan 2017.
„Lagið „Þú komst með jólin til mín“
er uppáhaldslagið okkar og við för-
um örugglega að gráta þegar við
sjáum Björgvin og Svölu syngja
það.“
Sebastian segist hafa gert platta
með myndum af Svölu, Björgvini,
Eyþóri Inga og Jóhönnu Guðrúnu
og komið með þá í þeirri von að fá
þá áritaða hjá goðunum. „Reykja-
vík er lítill bær og mér fannst lík-
legt að ég rækist á þau.“ Hann hafi
fyrst fylgst með Júróvisjón þegar
hann hafi verið 11 ára 1995 og
tengst íslenskri tónlist í keppninni
2003. „Þá byrjaði ég að hlusta á ís-
lenska tónlist á netinu og við hlökk-
um mikið til tónleikanna, að sjá
listafólkið.“
Svala hlakkar til að hitta parið
frá Rostock aftur. Þau hafi sýnt sér
mikla væntumþykju. „Þetta er ynd-
islegt fólk og það verður gaman að
syngja aftur fyrir áhorfendur.“
Í miðbænum Svala Björgvins með gjöfina frá Stefanie Brehm og Sebastian Schröder frá Rostock í Þýskalandi.
Fundu Svölu í bænum
- Þýskt par til landsins vegna „Jólagesta Björgvins“
María Guðmunds-
dóttir, hjúkrunarfræð-
ingur og leikkona, lést
á Landspítalanum 14.
desember, 86 ára að
aldri.
Hún fæddist á Ak-
ureyri 9. nóvember
1935 og var dóttir
hjónanna Guðrúnar
Jónsdóttur, píanókenn-
ara og húsfreyju, og
Guðmundar Guð-
mundssonar skip-
stjóra.
María nam hjúkrun
við Hjúkrunarskóla Ís-
lands. Að námi loknu starfaði hún
um tíma í Bandaríkjunum við hjúkr-
un. Hún sneri síðan aftur heim og
vann á Kleppsspítala og síðan á
Reykjalundi við hjúkrun.
María giftist Hauki D. Þórðar-
syni, yfirlækni á Reykjalundi, þann
9. nóvember 1977. Dóttir Maríu er
Dóra Guðrún Wild og á hún þrjú
börn. Haukur átti fjögur börn; Pét-
ur, Þórð, Magnús og Gerði Sif.
Leiklist var eitt helsta áhugamál
Maríu og starfaði hún mikið með
Leikfélagi Mosfellssveitar og var
lengi í stjórn þess. Leiklistarferill
hennar hófst þó fyrir alvöru þegar
hún fór á eftirlaun og hætti störfum
við hjúkrun. María lék fjölda hlut-
verka í kvikmyndum og
sjónvarpsþáttum síð-
asta aldarfjórðunginn.
Hún þótti fara á kost-
um sem gamanleik-
kona í hinum ýmsu
hlutverkum.
María var líklega
þekktust fyrir hlutverk
sín í Steindanum okkar
og Steypustöðinni.
Ferilskrá hennar í ís-
lenskum kvikmyndum
og sjónvarpsþáttum
ber vott um það, eins
og kemur fram á Wiki-
pedia. Þar eru skráð
hlutverk hennar frá 1997-2019. Þau
eru:.
Perlur og svín (1997), Ungfrúin
góða og húsið (1999), Fóstbræður
(2001), Stella í framboði (2002),
Stelpurnar (2005), Bræðrabylta og
Næturvaktin (2007), Heiðin (2008),
Steindinn okkar (2010-2012), Heims-
endir (2011), A Stunning Perform-
ance (2012), Død snø 2 (2014), Ghetto
betur (2016), Steypustöðin (2017-
2018) og Áramótaskaup (2019).
Einnig lék hún í Áramótaskaupinu
2020 og í stuttmyndinni Órækt sem
var frumsýnd á RIFF 2020. Auk
þess léði hún fyrirtækinu Steypu-
stöðinni rödd sína og las inn á aug-
lýsingar þess um árabil.
Andlát
María Guðmundsdóttir
hjúkrunarfræðingur
Fannar
Jónasson