Klifur : fréttablað Sjálfsbjargar, landssambands fatlaðra - 15.03.1991, Blaðsíða 3

NÁMSKEIÐ FYRIR
FORELDRA/AÐSTANDENDUR
FATLARA BARNA DAGANA2.-5.
MAÍ 1991.
Fyrirhugað er að halda námskeið
fyrir foreldra fatlaðra barna, á
aldrinum 4-11 ára, helgina 3,- 5.
maí n.k. Námskeiðsstaður er
Reykjadalur í Mosfellsbæ.
Þetta er helgarnámskeið og er
pláss fyrir um 15 manns.
Námskeiðsgjald er kr. 4.400 og
innifalið í því er fæði, gisting og
námskeiðsgögn. Ferðakostnaður
er greiddur fyrir þátttakendur utan
af landi.
Eftirtaldir aðilar standa að nám-
skeiðinu:
Sjálfsbjörg, landssamband fatlaðra,
Landssamtökin Þroskahjálp, Styrkt-
arfélag vangefinna.
Báða dagana, laugardag og
sunnudag, verða stuttir fyrirlestrar
og hópvinna á eftir hverjum fyrir-
lestri.
Eftirtalin efni verða á daqskrá:
- Fötlun, þroski og þjálfun.
- Námsgeta, dagvist og skóli.
- Uppeldi, samskipti og fjölskyldan.
- Félagsleg viðbrögð - nánasta
- umhverfi.
- Fjölskyldan og samfélagið.
Fyrirlesarar verða læknir, sálfræð-
ingur, félagsráðgjafi og foreldri.
AÐLÖGUNARNÁMSKEIÐ FYRIR FATLAÐA DAGANA 10. -12. MAÍ1991
Á VEGUM SJÁLFSBJARGAR, LANDSSAMBANDS.
Fyrirhugað er að halda aðlögunarnámskeið fyrir fatlaða helgina 10.-12.
maí n.k. Námskeiðið verður haldið í Reykjadal, Mosfellsbæ,
Námskeiðið er miðað við þátttakendur, sem hafa fatlast mikið af ein-
hverjum orsökum á síðustu árum. Dæmi. Mænusköddun, vöðvasjúk-
dómar, klofinn hryggur, helftarlömun, útlimamissir, miðtaugakerfis-
sjúkdómar og fleira.
Auk fatlaðra eru aðrir fjölskyldumeðlimir velkomnir á námskeiðið, bæði
sem aðstoðarmenn og þátttakendur. Þátttakendur geta einnig komið
einir og fengið aðstoð á staðnum.
Aldur: 16 ára og eldri.
Námskeiðið er hluti af félaqsleqri endurhæfinqu. Markmið þess er að
styðja hinn fatlaða og fjölskyldu hans til þess að gera sér grein fyrir
félagslegum afleiðingum fötlunar. Fluttir verða stuttir fyrirlestrar um
viðhorf almennings til fötlunar, viðbrögð vina og vandamanna og viðbrögð
einstaklingsins við í mörgum tilvikum nýjum og breyttum aðstæðum. Á
námskeiðinu verður einnig fyrirlestur um tryggingamál og réttindi fatlaðra
varðandi ýmsa þjónustu og starfsemi, sem tengist fötluðum. Engin bein
líkamleg þjálfun fer fram á námskeiðinu.
Aðallega verður unnið í litlum hópum. Þar verða rædd ýmis mál sem
snerta daglegt líf fatlaðs fólks, bæði mál sem öllum eru sameigínleg og
svo sérstök vandamál þátttakenda. Hópstjóri er í hverjum hópi og hefur
menntun og reynslu af vinnu með fötluðu fólki.
Tækifæri er fyrir þá sem vilja til þess að spjalla í einrúmi um persónulega
hagi við fyrirlesara og starfsmenn.
Þetta er sem sagt helgarnámskeið og er gist á staðnum. Það er pláss
fyrir um 15 manns. Námskeiðsgjald er kr. 4.400 og er innifalið í því gist-
ing, fæði og námskeiðsgögn. Ferðakostnaður er greiddur fyrir fólk utan
af landi.
Þátttaka tilkynnist Lilju Þorgeirsdóttur eða Ólöfu Ríkarðsdóttur í síma 91 -
29133 á skrifstofutíma fyrir föstudaqinn 26. apríl.
Áfram gengur!
Bílaverkstæði
Kársnesbraut 112
Kópavogi.
Framkvæmum allskonar bílavið-
gerðir.
Förum með bíla í skoðun ef óskað
er.
Sækjum bíla ef óskað er.
Veitum öllum Sjálfsbjargarfélögum
10% afslátt af verkstæðisvinnu.
Brynjólfur W. Karlsson
John H. Crawford.