Morgunblaðið - 17.12.2021, Blaðsíða 30

30 MINNINGAR
MORGUNBLAÐIÐ FÖSTUDAGUR 17. DESEMBER 2021
Félagsstarf eldri borgara
Aflagrandi 40 Opin vinnustofa kl. 9-12.30. Zumba Gold 60+ kl. 10.30.
Kraftur í KR kl. 10.30, rútan fer frá Vesturgötu 7 kl. 10.10, Grandavegi
47 kl. 10.15 og Aflagranda 40 kl. 10.20. Síðasti tíminn fyrir jól. Mætum
í jólalegu dressi. Jólabingó kl. 13.30, spjaldið kostar 350 kr. Opin vin-
nustofa kl. 13.30. Kaffi kl. 14.30-15.20. Nánari upplýsingar í síma
411 2702. Allir velkomnir.
Árskógar 4 Smíðastofa með leiðb. kl. 9-16. Opin vinnustofa kl. 9-12.
Leikfimi og yoga með Milan. Hádegismatur kl. 11.30-12.30. Kaffisala
kl. 14.45-15.30. Heitt á könnunni. Allir velkomnir. Sími: 411 2600.
Boðinn Helgistund kl. 13.30. Sundlaugin er opin frá kl. 13.30-16.
Garðabær Poolhópur í Jónshúsi kl. 9. Gönguhópur frá Jónshúsi kl.
10. Dansleikfimi í Sjál. kl. 9.30 komin í jólafrí. Söngstund kl. 11.10 í
Jónshúsi fellur niður. Smiðja í Kirkjuhvol opin kl. 13-16 jólafrí.
Jólabingó kl. 13 á vegum FEBG í Jónshúsi. Vegna fjöldatakmarka
verður að skrá sig á viðburðinn, skráning í Jónshúsi.
Gjábakki Kl. 8.30-11.30 opin handavinnustofa og verkstæði. Postu-
línsmálun er komin í jólafrí - hefst aftur í janúar.Tréskurður er kominn
í jólafrí - hefst aftur í janúar. Kl. 14-15 Sögur og fræði - leshópur. Kl.
20-22 félagsvist - síðasta spil ársins!
Gullsmári 13 Opin handavinnustofa kl. 9-13, síðasta Bingó fyrir
jólafrí kl. 13.
Hraunsel Brigdge kl. 13.
Hvassaleiti 56-58 Morgunkaffi og spjall kl. 8.30-10.30. Útvarpsleik-
fimi kl. 9.45. Handavinna - opin vinnustofa kl. 10.30. Bridge kl. 13.
Hádegismatur kl. 11.30-12.30, panta þarf fyrir hádegi deginum áður.
Korpúlfar Pílukast í Borgum í umsjón Eggerts kl. 9.30, morgunleik-
fimi útvarpsins í Borgum kl. 9.45. Gönguhópar Korpúlfa leggja af stað
í göngu frá Borgum kl. 10 og inni í Egilshöll á sama tíma, kaffispjall á
eftir. Hannyrðahópur Korpúlfa kl. 12.30 í Borgum og bridgehópur
Korpúlfa kl. 12.30 í Borgum. Síðdegsikaffi kl. 14.30-15.30 Minnum á að
Vilborg Halldórsdóttir kemur í heimsókn í Borgir kl. 13 á mánudag.
Samfélagshúsið Vitatorgi Í dag hittist föstudagshópur í handa-
vinnustofu kl. 10.30-11.30. Það er opin handavinnustofa kl. 13-16.
Jólabingó er í matsal 2. hæð kl. 13-14.30 - spjaldið á 350 kr. Vöfflukaffi
í framhaldi af því. Hlökkum til að sjá ykkur á Lindargötu 59.
Seltjarnarnes Kaffikrókur alla morgna kl. 9. Í salnum á Skólabraut-
inni í dag kl. 13 syngjum við jólin inn við undirleik Bjarma Hreins-
sonar. Kaffisopi á eftir. Allir hjartanlega velkomnir.
Aðalskipulag Dalabyggðar 2020-2032 -
Kynning tillögu á vinnslustigi
Dalabyggð samþykkti á fundi sínum þann
11. nóvember sl. að kynna vinnslutillögu að
Aðalskipulagi Dalabyggðar 2020-2032.Til-
lagan er sett fram í greinargerð, umhverfis-
matsskýrslu og uppdrætti.
Íbúar og aðrir hagsmunaaðilar eru hvattir til
að kynna sér skipulagsgögnin og senda um-
sagnir, ef einhverjar eru, til skipulagsfulltrúa
á netfangið skipulag@dalir.is fyrir 18. janúar
2022. Ábendingar má einnig senda á
heimilisfangið: Skrifstofa Dalabyggðar,
Stjórnsýsluhúsinu að Miðbraut 11,
370 Búðardalur.
Kynningin er á grundvelli 2. mgr. 30. gr.
skipðulagslaga nr. 123/2010. Unnið verður úr
umsögnum sem berast áður en gengið
verður frá tillögu og umhverfismatsskýrslu
til auglýsingar skv. 31. gr. skipulagslaga og
15. gr. laga um umhverfismat framkvæmda
og áætlana nr. 111/2021. Þá gefst lögbundinn
6 vikna athugasemdafrestur áður en gengið
verður frá nýju aðalskipulagi til loka-
afgreiðslu sveitarstjórnar.
Þórður Már Sigfússon,
Skipulagsfulltrúi
Dalabyggðar
Tilkynningar
Sumarhús
Sumarhús – Gestahús –
Breytingar
.Framleiðum stórglæsileg sumarhús
í ýmsum stærðum.
.Tökum að okkur stækkun og
breytingar á eldri húsum.
.Smíðum gestahús – margar
útfærslur.
.Sjáum um almennt viðhald á
sumarhúsum og sólpöllum.
.Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Ýmislegt
Tískuverslunin Smart
Grímsbæ/Bústaðavegi
Verð kr. 6.500
Stærð 6 - 24
netverslun www.gina.is
Sími 588 8050.
- vertu vinur
Rað- og smáauglýsingar
Vantar þig
fagmann?
FINNA.is
með
morgun-
"&$#!%
✝
Guðjón Ólason
var fæddur á
Norðfirði 19. júlí
1951. Hann lést á
heimili sínu, Ási í
Hveragerði, 5. des-
ember 2021.
Guðjón var son-
ur hjónanna Óla S.
Jónssonar, f. 7.7.
1912, d. 3.10. 2003,
og Guðlaugar Mar-
teinsdóttur, f. 4.9.
1917, d. 10.10.
2008. Systkini Guð-
jóns eru Guðbjörg,
f. 1.9. 1939, d.
16.11. 1946, María
Guðbjörg, f. 26.1.
1955, og Sigurlaug
Maren, f. 7.8. 1959.
Útför hans fer
fram frá Garða-
kirkju í dag, 17.
desember 2021,
klukkan 15.
Stærsta hjarta þessarar jarð-
ar hefur slegið sitt síðasta slag.
Einstaki stóri bróðirinn okkar
er farinn á nýjar slóðir. Við sam-
gleðjumst honum innilega að
hafa háð sína síðustu baráttu hér
og trúum við því að lífið hans
verði mun léttara a nýjum slóð-
um og sjáum við hann fyrir okk-
ur teinréttan í baki, hlaupandi
hlæjandi um. Hann Gaui bróðir
mátti aldrei sjá neitt aumt og
hefði viljað geta leyst öll heims-
ins vandamál, þess vegna varð
lífið honum erfiðara en það hefði
þurft að vera.
Þegar við vorum yngri mátti
ég fá lánaðar allar bækurnar
hans, sem ég hafði engan áhuga
á, en Maja systir sem var lestr-
arhesturinn mátti engar fá lán-
aðar, hann eignaðist sinn fyrsta
bíl, appelsínugula bjöllu, sem ég
fékk oft að taka í stýrið á, en
aumingja Maja systir fékk að
prófa einu sinni, oft erum við
búnar að hlæja að þessu syst-
urnar því undir niðri var senni-
lega pínulítil afbrýðisemi.
Hann kláraði gagnfræðaskóla
frá Keflavík og fór síðan á sjó
undir verndarvæng pabba í
fjöldamörg ár og þar var hann
ánægðastur og átti þaðan marg-
ar góðar minningar. Gaui bróðir
hefur alltaf verið stór hluti af
fjölskyldum okkar og hjálpað
mikið til og passaði börnin okkar
þegar þau voru lítil, enda einstök
barnagæla.
Þegar við fluttum til Reykja-
víkur og pabbi hætti á sjó byrjaði
Gaui að vinna á bensínstöð á
Háaleitisbrautinni, upp úr því
byrjaði heilsu hans að hraka og
erfið ár tóku við hjá honum.
Hann rauk inn og út af Klepps-
spítalanum og geðdeild Land-
spítalans og var erfitt að finna
góða hjálp handa honum. Hann
bjó hjá mömmu og pabba þar til
hann flutti að Ási í Hveragerði
þar sem honum loksins fannst
hann eiga heima. Mikill léttir fyr-
ir alla fjölskylduna og erum við
starfsmönnum þar eilíflega
þakklát.
Við systur erum heppnari en
flestir, við fengum að alast upp
með einstökum bróður og erum
við svo þakklátar fyrir það. Hann
skilur eftir stórt skarð en óend-
anlegar stórkostlegar minningar
í hjörtum okkar.
Við vitum að það var vel tekið
á móti honum á nýjum stað.
Lítill drengur ljós og fagur,
hjartans þakkir fyrir allt í bili.
Við elskum þig. Þínar systur,
Sigurlaug Maren Óladóttir
og María Guðbjörg Óladóttir.
Snemma morguns sunnudag-
inn 5. desember fengum við upp-
hringingu frá mágkonu minni um
að þú værir farinn á nýjar braut-
ir, símtal sem við vissum að
kæmi fyrr en seinna en áttum þó
ekki von á því svona snöggt. Við
systir þín höfðum þó talað um
það, eftir heimsóknina okkar í
sumar til að fagna með þér sjö-
tugsafmælinu þínu, að þetta væri
nú síðasta sinn sem við sæjum
þig á lífi.
Kæri mágur, þín verður sárt
saknað, gleðinnar þinnar, hlát-
ursins og samtalanna síðustu ár-
in, svo ekki sé minnst á þau fjöl-
mörgu ár á undan og endalausar
minningar um góðan dreng.
Hógværð þín var einstök og
gleymi ég aldrei þegar þú lánaðir
mér bílinn þinn og ég skilaði hon-
um vel klessukeyrðum nokkrum
tímum seinna. Þú ekkert nema
rólegheitin; þetta var jú bara bíll
sem hægt var að laga! Fæstir ef
nokkrir hefðu tekið þessu með
þinni ró. Svo ekki sé minnst á all-
ar þær stundir sem þú hjálpaðir
okkur á meðan krakkarnir voru
litlir, þú varst ómetanlegur alla
tíð.
Kæri mágur, það er svo margs
að minnast og lengi væri hægt að
skrifa, en ég læt þetta duga í bili.
Kærar þakkir fyrir allt og allt.
Himinninn er stórri, skærri
stjörnu ríkari.
Þinn mágur,
Smári Hauksson.
Það er með miklum trega sem
ég sest hér niður til þess að rita
nokkur fátækleg kveðjuorð um
hann Gauja frænda.
Ég á mínar fyrstu bernsku-
minningar tengdar honum Gauja
þegar hann kom í heimsókn til
okkar eða ég ásamt foreldrum
mínum til hans, þá var það oftast
þannig að hann hafði ekki nokk-
urn tíma fyrir neinn nema mig.
Hann var strax kominn á gólfið í
leik með mér og sýndi mér þann-
ig alla sína athygli, ást og hlýju.
Svo líður tíminn og alltaf er
Gaui tengdur á einn eða annan
hátt. Þarna liggja sumarbústað-
arferðir, bílrúntar og spjall sem
tengdist tíðarandanum.
Það er ekki hægt að segja að
lífið hafi alltaf leikið við hann
Gauja minn. Honum fylgdi
skuggi geðklofa sem hann
greindist með á miðjum aldri.
Hann fann á endanum góðan
samastað í Hveragerði þar sem
hann bjó síðustu áratugina.
Þrátt fyrir heilsubrest bar
hann sig vel og alltaf jafn gaman
að heimsækja minn mann.
Núna í sumar áttum við fjöl-
skyldan frábæran dag með Gauja
þegar hann varð sjötugur, „loks-
ins orðinn fullorðinn“ sagði hann.
Við slógum upp veislu honum
til heiðurs á Brúarflötinni hjá
mömmu og pabba. Silla systir
hans og Smári komu honum á
óvart, en þau komu frá Dan-
mörku, þar sem þau búa, til að
fagna með Gauja. Hún var sér-
stök stundin þegar hann kom á
Brúarflötina og hitti þær systur.
Það var ótrúlega gaman að sjá
þau systkinin samankomin.
Þarna sá maður vel hversu mikils
virði þær systur voru honum
Gauja og hversu mikils virði Gaui
var þeim.
Ég heimsótti Gauja reglulega
á Ás í Hveragerði þar sem hann
undi hag sínum vel. Rétt um sól-
arhring áður en hann kvaddi var
ég í einni af þessum heimsóknum
mínum hjá honum. Þar datt okk-
ur í hug að taka upp jólakveðju á
símann til að senda systrum hans
og fjölskyldum. Þessi stund er
mér afar dýrmæt núna því hún
er fyrir mér hans hinsta kveðja.
Þarna hlógum við og fífluðumst
eins og venjulega því það var
ekki annað hægt en að fara í gott
skap og hrífast með þegar Guð-
jón Ólason fór að hlæja. Umfram
allt þá bjuggum við til fallega og
skemmtilega minningu sem ég
varðveiti um aldur og ævi.
Hinn 5. desember, árla morg-
uns, kvaddi Guðjón Ólason nán-
ast fyrirvaralaust, friðsæll og
flottur, á meðan hann beið eftir
morgunkaffinu.
Þó að síðustu ár hafi verið
honum erfið þá kom fréttin eins
og þruma úr heiðskíru lofti og ég
er ennþá að melta þetta. Ég
hugga mig þó við þá tilhugsun að
hann hefur fengið hvíldina, því
það verður að segjast eins og er
að Gaui var orðinn þreyttur og
slitinn. Heilsan síðustu árin var
farin að segja til sín.
Þá er komið að kveðjustund og
mikið sem ég á eftir að sakna þín
elsku Gaui minn.
Þær systur Mæja og Silla
syrgja nú stóra bróður. Ég lofa
þér því Gaui minn að við sem
næst stöndum systrum þínum
skulum passa þær fyrir þig og
hugga á erfiðum tímum.
Hvíldu í friði elsku frændi.
Óli Stefán Flóventsson.
Heimsins besti frændi hefur
kvatt þessa jörð.
Hann Gaui frændi var hjarta-
stór og yndisleg sál, sem vildi
alltaf öllum vel í kringum sig.
Það var alltaf stutt í hláturinn
hans þó að lífið hafi ekki alltaf
leikið við hann.
Það eru forréttindi að hafa átt
Gauja sem frænda.
Ég er svo þakklát fyrir allar
góðu minningarnar, sem ylja
mér um hjartað í sorginni yfir að
hjartað þitt hafi slegið sitt síð-
asta slag.
Fyrstu minningarnar eru úr
Garðabænum þar sem þú varst
að passa okkur systkinin og
hljópst til skiptis með okkur á
háhest.
Seinna, þegar ég var byrjuð í
skóla, hittumst við oft í viku í
strætó og settist ég alltaf hjá þér
og við töluðum um daginn og
veginn eða hlógum okkur mátt-
laus að stoppistöðinni á Brúar-
flöt.
Eftir að við fluttum til Dan-
merkur fóru ófá bréfin á milli
landa. Þú hélst utan um hversu
mörg bréf þú hafðir sent og
hversu mörg ég hafði sent,
stundum fékk ég í bréfi smá
áminningu um að það væri nú ég
sem skuldaði bréf. Þessi reikn-
ingsdæmi hefur mér alltaf þótt
vænt um, og dreif ég mig oft að
senda nýtt bréf til að verða
skuldlaus.
Torben kynntist þér vel í
gegnum árin, þið áttuð alltaf vel
saman. Kaffi, öl og „damer“ eins
og þið sögðuð oft hvor við annan
og hlóguð svo á eftir.
Á sextíu ára afmælinu þínu
komstu í heimsókn til okkar í
baunalandið og áttum við ynd-
islegar samverustundir.
Torben og ég við gleymum
seint siglingunni með þér á segl-
skútunni okkar til Venö. Þú rifj-
aðir upp minningar frá því að þú
varst á sjó ungur maður og naust
þess svo vel að vera úti að sigla
aftur.
Við eigum eftir að sakna mikið
ferða okkar til Hveragerðis þeg-
ar við komum í heimsókn til Ís-
lands. Sakna bíltúrsins til Selfoss
að fá okkur bita saman, hláturs-
ins þíns og að geta knúsað þig.
Hvíldu í friði elsku frændi.
Kveðja,
Guðlaug Kristín Smáradóttir.
Heimsins besti Gaui frændi.
Þá er komið að kveðjustund.
Það var sárt að fá símtalið á
sunnudaginn, því ég vildi óska
þess að geta knúsað þig bara
einu sinni enn.
Þín verður sárt saknað hérna
á jörðinni, en það er með bros í
gegnum tárin vitandi það að þú
ert loksins kominn til ömmu og
afa.
Og við sem erum eftir hérna
höfum fengið heimsins besta
verndarengil.
Takk fyrir allar góðu minning-
arnar, góða skapið, hláturinn og
knúsin. Þú varst allra manna
bestur og ég er svo óendanlega
stolt yfir að hafa haft þig sem
frænda minn.
Guð geymi þig.
Þín
Þórey Ósk.
Guðjón Ólason