Morgunblaðið - 26.01.2022, Qupperneq 4

Morgunblaðið/Eggert
Þessi hótelgangur var nýlega endurgerður.
Feðgarnir Jón William Magnússon
og Steinþór Jónsson stofnuðu Hótel
Keflavík 17. maí árið 1986.
Meðal helstu áfanga í sögu þess
var þegar Steinþór kom á beinu flugi
milli Íslands og Kanada árið 1995
með flugfélaginu Canada 3000 en í
kjölfarið keyptu feðgarnir aðliggj-
andi hús og fjölguðu herbergjum úr
32 í 70. Þá urðu, að sögn Steinþórs,
straumhvörf með tilkomu Diamond
Suites, fyrsta 5 stjörnu hótels lands-
ins, sem var opnað í maí 2016 en
stærsta átakið hafi verið stækkun og
algjör endurnýjun á almennu rými
sem hófst í upphafi kórónuveiru-
faraldursins snemma árs 2020.
„Við höfum sjaldan framkvæmt
eins mikið og í faraldrinum. Þessar
glæsilegu breytingar voru nauðsyn-
legar og hafa bjargað því sem bjarg-
að varð á erfiðum tímum, m.a. með
auknum komum íslenskra gesta sem
vilja gera vel við sig,“ segir Steinþór.
Einn helsti samkomustaðurinn
Nú sé verið að endurgera síðustu
herbergi hótelsins í sama stíl og al-
mennt rými. Þá sé verið að tvöfalda
stærð eldhússins til að anna eftir-
spurn en staðurinn sé orðinn einn
helsti samkomustaður heimamanna
sem sæki þar í upplifun og gæði.
„Í þessari vegferð tókst mér að
festa kaup á glæsilegum vínskáp frá
Hótel Sögu og er hugmyndin að
skapa honum nýja sögu á Hótel
Keflavík,“ segir Steinþór.
Bókunarstaða sumarsins styrkist
nú dag frá degi. „Baráttan við að
komast í gegnum þessi ár hefur
kennt okkur margt og við erum
þakklát að hafa tekið slaginn í stað
þess að gefast upp.“ baldura@mbl.is.
Hótel Keflavík
endurgert
Morgunblaðið/Eggert
Steinþór Jónsson í endurgerðri móttöku á Hótel Keflavík. Hann hannaði hið nýja útlit hótelsins.
Ljósmynd/Hótel Keflavík
Meðal nýrra rýma eru veitinga- og ráðstefnusalur, Gyllti salurinn, en hann rúmar um 100 manns.
Morgunblaðið/Eggert
Hótel Keflavík hefur verið endurgert í hólf og gólf.
4 MORGUNBLAÐIÐ MIÐVIKUDAGUR 26. JANÚAR 2022FRÉTTIR
GEFÐU STARFSFÓLKINU
DAGAMUN
Suðurlandsbraut 30 | 577 5600 | info@oskaskrin.is | oskaskrin.is
Út um bogadregna glugga veit-
ingasalarins á Hótel Keflavík má sjá
gamalt steinhús (sjá mynd).
„Fulltrúar Reykjanesbæjar hafa
verið í viðræðum við mig um sam-
vinnu og eignarhald á húsinu og
framtíð þess sem er mjög spennandi
til að skapa hér aukið líf og tækifæri.
Húsið er mjög illa farið og má muna
sínn fífil fegurri. Með þeirri upplifun
sem við höfum skapað á hótelinu og
umhverfi þess sé ég fyrir mér nýtt
upplifunarsvæði hér fyrir gesti og
heimamenn. Húsið gæti leikið stórt
hlutverk í þeirri heildarmynd sem
gæti t.d. tengst nýjum sjóböðum
með útsýni yfir Faxaflóann, upp-
lýstu Berginu og skemmtilegri
strandleið. Húsið heitir Vatnsnes og
var áður stórbýli reist árið 1934.
Þetta gæti orðið okkar Höfði og
móttökuhús fyrir bæinn því nýta
mætti starfslið hótelsins til að gera
þessa litlu rekstrareiningu rekstrar-
hæfa í þannig samstarfi,“ segir
Steinþór að lokum.
Morgunblaðið/Eggert
Steinhúsið er afgirt með hvítum steinvegg og er lóðin í kring grasivaxin.
Ræða við bæinn um
rekstur í Vatnsnesi