Fréttablaðið - 25.02.2022, Page 14

Björk útskrifaðist sem leikkona
frá Listaháskóla Íslands síðast-
liðið sumar og hefur verið dugleg
að skapa sér ýmis verkefni síðan
þá, enda segir hún ekki hlaupið
að því að fá inni í leikhúsunum á
Covid-tímum. Hún hefur bak-
grunn í spuna en þegar hún komst
ekki inn í Listaháskólann í fyrstu
tilraun fór hún á spunanámskeið
hjá Dóru Jóhannsdóttur í Improv
Ísland. Eftir það varð ekki aftur
snúið og hún hefur sýnt spuna með
leikhópnum í sex ár.
„Ég hélt áfram að sýna með
Im prov Ísland á meðan ég var í
náminu í Listaháskólanum. Það
er svolítið mín leið til að fá útrás
og taka lífið ekki of alvarlega. Að
geta farið í allra kvikinda líki eina
kvöldstund án þess að ritskoða
sig,“ segir hún.
„Ég hef tvisvar farið með Improv
Ísland á stærstu spunahátíð í
Bandaríkjunum til að sýna með
þeim. Það var ótrúlega góð reynsla.
En það var líka góð reynsla að fá
að sýna fyrir fullum sal í Þjóðleik-
húskjallaranum alla miðvikudaga
áður en ég útskrifaðist sem leik-
kona. Að læra að vera ekki hrædd
við að standa á sviði og gera mistök
heldur nýta þau bara í eitthvað
gott.“
Björk segir námið í LHÍ hafa
verið krefjandi og til þess að
komast í gegnum það hafi hún
þurft að fara í mikla sjálfsskoðun,
vera tilbúin að horfa inn á við og
berskjalda sig.
„Ég hef alltaf viljað leika. Ég var
í Herranótt öll árin mín í MR en ég
komst ekki inn í leiklist i Listahá-
skólanum fyrr en í þriðju tilraun.
Eins og reyndar helmingurinn af
bekknum mínum. Ég fór í Improv
til þess að verða betri fyrir næstu
prufu en ég ætlaði ekkert að verða
spunaleikkona líka. Það var bara
gjöf í þessum erfiðleikum við að
komast inn,“ segir Björk og bætir
við að þegar hún loks komst inn í
LHÍ hafi hún áttað sig á að svona
hafi þetta einfaldlega átt að vera.
Hún hafi þurft þennan tíma til að
undirbúa sig og nú var hún komin í
bekk með rétta fólkinu.
Kómískt en stingur í hjartað
Björk er hluti af sviðslistahópnum
Fullorðið fólk, ásamt Önnulísu
Hermannsdóttur vinkonu sinni
og leikstjóra. Annalísa útskrifaðist
líka frá LHÍ síðastliðið sumar,
af sviðshöfundabraut. Júlíana
Kristín Liborius Jónsdóttir er
framkvæmdastjóri hópsins.
„Við ætlum að ferðast um landið
í sumar með einleik. Hann heitir
Girls and Boys á ensku en íslenski
titillinn er Stelpur og strákar. Við
fengum Matthías Tryggvason til að
þýða verkið fyrir okkur,“ útskýrir
Björk, en hún mun leika í verkinu
og Annalísa leikstýrir.
Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is, s. 550 5767
| Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón
Þórisson
Sölumenn: Arnar Magnússon, arnarm@frettabladid.is, s. 550 5652, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
Björk og Annalísa halda úti hlaðvarpi
saman og spjalla við góða gesti.
Björk leikur í einstaklingsverkefni
sínu í Listaháskóla Íslands.
Björk er nýgift
en þau hjónin
eru á leið til
Bandaríkjanna
þar sem hann
ætlar að verða
sérnámslæknir
í almennum
skurðlækn-
ingum og hún
stefnir á að
leika.
MYNDIR/
GUNNLÖÐ JÓNA
RÚNARSDÓTTIR
Sandra Guðrún
Guðmundsdóttir
sandragudrun
@frettabladid.is
Þetta er einleikur eftir Dennis
Kelly en Carey Mulligan var sú
fyrsta til að leika þetta hlutverk.
Björk segist hafa haft samband
við umboðsmann Dennis Kelly en
bjóst ekki við neinu. Svo fékk hún
tölvupóst viku seinna um að hún
væri komin með réttinn á verkinu.
„Þetta eru svolítið stór fótspor
að feta í því Carey Mulligan er
náttúrulega geggjuð leikkona.
Ég geri mér grein fyrir því hversu
stórt verkefni þetta verður. En ég er
alveg tilbúin að fá smá áskorun í líf
mitt til að stækka sem leikkona og
listakona,“ segir Björk ánægð.
„Verkið er ofboðslega mikilvæg
saga um ofbeldi gegn konum.
Ég hlakka til að sýna fólkinu á
landinu þetta verk. Það er líka
svo skemmtilegt. Það byrjar með
kómísku yfirbragði, en það er
náttúrulega mín sérgrein eftir að
hafa verið í spunanum í sex ár. Svo
tekur verkið tvist í miðjunni og
fer alveg inn í dramað og stingur
mann svolítið í hjartað.“
Æfingar á einleiknum hefjast
í mars. Stefnan er að frumsýna
hann í Mengi seinni hlutann í maí
og leggja svo af stað í ferðalag um
landið með hann.
„Júlíana, framkvæmdastjórinn
okkar, er algjör negla. Hún er búin
að vera að skipuleggja ferðina
okkar í kringum landið og bóka
okkur hér og þar. Við erum búnar
að sækja um styrki víðs vegar
um landið og erum búnar að fá
einn styrk frá Uppbyggingarsjóði
Vesturlands. Það er bara geggjað
að fólki skuli vilja styrkja svona
verkefni. Við erum svo bara að
bíða eftir svörum frá fleiri sjóðum.
Mér finnst svo mikilvægt að sýna
þennan einleik og líður bara eins
og það hafi átt að gerast, af því ég
fékk réttinn á verkinu,“ segir Björk
spennt.
Hlaðvarp um hegðun fólks
Þær Björk og Annalísa eru með
ýmis fleiri járn í eldinum, en í
janúar fóru þær af stað með hlað-
varp sem heitir: Þetta fullorðna
fólk er svo skrýtið.
„Í hlaðvarpinu erum við að
reyna að kryfja hvers vegna fólk
gerir það sem það gerir. Hug-
myndin kom af því við sóttum
um styrk í sviðslistasjóð með verk
þar sem okkur langaði að kryfja
það af hverju fólk er svona mikil
hjarðdýr. Af hverju við erum með
svona mikla hjarðhegðun. Út frá
því vöknuðu fleiri spurningar eins
og: Af hverju er mannfólk að gera
alla þessa skrýtnu hluti? Rauði
þráðurinn í hlaðvarpinu okkar er
þessar spurningar. En við fáum
alls kyns fólk til okkar til að spjalla
og fræðast,“ segir Björk, en gestir
í þáttunum hingað til hafa meðal
annars verið leikkonurnar Helga
Braga og Halldóra Geirharðsdóttir.
„Við spurðum Halldóru Geir-
harðs meðal annars af hverju hún
vildi verða leikkona og af hverju
fólk setti leikara á einhvern stall.
En Halldóra útskýrði það vel. Hún
talaði meðal annars um að leikarar
séu samfélagslegur spegill. Fólk
speglar sig í sögunum sem þeir
segja. En það er best að hlusta
á þáttinn til að heyra hvað hún
segir,“ segir Björk.
„Sunneva Einars er búin að
samþykkja að koma í þáttinn
okkar seinna, en hún ætlar að tala
við okkur um samfélagsmiðla og
hvernig þeir hafa áhrif á sjálfs-
myndina. Ari Eldjárn verður líka
gestur hjá okkur og fleira skemmti-
legt fólk er væntanlegt í þáttinn.“
Þættirnir eru alltaf á mánudög-
um klukkan 16.00 á Útvarpi 101
og eru einnig aðgengilegir á helstu
streymisveitum. En það er margt
fleira á dagskrá hjá Björk en ein-
leikur og hlaðvarp. Hún er nýgift
og er núna stödd í Bandaríkjunum
með manninum sínum sem stefnir
að því að verða sérnámslæknir í
almennum skurðlækningum þar
úti.
„Við erum þess vegna að fara að
flytja út og ég er þegar búin að tala
við einn leikhússtjóra í Dartmouth
um að setja einleikinn upp úti. En
það er allt á byrjunarstigi. Mark-
mið mitt er bara að fá að leika og
fá að segja þessar sögur sem eru
mikilvægar. Hvort sem það er í
Bandaríkjunum eða á Ísafirði.“ ■
Markmið mitt er
bara að fá að leika
og segja þessar sögur
sem eru mikilvægar.
Björk Guðmundsdóttir
ALLT kynningarblað 2FÖSTUDAGUR 25. febrúar 2022