Morgunblaðið - 03.01.2022, Blaðsíða 12

VIÐTAL
Ásgeir Ingvarsson
ai@mbl.is
Verkefni öryggisfyrirtækja hafa
breyst í kórónuveirufaraldrinum og
öryggisverðir m.a. leikið veigamikið
hlutverk í sóttvörnum, en opinberar
tölur sýna að innbrotum hefur farið
fækkandi bæði
2020 og 2021.
Þetta segir Fann-
ar Örn Þor-
björnsson og
bætir við að af
umræðunni megi
ráða að sjaldan
hafi verið brýnna
að fyrirtæki veiti
starfsfólki í af-
greiðslustörfum
góða þjálfun svo það sé betur und-
irbúið fyrir alls kyns uppákomur.
Fannar er framkvæmdastjóri sölu
og þjónustu hjá Securitas og bendir
hann á að margir hafi óttast að al-
menn grímunotkun í sóttvarnaskyni
yrði til þess að búðahnupl ykist. „Ná-
kvæmar tölur um þjófnað úr versl-
unum liggja ekki á lausu en í okkar
daglegu störfum getum við ekki
greint að þjófnaðarmálum hafi fjölg-
að. Hins vegar virðist okkur að
grímunotkunin hafi haft áhrif á það
hvernig fólk hegðar sér í kringum
öryggismyndavélar því það er orðið
minna varkárt þar sem vöktun fer
fram.“
Grímur valda
óöryggistilfinningu
Fannar segir að mikilvægur hluti
af þjónustuframboði Securitas sé ör-
yggisþjálfun starfsfólks fyrirtækja.
Njóta námskeiðin vaxandi vinsælda
en þau hafa í auknum mæli færst yfir
á vefinn, til mikils hægðarauka. „Við
höfum m.a. heyrt það frá afgreiðslu-
fólki að það finni fyrir auknu óöryggi
þegar viðskiptavinir hylja vit sín
vegna kórónuveirufaraldursins og
höfum við nýtt fjarnámskeiðin til að
styðja við þennan hóp. Með því að
lesa rétt í hegðun og líkamstjáningu
viðskiptavina getur starfsfólk komið
betur auga á ef eitthvað er í ólagi eða
hvort allt er með felldu og ekkert að
óttast.“
Eins og nefnt var í inngangi hafa
störf öryggisvarða breyst í faraldr-
inum og segir Fannar starfsfólk Sec-
uritas m.a. hafa annast vöktun sótt-
varnahótela og lagt hönd á plóg við
sýnatökur. „Á tímabili féll það líka í
hlut öryggisvarða að telja inn í versl-
anir og önnur rými til að framfylgja
reglum um fjöldatakmarkanir, og
eins er það hluti af skyldum öryggis-
varða í búðum að hafa á því gætur að
viðskiptavinir fylgi smitvarnareglum
hverju sinni,“ útskýrir hann. „Breyt-
ingar á umferð fólks á vinnustöðum
hafa líka kallað á annars konar eftir-
lit enda byggingar stundum staðið
auðar, eða því sem næst, á meðan
starfsfólkið vinnur fjarvinnu. Þarf þá
að gæta t.d. að því að ekki hafi
gleymst að loka gluggum í lok dags,
og tryggja að húsnæðið sé öruggt
þótt enginn sé á svæðinu. Hefur okk-
ar fólk farið í tíðar eftirlitsferðir um
hótelbyggingar og annað húsnæði
sem hefur staðið autt að einhverju
leyti í faraldrinum til að tryggja ör-
yggi bygginga.“
Gervigreind vaktar
myndavélarnar
Ný og betri tækni auðveldar eftir-
litsstörfin og hjálpar bæði til við að
vakta húsnæði og stemma stigu við
vörurýrnun og þjófnaði. Segir Fann-
ar að notkun eftirlitsmyndavéla auk-
ist jafnt og þétt, myndgæðin hafi
aukist til muna og nota megi gervi-
greind til að koma auga á grunsam-
lega hegðun.
„Rafræn vöktun í afgreiðslurými
verslana hjálpar til við að stemma
stigu við búðahnupli en vöktun á lag-
ersvæðum hjálpar stjórnendum að
rekja sig að rótum rýrnunar. Rýrn-
un má í grófum dráttum skipta í
fjóra flokka: þjófnað utanaðkomandi
aðila, þjófnað starfsfólks, rýrnun
vegna mistaka og rýrnun vegna
svika eða villu við vöruafhendingu.
Með því að eiga upptökur af öllum
vinnusvæðum, þar með talið lager-
svæðinu, er hægt að rekja betur ferð
varnings í gegnum fyrirtækið og
koma í veg fyrir að grunur falli á
starfsfólk um að hafa aðhafst eitt-
hvað misjafnt þegar ástæða rýrnun-
ar er t.d. að birgðasali afhenti rangt
magn af vörum.“
Hugbúnaður getur fylgst með
streyminu úr myndavélunum og lát-
ið vita ef t.d. viðskiptavinur hegðar
sér með grunsamlegum hætti inni í
verslun. „Þessi tækni hefur verið á
markaðinum í nokkur ár og hefur
m.a. reynst vel við vöktun opinna
svæða á borð við byggingarsvæði
þar sem myndgreiningarhugbúnað-
urinn getur komið auga á manna-
ferðir á þeim tímum dags sem fram-
kvæmdasvæðið ætti að vera
mannlaust,“ segir Fannar og bætir
við að sömu tækni megi nota til að
telja viðskiptavini inn og út úr versl-
unum og gera hitakort af ferðum við-
skiptavina um verslanir.
Glæpagengin fóru í frí
Áður en kórónuveirufaraldurinn
brast á mátti oft lesa fréttir um að
gengi búðar- og innbrotsþjófa herj-
uðu á íslensk fyrirtæki með skipu-
lögðum hætti. Fannar segir að mun
minna hafi verið af slíkum uppákom-
um eftir að faraldurinn braust út og
sennilegasta skýringin að sú röskun
sem varð á farþegaflugi til og frá
landinu hafi sett strik í reikninginn
hjá glæpagengjunum „Fyrirtæki
ættu að nota tækifærið og fara yfir
sín öryggismál, tæknibúnað og þjálf-
un, og vera vel undirbúin þegar far-
aldurinn er að baki. Um leið og sam-
göngur á milli landa komast aftur í
eðlilegt horf er hætta á að óprúttnir
aðilar sæti færis ef þeir geta fundið
veika hlekki hjá fyrirtækjum.“
Búðahnupl ekki aukist
en starfsfólk órólegt
Morgunblaðið/Kristinn Magnússon
Óvissa Fannar segir það geta valdið óöryggi hjá afgreiðslufólki þegar ekki sést í andlit viðskiptavinarins.
Sú röskun sem varð á flugi milli landa í faraldrinum virðist hafa haldið glæpagengjum í skefjum.
- Erfiðara að lesa í hegðun viðskiptavina með grímu - Framfarir í rafrænni vöktun
Fannar Örn
Þorbjörnsson
12 FRÉTTIR
Viðskipti | Atvinnulíf
MORGUNBLAÐIÐ MÁNUDAGUR 3. JANÚAR 2022
Sími 555 2992 / 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu ogMelabúð
Óblönduð
– meiri virkni Selaolía
Ég heyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustaðmínum sem ég hafði ekki getað áður.“
3. janúar 2022
Gengi Kaup Sala Mið
Dollari 130.38
Sterlingspund 175.73
Kanadadalur 102.42
Dönsk króna 19.847
Norsk króna 14.772
Sænsk króna 14.392
Svissn. franki 142.83
Japanskt jen 1.1326
SDR 182.5
Evra 147.6
Meðalgengi/Viðskiptavog þröng 179.2268
STUTT
« Helstu hlutabréfavísitölur styrktust á
liðnu ári og greinir FT frá því að FTSE All-
World-vísitalan hafi hækkað um tveggja
stafa prósentutölu þriðja árið í röð.
FTSE All-World-vísitalan var sett á
laggirnar sumarið 2000 og fylgir
verðþróun hlutabréfa rétt rúmlega 4.100
fyrirtækja um allan heim og í öllum
helstu atvinnugreinum.
Vísitalan hækkaði um 16,7% árið
2021 og 14,1% árið þar á undan. Árið
2019 mældist hækkunin 24%.
Munar þar ekki síst um að bandaríski
hlutabréfamarkaðurinn hefur verið á
mikilli siglingu og hækkaði S&P 500-
vísitalan um nærri 27% á síðasta ári.
Var styrking S&P 500 m.a. drifin áfram
af nærri 50% hækkun á hlutabréfaverði
orkufyrirtækja, einkum vegna hækkandi
olíuverðs, og rúmlega 40% hækkun
hlutabréfaverðs fyrirtækja í fasteigna-
geiranum.
Af fyrirtækjunum í S&P 500-
vísitölunni hækkaði Devon Energy mest
á síðasta ári, eða um 190%, og samtals
11 fyrirtæki í vísitölunni meira en tvöföld-
uðu hlutabréfaverð sitt á árinu.
Stóru tæknifyrirtækin höfðu líka mikil
áhrif á þróun S&P 500 en hlutabréfaverð
Microsoft hækkaði um 51% á árinu á
meðan Apple varð 34% verðmætara á
árinu sem leið. Er markaðsvirði Microsoft
núna 2.500 milljarðar dala en Apple er
metið á um það bil 2.900 milljarða.
Evrópska Stoxx 600-vísitalan hækkaði
um 23% á liðnu ári og japanska Topix-
vísitalan um 10,4%. Hang Seng-vísitalan
í Hong Kong lækkaði hins vegar um 14%
og er það einkum rakið til þeirra harka-
legu aðgerða sem stjórnvöld í Peking
hafa beitt mörg kínversk fyrirtæki á
árinu. ai@mbl.is
Ágætis hækkun á
hlutabréfamörkuðum
erlendis þriðja árið í röð
AFP