Morgunblaðið - Sunnudagur - 05.12.2021, Qupperneq 8

Mataræði, svefn og stífar æfingar eru að sögn Úlfhildar lykillinn
að eftirtektarverðum árangri hennar í ólympískum lyftingum.
Ljósmynd/Saad al Anzi
Úlfhildur gerði góða för á
heimsmeistaramótið í Jeddah
í Sádi-Arabíu í október, hafn-
aði þar í 9. sæti auk þess að
setja Íslandsmet í snörun þar
sem hún lyfti 81 kg, en bætti
það á NM um síðustu helgi
og hóf þar upp 83 kg.
Ljósmynd/Saad al Anzi
V
enjulegur dagur í mínu lífi?“ íhugar Úlfhildur Arna
Unnarsdóttir spurningu blaðamanns, 16 ára göm-
ul afreksíþróttastúlka, sem gerði sér lítið fyrir í
Stavern í Noregi um síðustu helgi og varð
Norðurlandameistari í ólympískum lyftingum
unglinga í sínum þyngdarflokki, 71 kg, þar sem hún lyfti 181 kg
í samanlögðu, sem jafnframt er nýtt Íslandsmet í flokknum,
setti annað Íslandsmet í snörun, 83 kg, og jafnaði eigið Íslands-
met í jafnhendingu, 98 kg.
Skammt er einnig liðið frá góðri för Úlfhildar á heimsmeist-
aramótið í Jeddah í Sádi-Arabíu í október öndverðan, þar sem
hún hafnaði í 9. sæti og setti þar enn fremur Íslandsmet í snör-
un, 81 kg. Er hér aðeins stiklað á því nýjasta, en afrekaskrá
Úlfsins telur verðlaunasæti á fjölda móta á ferlinum, sem hófst
árið 2017.
Hinar tvær keppnisgreinar ólympískra lyftinga, snörun
og jafnhending, eru útfærðar þannig, að snörun, eða
„snatch“, gengur út á að lyfta stönginni með útrétta arma í
einni samfelldri hreyfingu upp fyrir höfuð, en jafnhending,
„clean and jerk“, er lyfta í tveimur áföngum upp fyrir höfuð,
þar sem fyrri áfanginn kallast frívending og sá síðari
jafnhöttun, samkvæmt orðskýringum Lyftingasambands
Íslands.
Liðug, sterk og með sprengikraft
En aftur að venjulegum degi í lífi Úlfhildar, sem ýjað var að hér
í upphafi.
„Ég vakna snemma af því að ég tek strætó inn í borgina til að
fara í skólann,“ byrjar Úlfhildur, sem búsett er ásamt fjöl-
skyldu sinni í Gautaborg í Svíþjóð, foreldrunum Helgu Hlín Há-
konardóttur, lögmanni frá Akureyri og Evrópumeistara í
ólympískum lyftingum, og Unnari Helgasyni, handbolta-, fót-
bolta- og crossfit-kempu og nafntoguðum þjálfara afreksfólks,
þar á meðal eiginkonu sinnar og dóttur. Á heimilinu eru enn
fremur Arnhildur Ylfa Unnarsdóttir, 10 ára gömul, að ógleymd-
um hundinum Konna, sem lét sig ekki vanta á áhorfendapallana
í Stavern um síðustu helgi að styðja einn eigenda sinna. Þá á
Helga Hlín tæplega þrítuga dóttur á Íslandi, Aðalborgu Birtu
Sigurðardóttur, grafískan hönnuð og fyrrverandi húðflúrmeist-
ara, sem á Nóa og Rán Róbertsbörn. Er nú nóg sagt af ættum.
„Ég fer beint á æfingu eftir skóla og svo fer ég oftast að læra
eða bara slaka á,“ heldur Úlfhildur áfram, hún æfir almennt um
eða rúmlega tvo tíma í senn og stundar crossfit sem hliðar-
búgrein við ólympísku lyftingarnar, sem að hennar sögn fer vel
saman. Íþróttaferillinn er þó fjölbreyttari þar sem Úlfhildur
fiktaði við motocross-vélhjólaakstur fjögurra ára gömul og hóf
fimm ára glæsilegan keppnisferil í fimleikum, sem lék hné
hennar grátt þrátt fyrir að lyftingakempan unga láti jafnan kné
fylgja kviði á lyftingapallinum.
„Ég var að æfa fimleika hjá Stjörnunni í Garðabæ og mér
gekk alltaf vel þar, náði að bæta mig á hverju móti og fannst
gaman. Ég var liðug, sterk og með sprengikraft og náði að kom-
ast langt í fimleikunum þar til ég byrjaði að finna til í hnjánum,“
rifjar Úlfhildur upp. Þar með hafi hún fljótlega séð sína sæng
upp reidda, eða eins og hún orðar það undanbragðalaust: „Í
fimleikum er ekkert í boði að gera bara sumt, það er annað-
hvort allt eða ekkert. Ef ég get ekki tekið þátt á æfingum er
þetta ekkert skemmtilegt svo ég hætti,“ heldur hún áfram og
leiðin lá beint á unglinganámskeið í crossfit þar sem áherslan
var að sjálfsögðu á allt aðra hluti en beinlínis lyftingar, enda
óharðnað æskufólk á ferð. Þar fann Úlfhildur þó ástríðu sína
fyrir ólympísku lyftingunum, en má þó geta þess að hún varð
Íslandsmeistari unglinga í crossfit í fyrra.
Pabbi besti þjálfarinn
„Ég byrjaði á unglinganámskeiði í Crossfit Reykjavík og hitti
þar Sigga [Sigurð Darra Rafnsson], sem nú er landsliðsþjálfari
Tilþrifin eru myndræn og engin ástæða til að dylja gleðina þegar allt
fer upp á mótum, ekki síst ef um heimsmeistaramót er að ræða.
Ljósmynd/Saad al Anzi
„Fer beint á æfingu eftir skóla“
Úlfhildur Arna Unnarsdóttir hefur
vakið verðskuldaða athygli fyrir
hvert afrekið á fætur öðru á vettvangi
ólympískra lyftinga þar sem þessi 16
ára gamla valkyrja hefur verið tíður
gestur á verðlaunapöllum síðustu ár,
síðast sem Norðurlandameistari í sín-
um þyngdarflokki í Stavern í Noregi
um liðna helgi. Úlfurinn sagði Sunnu-
dagsmogganum frá lífinu, keppnis-
mennskunni og draumunum.
Atli Steinn Guðmundsson atlisteinn@mbl.is
8 MORGUNBLAÐIÐ SUNNUDAGUR 5.12. 2021
VIÐTAL